Levi 2 - U TIENU MAAMA TILI 2013

I padibuoli

¹ O nilo yaa baa padi yaa padili n tie jiema o Diedo po, o paabu n yaa tie yonŋanma. Wan kuodi mi niinni mi kpama, ki taa a dugibila ki pugini.

² O baa taa ki gedini Alono bijaba, bi kopadicianba kani. O kopadiciamo baa yidi mi yonŋanma yeni nukuli, ke mi kpama leni a dugibila kuli ye lienni. O baa juu likuli li padibinbinli po, ki doagidi ke li padili yeni kuli tie o Diedo po. Li tie ban juu yaa padili ke li nuulu mani o Diedo po.

³ Yaala n baa sieni li padili yeni niinni baa yaa tie Alono leni o bila po. U mu n buoni yaa pada o Diedo nintuali kuli siiga, li tie yaa padili n gagidi cain.

⁴ A yaa baa cuani yaa padili n tie jiema, ban luoni yaama u fanu nni nani dupen yeni, ŋan ŋanbi ma leni mi yonŋanma leni mi kpama, bi ŋan tieni yoncangili, ki wuli li po mi kpama. Ama lani bonlilie yeni kuli nni, ŋan da tieni dabinli.

⁵ A padili yaa tie jiema, yaama n ŋaani ki sanga nni, mi baa yaa tie yonŋanma, ki kali leni mi kpama, kaa pia dabinli.

⁶ A baa cabidi cabidi boncaba caba, ki wuli lipo mi kpama. Li tie yaa padili n tie jiema.

⁷ A padili yaa tie yaa jiema n sagi, mi baa yaa tie yonŋanma, ki kali leni mi kpama.

⁸ Yaa padili n tie laa jebuolu kuli, ŋan taa li, ki gedi ki teni o kopadiciamo, wan maani li li padibinbinli po.

⁹ Wani o kopadiciamo baa ñani lienni yaala n baa yaa tie mi tiadima po, ki juu la li padibinbinli po. Li tie u mu n buoni yaa padili, yaali yaa nuulu n mani o Diedo po.

¹⁰ Yaala n baa sieni laa padili nni, baa yaa tie Alono leni o bijaba po. U Tienu padijuukaana kuli siiga, laa padili tie yaa bonla n gagidi ki ŋani cain o Diedo nintuali.

¹¹ Yin baa padi o Diedo po yaa padili kuli, yin da tieni dabinli, kelima u mu n baa buoni yaa pada o Diedo po kuli siiga, padiliba kuli kan yaa pia dabinli bi siadi.

¹² Yi baa fidi ki cuani li dabinli, lan yaa tie li bonluonkakpiala paabu, ama yi kan fidi ki juu li li padibinbinli po, lan yaa tie yaa padijuukaana yaa nuulu n mani.

¹³ Ŋan tieni mi yaama a pada kuli nni. Ŋan da cedi a padili n luo yaama. Li tie a Tienu n pia yaa ŋantaado leni a yaa maalima. Ŋan tieni a pada kuli nni mi yaama.

¹⁴ A yaa baa cuani o Diedo po li bonluonkakpiala padili, ŋan taa ti sianpandi ki luobi u mu nni, ki yuandi ki gali mi bima.

¹⁵ A baa wuli mi kpama lipo, ki taa a dugibila ki pugini. Li tie yaa padili n tie jiema.

¹⁶ O kopadiciamo baa taa i yoncaginsagidi yeni leni mi kpama, ki taani leni a dugibila yeni ki juu li padibinbinli po, lan tua bontiadikaala. Li tie u mu n buoni yaa padijiema o Diedo po.