1 Korenti 13 - U TIENU MAAMA TILI 2013

Mi buama

¹ Ba n yaa bi maadi bi nisaaliba mabuoli Leni malekinba yaa mabuoli kuli, Ki naa pia mi buama, N baa yaa tie nani yaa kudi n mua, Bi nani ban pua yaa longa yeni.

² Ba n yaa bi baa mi mawangima paabu, Ki go bandi yaala n duagi kuli, Ki go baa mi bancianma kuli, Ba n yaa pia yaa dandanli N baa fidi ki fuadi a juana, N yàá pia mi buama, Mii tie puu.

³ Ba n yaa bi boagidi n piama kuli Ki puni a luoda, Ba n yaa teni n gbanandi ke bi juu u mu, N yàá pia mi buama, Li kan todi nni liba.

⁴ Mi buama pia li juunli ki go ŋanbidi. Mi buama ki pia nunponli. Maa kpiagidi mi yuli. Maa gbengidi mi yuli mo.

⁵ Maa pia boandi, Maa lingi yaala n ŋani mi yuli po bebe, Maa fiindi mi pali, Maa kpaagi yaala n bia.

⁶ Maa mangidi mi pali Leni yaala n ki tiegi, Ama mi mangidi mi pali Leni i moamoani.

⁷ Mi buama tiendi sugili Li bonla kuli po. Mi buama pia li dandanli leni ti dugidi. Mi buama pia li juunli li bonla kuli po.

⁸ Mi buama ki pia gbenma. Mi mawangima baa pendi, Mi malanma baa gbeni, Mi bancianma moko baa pendi.

⁹ Moala ti bandi bonjenga bebe, Ti mawangima moko Tie bonjenga bebe.

¹⁰ Ama yaala n tie bonmunli yaa ti cua, Ki bonjenga baa pendi.

¹¹ Min den tie biga yaa yogunu, N den maadi nani ki biga yeni, Ki bungi nani ki biga yeni, Ki go kpaagi nani ki biga yeni. Ama moala ke n tua joa, N cedi li bonwaabonla.

¹² Moala ti laa likuli nani tin nua Ti nannanli ki madiidiga nni maama, Ke laa doagidi cain. Lanyogunu, ti baa le likuli Ki nunga leni kiyaga. Moala n bani bonjenga, Li bonmunli yaa ti cua yaa yogunu, N baa bandi cain nani U Tienu N bani nni cain maama.

¹³ Moala, bonlitaa n ye ki kan pendi, Lani n tie li dandanli, Mi suginma leni mi buama. Likuli siiga yaala n cie tie mi buama.