Pisomi 120 - U TIENU MAAMA TILI 2013

Pisomi 120 Ban tabi yaa nilo jaandi

1 Ban caa Jerusalemi ki yiini yaa yanbu.

¹ Ban caa Jerusalemi ki yiini yaa yanbu. N paboanli nni n den buudi ki mia o Diedo, Ke omo gaa n miabu.

² O Diedo, faabi nni bi tuofaadanba Leni i boandi danba ñoana.

³ Yinba i boandi danba, U Tienu go baa faligi yi lede?

⁴ O baa toa yi leni o toatielo piemi, Ban sondi yii leni a mukuana.

⁵ N fala yabi leni min ye Meseki dogu nni, Leni min ye Kedari gbandiena nni.

⁶ N kali ki waagi boncianla, Yaaba n nani mi yanduanma siiga.

⁷ N yaa maadi mi yanduanma maama, N baa sua ke bani wani li lingi bu toabu yo.