DIMISEY 124 - Bible en langue guiziga

Da Bumbulvuŋ naŋ anta ati ndra zleˀe ta na…

¹ Dimis ngi zuɓa mulak nga diradibiɗ a Zeruzalem. Dimis ngi wuzla dimis ngi Davitey. Da Bumbulvuŋ naŋ anta ati ndra zleˀe ta na… Israyeley, maka hiri naŋ ava:

² «Da Bumbulvuŋ naŋ anta ati ndra zleˀe ta na,» mizli mizlam ndra ngi kiɗa vu,

³ yo taŋ mislikiɗam mevel fõh fõh ng'ar ndraka vu na, anja ani a ndam ndra le suɗuk suɗuk titiri kine.

⁴ Anja ani yam a nda ndra le yik yik, mekepel a kil ti ndra le leɗeɗ.

⁵ Anja ani yam majurufo, a nda ndra le yik yik gisiŋ.

⁶ Sise da Bumbulvuŋ, asi a pula ndra asi haŋ taŋ, ɓa a zizam ndraka taŋ muwuɗam ta.

⁷ I laham le kaɓa ɗiyuw milih le tir tokok ngi mbur mutuvul, tokok misli na, dar ndr'i laham.

⁸ Bumbulvuŋ miga muŋ ati hirwuyo, makulo widi ndr'i naŋ.