Mi cilima 10 - U TIENU MAAMA TILI 2013

Ki tinga nibuoli

¹ Diidi bine n tie Nowe bijaba Sem, Kam leni Jafeti puoliŋuani. Ki tabolinkaaga n den pendi, bi den mali a bila.

² Jafeti bijaba n tie bine: Gomeri, Magogi, Meedi, Yavan, Tubali, Meseki leni Tirasi.

³ Gomeri bijaba n den tie bine: Asikenasi, Rifati, Togarima.

⁴ Yavan bijaba n tie bine: Elisa, Tarsisi, Kitim leni Rodanim.

⁵ Bani n den tie yaaba n den pugini ki gbieni a kpendega nibuoli kuli, nani bi tinmu n tie maama. Tinga kuli leni ki mabuolu nani bi gaani leni bi mabuoli n den tie maama.

⁶ Kam mo yaa bijaba n tie bine: Kusi, Mitisirayimi, Puti leni Kanana.

⁷ Kusi mo yaa bijaba n den tie bine: Seba, Hafila, Sabita, Rayema leni Sabiteka. Rayema mo yaa bijaba n den tie bine: Saba leni Dedani.

⁸ Kusi go den mali Nemirodi. Wani n tie yua n den cili ki pia u paalu ki tinga nni.

⁹ O den tie tuadimoano o Diedo nintuali, hali ke bi den tua: «Tuadimoano o Diedo nintuali nani Nemirodi yeni.»

¹⁰ O den cili ki diedi Babeli, Ereki, Akadi leni Kaline, yaa dogi n ye Sineari diema nni.

¹¹ Nemirodi den ñani laa diema nni, ki gedi Asuri diema. O den maa yaa dogi n yi: Ninivi, Rehoboti, Kala leni Reseni,

¹² yuu n ye Ninivi leni Kala siiga, ki tie u dociamu.

¹³ Mitisirayimi mo den mali Ludi, Anamima, Lehabima, Nafituyima leni Patilusima yaaba.

¹⁴ Wani n go den mali Kasiluhima Filisiti yaaba n den ñani yaaba yaa kani leni Kafitori yaaba.

¹⁵ Kanana mo den mali o bijakpelo Sidon, Hititi,

¹⁶ Jebusi, Amoriti, Giligasi,

¹⁷ Hiviti, Ariki,

¹⁸ Sini, Awadi, Tisemali leni Hamati yaaba. Lan pendi, Kanana buolu yaaba den yadi.

¹⁹ Kanana diema tinbianu den cili Sidon, Gerari kalu po, ki yaa caa hali Gasa, ki go ban taa Sodomi, Gomori, ki pundi Lesa dogu kunu.

²⁰ Bikuli tie Kam bijaba, nani bi gaani, bi maama, bi diema leni bi buoli n tie maama.

²¹ Sem, Jafeti kpelo den mali o bijaba, ki tua Heberi bila kuli yaa baa.

²² Sem mo yaa bijaba den tie bine: Elami, Asuri, Alipakisadi, Ludi leni Arami.

²³ Arami mo yaa bijaba den tie Utisi, Hula, Geteri leni Masa.

²⁴ Alipakisadi mo yaa bijua den tie Sela, Sela den mali Heberi.

²⁵ Heberi mo den mali jabilie. Yendo den yi Pelegi, kelima li den tie o yaa yogunu yo, ke bi den boagidi ki tinga. Pelegi waalo den yi Yokitani.

²⁶ Yokitani den mali Alimodadi, Selefi, Hatisalimafeti, Yera,

²⁷ Hadolami Usali, Dikila,

²⁸ Obali, Abimayeli, Saba, Ofiri, Hafila leni Yobabi.

²⁹ Bikuli den tie Yokitani bijaba.

³⁰ Bi diema den ye hali Mesa dogu, ki teli Sefari, ki pundi puoli po juana.

³¹ Bikuli tie Sem bijaba nani bi gaani, bi maama, bi diema leni bi buoli n tie maama.

³² Nowe bijaba gaani den tie yeni nani bi nifiima leni bi nibuoli n tie maama. Hali ki tabolinkaaga n pendi, bani n tie yaaba n den yadi ki gbie li ŋandunli nni kuli.