2 पतरस 3 - बारेली पावरी

परमेश्वरोन ओवतेन दाहळू

¹ हे मोंगावा हिमी मे तुमु काजे यो दुसरो चिट्ठी लिखलो छे, एने दुयू तुमुक फोम देवाळीन तुमरा चुखला मोनोक उबा राखो.

² कि तुमु इनी वातो काजे जू चुखला भविष्य कोरता पेहेलेत कोयला छे, एने प्रभू एने छुटकारू आपन्या तिनी आग्या काजे फोम कोरुजू तुमरे प्रेषितोन लारे आप देदलु होतु.

³ पेहेले यो जान लेवू कि आखरी दाहळामा हासी मोजाक उळावने वावा आवसे जो आपनी भुंडली मोर्जीन लारे चालसे.

⁴ एने कोयसे, “तिनान आपनेन वायदू का गोयी काहाकि जेतार गोथा डाह डाहा मोर गोयला छे, आखो काय तोसोच छे जोसो कोव बोननेन टेम गोथो होतो?”

⁵ चे जान बुजीन यो विसरी गोया कि परमेश्वरोन वचनोन लारे वादवो जूनला वाराम गोथो बोनलो छे, एने धोरती बी पाणीमा गोथी बोनी एने पाणीमा पाकी होय गोयली छे.

⁶ इनान लारे चालू कोवीन जोगोन पाणीमा डूबीन नष्ट होय गोया.

⁷ बाकीन चाळ कुदान सोरगोन एने कोवीन तिना वचनोन लारे इनान कोरता मेक देदला छे कि धोपाळ देय; एने जे अधोरमी माणसोन न्याय एने नाश होयनेन दाहळे तोक ओसात मेक रोयसे.

⁸ हे मोंगावा, जी वाते तुमरेसी डूकाळली नि रोये कि प्रभूनचा एक दाहळू होजारो साल बोराबोर छे, एने होजारो साल एक दाहळू बोराबोर छे.

⁹ प्रभू आपना वायदान बारामा वार नि लागतलु, जोसी वार कानलाक माणसे सोमजतला छे; बाकीन तुमरा बारामा धीर धोरतलु छे एने नि जुवे कि कुदू नाश होय जाय, नि तेत्यार यो कि आखा काजे मोन फिरावनेन टेम जोळे.

¹⁰ बाकीन प्रभून दाहळू चुटान सारखो आवी जासे, तिने दाहळे सोरगोमा मोटलो आवाज बुलोसी जातु रोयसे एने कोवी जाताच ताती होयीन पीगवी जासे एने कोवी एने तिना पोरला कामे बी बोवी जासे.

¹¹ जेतार ये आखा चीजे इनी रितीसी पिगवने वावी छे, ती तुमुक चुखली चाल चलन एने भोक्तीमा कोसला माणसे रोयनो जुवे,

¹² एने परमेश्वरोन तीना दाहळान ओवतेन तिना दाहळान वाट काहनला रितीसी जुवनो जुवे एने तिनान मामार आवनेन कोरता कोसो कोशिश कोरनो जुवे, जिनान वोजेहसी सोरग आगठासी पिगविन गोव जासे.

¹³ बाकीन तेरा वायदान लारे आमुक एक नोवलो सोरग एने नोवली कोवीन आस देखसु जीनामा धोरमी वास कोरसे.

जागता एने तीयार रोयू

¹⁴ इनान कोरता हे मोंगावा जेतार कि तुमु इनान वातोन आस देखतलो, ती कोशिश कोरु कि तुमु शांतीसी तिनान ओगोव चुखला एने निरदोष ठोरु.

¹⁵ एने आमरा प्रभून धीरोज काजे छुटकारू सोमजू, जोसू आमरू मोंगावा भाश पौलुस बी तिना ग्यानोन ओनसारे जो तीनुक जोळलो छे, तुमुक लिखलो छे.

¹⁶ तोसोच चू आपना आखा चिट्ठीमा बी इना वातोन काहीन वाते ओसो छे जिंदरो सोमोजनो काठो छे, एने ओनपोड एने अस्थिर माणसे तिंदरा कोया काजे पवित्र शास्त्रान दिसरा वातो सारखो हापकीन आपना नाशोन वोजह बोनतला छे.

¹⁷ इनान कोरता हे मोंगावा तुमु माणसे पेहेलेत गोथा इनी वातो काजे जानीन हुशार रोयू काहाकि अधोरमी पापोमा फोसीन आपना स्थिरता काजे काहीन हातोमा गोथो मा खुवू.

¹⁸ बाकीन आमरा प्रभू एने छुटकारू आपने वावु येसु मसिहन दयामा बोढता जावू, तिनान महिमा हिमी बी छे एने कायम होयती रोयसे. आमेन.