ESTER 10 - Bible en langue guiziga

Mardoke mulum bugawla ngi kiɗa mi wãˀ

¹ Akẽh na, buy Zersese, a ɗuv ɓi ngi wurka buutu asi ruwuy naŋ zlar gar waɗ angi hirwuy maturahay.

² Slra ngi gidaŋ naŋ ati ngi wirwir naŋ miga taŋ gar, yo naŋ mitiri ti Mardoke ɗongor, naŋ muvulaŋ slra mimadiɗa na, i mutoho ɓi taŋhaya le gar angi ɗerewol ngi ɓi ngi buy Medihey ati buy Perseheye ta kwa?

³ Naŋ kanah, mbak buy Zersese le na, mbur mucuw naŋ angi zuma buyo i Mardoke. Vendeke ngi sukum naŋ Yudeheye, a ɗuvakaŋ hirnga, a wuɗakaŋ haɗa. Naŋ kwana, ara gi slra vur jam ngi mizli naŋhaya, yo ara cik vu, anja ɓa muy naŋhay a cifam zuy zuy.