DIMISEY 53 - Bible en langue guiziga

Mizli miteŋteŋhey ati Buymisemuŋ taŋ ar duniya mihirya le

¹ Dimis ngi wuzla dimis ngi Davitey. I mulumo di ar ɗerewol ngi buy dimis. Dimis ngi tuwuy.

² Mizli gilaway a ɓam na: «Buymisemuŋ anta!» I mizli mihiryahay, gwat ngi gi taŋ i malambaˀ kuyta wãˀ, mbur magi gwat mezle anta loŋ asi taŋ ta.

³ Buymisemuŋ a guɓo guɓ ti muŋ ng'avi mizli, ɓa a pura, da mbur misi lesl pal asi taŋ, masipi Buymisemuŋ ada kwana.

⁴ Taŋ cek a zizam le avu jiviɗe, a jumom le ngi gi sulome, magi mezle ko pal asi taŋ anta, ko pal tekeɗe.

⁵ Buymisemuŋ a ɓi: «Tˀanta sinam gwat ta, i migi malambaˀhay, ɓa ngi luuma gwat ngi zumo, a zumam di i mizli ɗuwoy, yo anta zilaka slimiɗ ɗu ta!»

⁶ Ar li taŋ majijikam kirkir na, gwat ngi jijik kirkir aseˀe vuna anta ngbaŋ, asi mizli misi mevel malambaˀ avu mizli naŋhay na, Buymisemuŋ a zliɗa tesl taŋhaya le pal pal. A sa hinam hirnga, asi Buymisemuŋ a zliɗa taŋ le avra.

⁷ Mavulo gi bugawla da Israyel zle a Siyoŋ na i waka? Da Buymisemuŋ ara mo ti mizli naŋhay, mijahay le ar beke zleˀe na, Zakop a zluzluɓ, Israyel a mumul.