Tituis 1 - An Bíobla Naoṁṫa 1817 (Bedell)

Caibidil I Móḋa na ndeaġ easbóg agus na seanóireaḋ; 12 re peacaḋ dúṫaiḋ na Gcrétánuiġ, in-imḋeargaḋ.

¹ Pol, searḃḟoġantuiġ Dé, agus absdal Iosa Críosd, do réir ċreidiṁ ḋáoine ṫóġṫa Dé, agus adṁála na fírinne, noċ atá réir ḋíaġaċda;

² Ċum muiniġne na beaṫa marṫanuiġe, noċ do ġeall Día, ris naċ féidir bréug a ḋéunaṁ, suil do crúṫuiġeaḋ an dóṁan;

³ Aċd do ḟoillsiġ sé a ḃríaṫar a nám iomċuḃaiḋ tré ṡeanmóir an tsoisgeil, do fágḃaḋ táoḃ riumsa do réir áiṫne De ar Slánaiġṫeóra;

⁴ Ċum Títuis, mo ṁac ionṁuin, do réir an ċréidiṁ ċoitċinn: Grása, trócaire, agus síoṫċáin ó Ḋía Aṫair agus ón Dtíġearna Iósa Críosd ar Slánaiġṫeóir.

⁵ A sé áḋḃar fár ḟág mé ṫú a Gcréta, ionnus go leanfá do ċéartuġaḋ na neiṫeann atá fós gan ċeartuġaḋ, agus go nóirdeóċa sagairt ann gaċ caṫair, do réir mar do aiṫin mé ḋiot:

⁶ Má atá neaċ ar biṫ neaṁloċdaċ, na ḟior éun ṁná, agá ḃfuil clann ionnruic, naċ féidir éiliuġaḋ fá neaṁmeasarrġaċd, na easúṁal.

⁷ Oír as cóir easbog do ḃeiṫ neaṁloċdaċ, mar ḟeaḋmantaċ Dé, gan ḃeiṫ ḋó ag ríoṫ réir a ṫóla féin, ná feargaċ, ná ró ḟonnṁar a ḃfíon, ná buáilteaċ, ná dúil do ḃeiṫ aige a néudáil neaṁġloin;

⁸ Aċd na ḟear tiġe áoiġeaḋ do ċongṁáil, gráḋaċ air ḋáóiniḃ maiṫe, na ḋuine aireaċ, ċoṁṫrom, náóṁṫa, ṁeasarrġa;

⁹ Ag comgṁáil na bréiṫre dísle go daingean do réir ṫeaguisg, ionnus go maḋ féidir léis teagusg do ṫaḃairt úaḋ maille ré foirceadal fallain agus an dream laḃrus na aġuiḋ do ḃréugnuġaḋ.

¹⁰ Oír atáid iomad do ḋáoiniḃ easúṁla ann laḃras go dioṁaoin agus na mealltóiriḋ, go háiriġe an luċd atá don timċillġearraḋ:

¹¹ Dár ab éigean a mbéul do stopaḋ, dream ċuireas tiġṫe go huiliḋe fá ċéile, ag teagusg neiṫeann naċ cóir, do ġráḋ eudála néaṁġloine.

¹² A duḃairt neaċ áiriġe ḋíoḃ féin, a ḃfáiḋ díleas féin, Bréugairiġ do ġnáṫ na Crétánuiġ, droċ ainṁinteaḋa, builg ḟallsa.

¹³ As fíor an ḟáiḋnuisese. Uime sin spreag íad go géur, ċum a mbeiṫ diongṁálta sa gcreideaṁ;

¹⁴ Agus gan aire do ṫaḃairt do sgéuluiḃ fáḃuill na Níuduiġeaḋ, agus daiṫeantuiḃ dáoineaḋ, atá ar niompóġ on ḃfírinne.

¹⁵ Atáid na huile neiṫe go deiṁin glan don druing atá glan: aċd don druing atá salaċ agus gan ċreideaṁ ni ḃfuil éinní glan; aċd fós atá a ninntinn agus a ccoinnsías salaċ.

¹⁶ Adṁuiġid síad eólas do ḃeiṫ aca air Ḋía; giḋeaḋ séunuid a ngníoṁarṫuiḃ é, ar mbeiṫ ḋóiḃ aḋḟúaṫṁar, easúṁal, agus mearuiġṫe a dtáoḃ gaċ uile ḋéaġoibbre.