DIMISEY 128 - Bible en langue guiziga

Mumul ngi mizli miteŋteŋhey

¹ Dimis ngi zuɓa mulak nga diradibiɗ a Zeruzalem. Mbur gar mazluwun ti Bumbulvuŋ, yo masipa jiviɗ naŋ na, a mumul!

² Maluma migir ngi slra ɗike, i ka. Ki mumul. Ki ndir ar wuya.

³ Ngwas ngi hay ɗike, naŋ kaɓa gudubun mayi haɗa. Ziri ɗikeye, taŋ kaɓa widis ngi tutumburoy, taŋ gun hirnga gwat ngi zum ɗike.

⁴ Mbur mazluwun ti Bumbulvuŋ gar na, Bumbulvuŋ a ɗuwulaŋ mi kahana so.

⁵ Anja Bumbulvuŋ a ɗuwulo ka mi, zle a Siyoŋ, ɓa angi hin ngi siifa ɗik gar na, kisa pura walahay Zeruzalem misi ar wuya na,

⁶ yo kisa pura dideˀ ɗikeye gbaˀ ti hiri ɗike. Anja Israyel a cifi zuy zuy!