AmaHubo 113 - IBhayibhili Elingcwele LesiNdebele

Ihubo 113

¹ Dumisani uThixo. Dumisani uThixo, lina zinceku zakhe, dumisani ibizo likaThixo.

² Kalidunyiswe ibizo likaThixo, khona manje kanye laphakade.

³ Kusukela okuphuma khona ilanga kusiyafika lapho elitshona khona, kufanele lidunyiswe ibizo likaThixo.

⁴ UThixo uphakeme ngaphezu kwezizwe zonke, inkazimulo yakhe ngaphezulu kwamazulu.

⁵ Ngubani na onjengoThixo uNkulunkulu wethu, oNguye ohlezi ebukhosini phezulu,

⁶ okhothama akhangele phansi emazulwini lasemhlabeni?

⁷ Uyabavusa abampofu othulini, aphakamise abaswelayo esilotheni;

⁸ abahlalise lamakhosana, amakhosana abantu bakibo.

⁹ Lomfazi oyinyumba umenza ahlale kuhle emzini wakhe afane lalowo ongunina wabantwana. Dumisani uThixo.