SLUFA VU 26 - Bible en langue guiziga

Moyis muslufa Israyeley sar mucuw naŋ

¹ Bumbulvuŋ a ɓa Moyis ati masay Elazar, mangal ngi Aroŋ:

² «Slufa jum ngi Israyeleye gar vur wazlaray vur wazlaray, mizli ngi vi kukur cuw hã nga mbuŋ, mindilaka le ngi gi vurum.»

³ Moyis ati masay Elazara, a ɓaka Israyeley ar li micay ngi hirwuy Moˀap, migweˀ avu mizaw Zurdeŋ, puɗak angi Zeriko. A ɓaka taŋ na:

⁴ «I sa slufaka mizli mindilaka le vi kukur cuw hã nga mbuŋ, kaɓa Bumbulvuŋ muɗuva ɓi nah da Moyise.» Israyeley muboko ti ruwuy Ezipte na, t'ani:

⁵ Dumbuŋ na, i sukwi ngi Ruben, modogom ngi Zakop. Dideˀ taŋhay ani: Henok a yi Henokoy, Palu a yi Paluhoy,

⁶ Hesroŋ a yi Hesroŋhoy, Karmi a yi Karmihey.

⁷ Sukwi ngi Rubeney i taŋ, a gam jom gar na, mizli durmuk kukur mufaɗ nga makir ti skat skat tarnaˀ ti kukur makir.

⁸ Eliyap, mangal ngi Palu,

⁹ i cine ngi Nemuyel, ngi Dataŋ waɗ Abiram. Dataŋ ati Abirama, i mizli madiɗahay, taŋ a wuzla mizli mislam himaˀ avu Moyis ati Aroŋ tuwa. Taŋ mislikiɗam ɓi avu Bumbulvuŋ na, naɓa taŋ ati mizli ngi Korehey.

¹⁰ Hirwuy a wun biɗiŋ, a nda taŋ jom ati Kore, mizli ngi Korehey mumicam cek, vu muwura mizli titiri kine, mizli skat skat cuw ti kukur zlum na. A biga taŋ di na ti bigi ɓa mizli mekelemey a wulkam.

¹¹ Amma ziri ngi Koreheye, taŋ a micam tapasa ta ɓula.

¹² Sukwi ngi Simeyoŋ, vur muyo vur muyo, t'ani: Nemuyel, a yi Nemuyeley, Yamin a yi Yaminey, Yakin a yi Yakiney,

¹³ Zera a yi Zerahay, Sawul a yi Sawuloy.

¹⁴ Sukwi ngi Simeyoŋ i taŋ, a gam jom gar na, mizli durmuk kukur cuw ti cuw ti mizli skat skat cuw.

¹⁵ Sukwi ngi Gata, dideˀ taŋhay ani: Sefoŋ a yi Sefoŋhoy, Hagia yi Hagihey, Suni a yi Sunihey.

¹⁶ Ozni a yi Oznihey, Eri a yiˀerihey.

¹⁷ Arot a yi Arotoy, Areli a yi Arelihey.

¹⁸ Sukwi ngi Gata i taŋ, a gam jom gar na, mizli durmuk kukur mufaɗ ti mizli skat skat zlum.

¹⁹ Ziri mizile ngi Zudahay i ti: Er ati Onaŋ, a micam angi hirwuy Kanaˀan.

²⁰ Sukwi ngi Zuda, vur muyo vur muyo, t'ani: Sela a yi Selahay, Peres a yi Perizihey, Zera a yi Zeraˀahaya.

²¹ Sukwi ngi Periziheye, t'ani: Hesroŋ a yi Hesroŋhoy, Hamul a yi Hamuloy.

²² Sukwi ngi Zuda, a gi jom gar na, mizli durmuk kukur tarnaˀ nga merkeɗ ti skat skat zlum.

²³ Sukwi ngi Isakar, vur muyo vur muyo, t'ani: Tola a yi Tolahay, Puva a yi Puvahay.

²⁴ Yasuɓ a yi mizli Yasuɓoy, Simroŋ a yi Simroŋhoy.

²⁵ Sukwi ngi Isakara, a gam jom gar na, mizli durmuk kukur merkeɗ nga mufaɗ ti skat skat makir.

²⁶ Sukwi ngi Zabuloŋ vur muyo vur muyo, t'ani: Seret a yi Seretey, Eloŋ a yi Eloŋhoy, Yaleyel a yi Yaleyeley.

²⁷ Sukwi ngi Zabuloŋhoyo, a gam jom gar na, mizli durmuk kukur merkeɗ ti skat skat zlum.

²⁸ Dideˀ ngi Zozefe, miyaka taŋ i Manase ati Efrayim.

²⁹ Sukwi ngi Manase vur muyo vur muyo, t'ani: Makir a yi Makirey, Galaˀat mangal ngi Makir a yi Galaˀatay.

³⁰ Sukwi ngi Galaˀata kwana, i ti: Yezer a yi Yezerey, Helek a yi Helekey.

³¹ Asriyel a yi Asriyeley, Sekem a yi Sekemey,

³² Semida a yi Semidahay, Heferey a yi Hefer.

³³ Selofat, mangal ngi Hefere, a yi ziri mizileheye ta, sey mongosohoy, slimiɗ taŋhay ani: Mala, Nowa, Hogla, Milka waɗ Tirsa.

³⁴ Sukwi ngi Manase, a gam jom gar na, mizli durmuk kukur zlum nga cuw ti skat skat tarnaˀ.

³⁵ Sukwi ngi Efrayim vur muyo vur muyo, t'ani: Sutela a yi Sutelahay, Beker a yi Bekerey, Tahaŋ a yi Tahaŋhay.

³⁶ Eraŋ mangal ngi Sutela a yi Eraŋhay.

³⁷ Sukwi ngi Efrayim a gi jom gar na, mizli durmuk kukur makir nga cuw ti skat skat zlum. Ar slufa muyo, dideˀ ngi sukwi mucuw tayna i taŋ.

³⁸ Sukwi ngi Benjameŋ, vur muyo vur muyo, t'ani: Bela a yi Belahay. Asebel a yi Asebeley, Ahiram a yi Ahiramay.

³⁹ Sufam a yi Sufamay, Hufam a yi Hufamay,

⁴⁰ Muy ngi Belahay i ti: Arde a yi Ardehey, Nahamaŋ a yi Nahamaŋhay.

⁴¹ Dideˀ ngi Benjameŋhey muslufaka taŋ vur muyo vur muyo, a gam jom gar na, mizli durmuk kukur mufaɗ nga zlum ti skat skat merkeɗe.

⁴² Sukwi ngi Daŋ, vur muyo, naŋ purla si, i Suham.

⁴³ Dideˀ ngi Suhamay a gam jom gar na, mizli durmuk kukur merkeɗ nga mufaɗ ti skat skat mufaɗ.

⁴⁴ Sukwi ngi Aser, vur muyo vur muyo, t'ani: Imna a yi Imnahay, Isevi a yi Isevihey, Beriya a yi Beriyahay.

⁴⁵ Muy ngi Beriyahay i ti: Heber a yi Heberey, Malkiyel a yi Malkiyeley,

⁴⁶ Zuŋ mongoso ngi Aser ada, a zilaka Sera.

⁴⁷ Dideˀ ngi Aserey a gam jom gar na, mizli durmuk kukur zlum nga makir ti skat skat mufaɗ.

⁴⁸ Sukwi ngi Neftali, vur muyo vur muyo, t'ani: Yasiyel a yi Yasiyeley, Guni a yi Gunihey,

⁴⁹ Yeser a yi Yeserey, Silem a yi Silemey.

⁵⁰ Muy ngi Neftalihey muslufaka taŋ na, a gam jom gara, mizli durmuk kukur mufaɗ nga zlum ti skat skat mufaɗ.

⁵¹ Israyeleye cek, a gam jom gar na, mizli durmuk skat skat merkeɗ ti pal ti mizli skat skat tarnaˀ ti kukur makir.

Ɓi ngi wunka hirwuy Kanaˀan

⁵² Bumbulvuŋ a ɓa Moyise:

⁵³ «Wunuka hirwuy da sukwiheye, weˀe avu taˀ ngi mizli ngi mizli.

⁵⁴ Sukwi gar na, a sa lum li weˀe avu taˀ taŋ. Sukwi mihaɗa na, ki vula taŋ li haɗi ya, sukwi mineˀkini kwana, kisa vulaŋ li neˀkine ya.

⁵⁵ A sa zuɓaka ti ceregezleŋ, amma weˀe avu taˀ ngi mizli ngir sukwi nah.

⁵⁶ Hirwuy vay hana i ngi sukwi madiɗa malla ngi meciɗek gar na, mabiga i ceregezleŋ.»

Moyis muslufa sukwi ngi Levi sar mucuw naŋ:

⁵⁷ Dideˀ ngir sukwi ngi levihey t'ani: Gersoŋ a yi Gersoŋhoy, Kehat a yi Kehatay, Merari a yi Merarihey.

⁵⁸ Sukwi mineˀneˀkinihey ada angi sukwi ngi Levi vuna ma: Lipnihey, Hebroŋhoy, Malihey, Musihey waɗ Korihey. Kehat i cine ngi Amram.

⁵⁹ Ngwas ngi Amrama, i Yokebet, zuŋ ngi Levi, a ya ka a Ezipte, Yokebet a yi ziri makir ti Amrama: Aroŋ, Moyis waɗ mongoso taŋ Miriyam.

⁶⁰ Aroŋ a yi ziri mizilehey mufaɗa: Nadaɓ, Abihu, Elazar, waɗ Itamar.

⁶¹ Amma ti Nadap ati Abihu a micam asi taŋ muzlumaka urdi da Bumbulvuŋ ti vu ngi vra.

⁶² Dideˀ mizile ngi levihey, zle avu ziri mizile ngi kiya pal palay, hã avu mizli madiɗahay na, a gam jom gar na, mizli durmuk kukur cuw nga makir. A slufaka taŋ nga wuzla Israyel mekelemeye ta. Asi t'anta ti jiviɗ ngi lumam li mawunkaka da Israyel mekelemey gar na ta.

Kiɗa mi ngi slufa mizli

⁶³ Moyis ati masay Elazar muslufaka mizli Israyeley ar li micay ngi Moˀap, gweˀ a ciki mizaw Zurdeŋ, mupuɗak angi hirwuy Zeriko na, a kiɗ mi kahana.

⁶⁴ Moyis ati masay Aroŋ, mizli taŋ muslufaka taŋ zleˀe a wuzlaɓuh mikirɗak kirɗak ngi Sinay na, ko mizli tayna anta pal asi taŋ mata.

⁶⁵ Naŋ kine, Bumbulvuŋ a ɓa taŋ di le zleˀe ɗaˀ ɗaˀ le, a sa micam pay a wuzlaɓuh. Sey mindiram i ti Kalep mangal ngi Yefune, waɗ Zozuwe mangal ngi Nun.