DIMISEY 52 - Bible en langue guiziga

Mbur mapula mevele da zlili naŋ

¹ Dimis ngi wuzla dimis ngi Davitey. I mulumo di ar ɗerewol ngi buy Dimis.

² A ɓi ɓi ngi Dowek mbur Edom muru ng'avi Sawul, a ɓaŋ na: «Davit a ci le ngi hay Ahimeleke.»

³ Ka mbur gambara ma na, ki huhum vu ti gi malambaˀa mbri mbri maka? Buymisemuŋ naŋ teŋteŋ vur hin gar.

⁴ Vur hin gar na, ki ra gijuw ɓi ngi mungra madiɗa, irne ɗike, a zum raɓ raɓ kaɓa lazuwar nawayaŋ, irne ɗike, a si na tikina vu teˀe.

⁵ Mbak gwat mezle jak na, ki hiyĩ ngi ɗike, i gi malambaˀa, yo mbak ɓi mikaslsla jak na, ki hiyĩ ngi ɗike, i slir.

⁶ Mingiɓi mahiryi vu gar na, ki wuɗ di nah, mi ngi kwala ɗike, a gi gilaw da mburu.

⁷ Naŋ kine, Buymisemuŋ vuna ti haŋ naŋ, a sa zizuw ngi wãˀ, a sa ɗiɗo ka, a bo ti ka tir guɗuko, a sa muɗuw ceɗ avra tir ruwuy ngi mizli misi ti siifahaya.

⁸ Akẽh na, mizli mijeŋŋehey masa puraka na, a sa zluwunam, a sa singiram ara, a ɓam:

⁹ «Puraka mbur gambara hana tuwa, naŋ anta pura Buymisemuŋ kaɓa i li ɗum naŋ ta, a njih hiri nga naŋ asi zlili naŋ mihaɗa na, yo naŋ gidaŋ avu mungra madiɗa!»

¹⁰ Amma ya, yi ro a hay Buymisemuŋ, kaɓa tutumbur miɗiɗi le tukuf tukuf, i ro hiri njah ngi wãˀ, asi gi teŋteŋ ngi Buymisemuŋ.

¹¹ I sa guw sise ndrehhe Bumbulvuŋ ɗu, asi gwat ka miga, i ɗuva wuluko le taˀ ar ka, a mbuŋ mizli miteŋteŋ ɗikeye, asi ka ki mbur mezleŋ.