Triaḃuin 4 - An Bíobla Naoṁṫa 1817 (Bedell)

Caibidil IV. Cupan ṗeacaiḋ na ndaoine ar líonaḋ súas, 13 buḋ ċionfáṫ ar an ndiobráḋ.

¹ Ciondus ṫáinic an tór ċum ḃeiṫ dorċa! cionndus do háṫruiġeaḋ an tór ro ḟínealta! do teilgeaḋ amaċ cloċa na sanctora a mullaċ gaċ áontsráide.

² Mic ṁórluaiġ Sion, a ccoiṁmeas ré hór fínealta, ciondus atáid ar na meas aṁuil meadar críaḋ, obair an ṗotadóra!

³ Eaḋon tairngid na míolta móra an ċíoċ amaċ, do ḃeirid cíoċa dá nóguiḃ: atá inġean mo ḋaoinesi éattrócaireaċ, cosṁuil rís a nostric annsa ḃfásaċ.

⁴ Ceangluiḋ teanga naóiḋin na ccíoċ do ċarbad a ḃéil lé tart: íarruid an ċlann óg arán, agus ní ḃrisionn duine ar biṫ ċuca é.

⁵ An drong do ḃíaṫuiḋ go sóġaṁuil atáid áonránaċ annsna sráidiḃ: an luċt tugaḋ súas a scairléad gráḋuiġid síad na cárnáin aóiliġ.

⁶ Oír is mó péin éaigceart inġine mo ḋaóinesi na péin ṗeacaiḋ Ṡodom, noċ do díoṫlaiṫriuġaḋ a móment, agus nar ḟan láṁa ar biṫ uirre.

⁷ Do buḋ gloine a Nasarítiġ ná sneaċda, do buḋ gile íad ná bainne, do buḋ deirge a ccuirp ná rubíniḋ, do ḃí a míne mar ṡaṗir:

⁸ Is duiḃe a ngnúis ná gúal; ní haiṫeantar annsna sráidiḃ íad: ceangluiḋ a ccroicionn dá ccnáṁuiḃ; do ċríon sé, is cosṁuil é lé maide.

⁹ Is féarr an luċt marḃṫar leis an ccloiḋeaṁ ná an luċt marḃṫar leis an ngorta: óir seargaid, buáilte ṫríoṫa do ḋíṫ toruiḋ an ṁaċaire.

¹⁰ Do ḃruiṫ láṁa na mbán trúaġánta a cclann féin: buḋ íad a mbíaḋ a scrios inġine mo ḋaóinesi.

¹¹ Do ċoiṁlíon an TIĠEARNA a ḋíḃḟearg; do ḋóirt sé amaċ a ḟearg ḃorb, agus do las sé teine ann Sion, agus do loisc sí a bunáite sin.

¹² Ní ċreidfidis ríġṫe na talṁan, agus uile áitreaḃṫaċa an doṁuin, go raċaiḋ a neascara agus a náṁuid a steaċ a ngeataḋuiḃ Ierusalem.

¹³ Ar son ṗeacaḋ a fáġ, agus éigceart a sagart, noċ do ḋóirt fuil na ḃfíréun iona lár,

¹⁴ Do ṡeaċránadar aṁuil daóine dalla annsna sráidiḃ, do ṫruáilleadar íad féin lé fuil, iondus nar ḟéadadar daóine buáin re na néaduiġiḃ.

¹⁵ Déiġiodar orra, Imṫiġiḋsi; atá sí neaṁġlan; imṫiġiḋ, imṫiġiḋ, ná bainiḋ ríu: a nuáir do ṫeiṫeadar rompa agus do ṡeaċránadar, a duḃradar a measg na ngeinteaḋ, Ní ċoiṁneoċuid ní sa ṁó ann sin.

¹⁶ Do roinn fearg an TIĠEARNA íad; ní ċuirfiḋ sé suim ní sa ṁó ionta: ní raiḃ meas aca air ṗearsannuiḃ na sagart, ní raiḃ faḃar aca do na sinnsioruiḃ.

¹⁷ Air ar soinne, dfáilliġeadar ar súile fós far ccaḃair ḋioṁaóin: ann ar ḃfaire dfeiṫeamar air ċineaḋ nar ḟéad ar ttárṫail.

¹⁸ Lorgairid ar ccoiscéime, go naċ ḃféadmaoid siuḃal ann ar sráidiḃ: atá ar ccríoċ láiṁ rinn, do ċoiṁlíonaḋ ar laeṫe; óir ṫáinic ar ccríoċ.

¹⁹ Is luáiṫe ar ninġreamuiġ náid iolair neiṁe: dainleanadar síad sinn ar na sléiḃtiḃ, do ċuireadar luiġeaċán oruinn annsa ḃfásaċ.

²⁰ Do gaḃaḋ ungṫaċ an TIĠEARNA, anál ar bpolláireaḋ, iona logaiḃ, noċ ré a nduḃramar, Faói na sgáile ṁairfiom a measg na ngeinteaḋ.

²¹ ¶ Gáirdiġ agus bíoḋ lúaṫġáir ort, a inġean Edom, noċ áitreaḃus a ḃfearann Us; raċuiḋ fós an cupán ṫairis ċugadsa: biáiḋ tú ar meisce, agus do ḋéana tú ṫú féin tárnoċd.

²² Do coiṁlíonaḋ pionós héigceirt, a inġean Ṡion; ní ḃéara sé ní sa ṁó ṫú a ndaoirsine: cuáirteoċa sé héigceart, a inġean Edom; foillseoċuiḋ sé do ṗeacuiḋe.