DIMISEY 120 - Bible en langue guiziga

Dira dibiɗ ngi mbur mukupakaŋ ɓi le

¹ Dimis ngi zuɓa mulak nga diradibiɗ a Zeruzalem. Ti ya misi zleˀe ar bonoyo, i zila Bumbulvuŋ na, a kilo widi ɗu le.

² «Bumbulvuŋ ɗu, lihiy avu misi slireye, waɗ avu mizli mahudumom ngi gi gilaw da mizli na.»

³ Kum mizli mahudumom ngi gi gilaw da mizli na, Buymisemuŋ a sa kutukum ti bonoy wanaka?

⁴ Yawwa, a sa pukum luvut rotototo kaɓa ar vurum, waɗ zayvu mihilɓiɓ.

⁵ Ya mislikiɗ nga wuzla mizli manja si na ɓihey, yo ya micifi a wuzla mizli Kedaray na, kay, i bonoy avu ya.

⁶ Mizli mapuraka ɓi ngi cifi zuy zuyo hiris le na, yi zik le haɗa a wuzla taŋ.

⁷ Da ya mira ɓa taŋ ɓi ngi cifi zuy zuyo na, a wuɗam nga taŋ i vurum.