DIMISEY 70 - Bible en langue guizigaSawa kutum Bumbulvuŋ (Pura Dim 40.14-18 ) 1 Dimis ngi wuzla dimis ngi Davitey. I mulumo di ar ɗerewol ngi buy dimis, ɓa gwat Bumbulvuŋ migaŋ di ɓa a sinaŋ ava na, a so keŋ a hirnga. 2 Aw Buymisemuŋ ɗu, so lihiy, Bumbulvuŋ ɗu, kilo widi ɗu kutum! 3 Mizli mawuɗam muc ɗu na, anja mesem a sirta taŋ! Mizli mawuɗam ɓa mendere a lumiy na, anja a mam ti mesem! 4 Mizli masingiram kiraw ar ya na, anja a mam tilingir tilingir ti mesem! 5 Amma mizli masupukuw gar na, Buymisemuŋ, anja a jiɗam mececẽleŋ vur ka. Yo mizli mawuɗam ɓa ki laha taŋ na, anja a ndiram ar li ɓi: «Buymisemuŋ naŋ madiɗa.» 6 Yi misi murga, yo ya geˀ ircece, Buymisemuŋ ɗu, so kutum ng'avi ya! Ki mijini ˀis asi ya, ki milih ɗu, Bumbulvuŋ ɗu, ki zum vu ta! |
Bible en Langue Guiziga © L’Alliance Biblique du Cameroun, 2011.
Bible Society of Cameroon