Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -

इफिसीयो 5 - बारेली पावरी


मोंगोमा चालू

1 इनान कोरता मोंगावा पुऱ्यान तोसा परमेश्वरोन अनुकरण कोरु.

2 एने मोंगोमा चालू जोसू मसिह तुमरे पोर मोंग कोरलु, एने आमरेन कोरता खुदो काजे सुख आपने वावो सुगंधोन कोरता परमेश्वरोन ओगोव भेट चोळावीन बलिदान कोर देदू.

3 जोसा चुखला माणसोन लायक छे, तोसोत तुमरेमा भुंडला विचार काहना भातीन विटेवला कामे नि ती लालचोन वाते तोक नी होये.

4 एने नी बिन लाज्या नी ठगनेन वाते नी मोजाकोन; काहा यो वाते शोभा नी देती, पुन धन्यवाद सोमवायनो जुवे.

5 काहाकि तुमुक यो मालूम छे कि कुदा व्यभिचारोन नीती लालूच वावा माणसोक जे मूर्ती पुजान बरोबर छे मसिहन एने परमेश्वरोन राजमा वाटू नी होय.

6 कुदू तुमुक वायबार वातोसी धुकू नी देनो जुवे काहाकि इनान कामोन वोजेसी परमेश्वरोन रीस आग्या नि मानने वावा पोर पोळतेली छे.

7 इनान कोरता तुमु तिंदरेमा भेसकायू मा.


विजावामा चालू

8 काहाकि तुमु ते पेहेले आंदारलामा होता बाकीन हिमी प्रभूमा विजावो छे आखरी विजावान पुऱ्या सारखा चालू.

9 काहाकि विजावान फोव आखा भातीन भोलाई एने धारमिकता एने खोरलो छे.

10 एने यो पारखु कि प्रभू काजे काय गोवतेलो छे.

11 आंदारलान बिना फोवोन कामोमा भेसकायू बाकीन तिनान खिलाप जावू.

12 काहाकि तिंदरा डूकायला कामोन वात बी लाजवायने वावी वात छे.

13 पुन जोतरा कामोन खिलाप होय जातलु छे चे आखा विजावासी प्रगट होयतला छे काहाकि यो आखो काहीन प्रगट कोरतेलू चू विजावो छे.

14 इनान वोजेसी चू कोयतेलु, “हे सुवनेवावा जाग एने मोरलामा गोथा जीव उठ; ती मसिहन विजावो तार पोर चमकसे.”


दिमाके मा चालू

15 इनान कोरता ध्यानसी देखू कि कोसी चाल चालतला छे, बिन ओकल्या नी पुन ओकोलवावान तोसा चालू.

16 टेम काजे घोनो किमती सोमजू, काहाकि दाहळा काठला छे.

17 इनान वोजेसी बिन ओकल्या मा होयू पुन ध्यानसी सोमजू कि प्रभून मोर्जी काय छे.

18 आंगुरोन रोससी छाकला मा बोनु, काहाकि तीनामा लुचळाय होयतेली छे बाकीन आत्मामा पुरा भोराय जावू.

19 एने आपसमा भजन एने गीते एने आत्मिक गीत गाव्या कोरु एने आपना-आपना मोनोम प्रभून ओगोव गावता एने भजोन कोरता रोयू.

20 एने हमेशा आखा वातोन कोरता आपना प्रभू येसुन मसिहन नावोसी परमेश्वर बासोन धन्यवाद कोरता रोयू.

21 मसिहन बिकोसी एक दिसरान ताबामा बोसीन रोयू.


बायोर एने ओदमीक कोयनो

22 हे बायर आपना ओदमीन ओसा अधीन रोयू जोसा प्रभून.

23 काहाकि बायर ओदमीन मुंडको छे, जोसो कि मसिह मंडवीन मुंडको छे एने खुद डीलोन छुटकारू आपन्यु छे.

24 पुन जोसू मंडवी मसिहन कोयामा छे, तोसाच बायराबी हर वातोमा आपना-आपना ओदमीन कोयामा रोयू.

25 हे माणसो आपनी-आपनी लाडी पोर मोंग कोरु जोसू मसिह बी मंडवी पोर मोंग कोरीन खुदो काजे तेरोन कोरता आप देदू

26 कि तीनु काजे वचनोन लारे पाणीसी चुखो कोरीन पवित्र बोनावू.

27 एने तीनाक ओसी चोमोकने वावी मंडवी बोनावीन आपनेनचा उबरोये; जीनाक नी डाग, सुरकुती नी काहीन ओसी चीज होय पुन चुखला एने निरदोष होये.

28 इना रितीसी वारू छे कि ओदमी आपनी-आपनी लाडी पुठी आपना डीलोन सारखो मोंग कोरजू आपनी लाडी पोर मोंग कोरतेलू चू आपना खुदो पोर मोंग कोरतेलू.

29 काहाकि कुदु कोबी खुदोन डीलोपोर दुष्मोनी नी कोरतेलू पुन तीनाक देख भाव कोरतेलू जोसो मसिह मंडवी साते कोरतेलू छे.

30 इनान कोरता कि आपनु तेरा डीलोन भागे से.

31 “इना वजेसी माणूस आपना आसी बासा काजे छुळीन आपनी लाडी पुठी जुळायीन रोयसे, एने चे दुय एक डील होयसे.”

32 यु भेद मोटू छे, पुन मे या मसिहन एने मंडवीन बारामा कोयने बाज रोयू.

33 बाकीन तुमरेमा हर एक आपनी लाडी पुठी खुदो सारखो मोंग कोरनो एने लाडी बी आपना पाहणान बिक धोरे.

Bareli Pauri (बारेली पावरी) Bible by The Love Fellowship is licensed under Creative Commons Attribution-ShareAlike 4.0 License.

Beyond Translation
ကြှနျုပျတို့နောကျလိုကျပါ:



ကြော်ငြာတွေ