Pisomi 124 - U TIENU MAAMA TILI 2013

Pisomi 124 O Diedo Isidayeli faabika

1 Ban caa Jerusalemi ki yiini yaa yanbu, Davidi yanbu.

¹ Ban caa Jerusalemi ki yiini yaa yanbu, Davidi yanbu. O Diedo yàá den ye leni ti, Isidayeli yaaba n guani ki yedi yeni:

² «O Diedo yàá den ye leni ti» Bi niba n den fii ki sedi ti po yaa yogunu,

³ Bi den baa nali ti ke ti fo, Bi pala n den fii ti po yaa yogunu.

⁴ Lanyogunu mi ñima den baa milini ti, U kpenu ñima mo den baa tugi ti.

⁵ Lanyogunu yaa ñingola n pia U fidu den baa tugi ti.

⁶ O Diedo n yaa baadi ti pagidi, Wani yua n naa teni, Ke ti tua bonŋmankaala bi ñoana nni!

⁷ Ti den fondi ki ñani nani, Ki nuanga n yen fondi u taalu nni maama yeni. U taalu den kadi ke ti baa ki ñani.

⁸ Ti faabima kuli ña o Diedo kane, Wani yua n tagi tanpoli leni ki tinga.