AmaHubo 123 - IBhayibhili Elingcwele LesiNdebele

Ihubo 123

Ingoma yemiqanso.

¹ Ngiphakamisela amehlo ami kuwe, wena osesihlalweni sobukhosi emazulwini!

² Njengalokhu amehlo ezisebenzi ekhangela isandla somqatshi wazo, lanjengoba amehlo encekukazi ekhangela isandla senkosikazi yayo, kanjalo amehlo ethu akhangela kuThixo uNkulunkulu wethu, aze abe lomusa kithi.

³ Woba lomusa kithi, Oh Thixo, woba lomusa kithi, ngoba sesidiniwe yikweyiswa.

⁴ Sesibhensele ukuhozwa okunengi ngabazigqajayo, ukweyiswa yilabo abaklolodayo.