Seċariah 10 - An Bíobla Naoṁṫa 1817 (Bedell)

Caibidil X. Ata Día firinneaċ, toirḃeartaċ, iniarraiḋ ċuige, agus ni iad na hioḋail brionnaċ bréugaċ.

¹ Iarruiḋsi air an TIĠEARNA fearṫuinn an am na fearṫanna deiġionuiġ: mar sin do ḋéana an TIĠEARNA néulla soillseaċ, agus do ḃéara sé ḋóiḃ ceaṫa fearṫanna, féur do gaċ áon annsa ṁaċaire.

² Oír do laḃradar na hioḋail díoṁaóineas, agus do ċonncadar na fáistiniġ bréug, agus dinnsiodar aislingṫe neiṁḟírinneaċ; coṁḟurtaċiġid siád go díoṁáoin: uimesin dimṫiġeadar rompa aṁuil tréud, do ḃádar buáiḋearṫa, do ḃríġ naċ raiḃ áoḋaire ar bioṫ.

³ ¶ Do haḋnaḋ mfeargsa á naḋuiġ na náoḋaireaḋ, agus ṫug mé pionús do na gaḃruiḃ: óir dtiosruiġ TIĠEARNA na slóġ a ṫreud tiġ Iúdah, agus do rinne sé íad mar eaċ maiseaċ san ccaṫ.

⁴ As amaċ ṫáinic an coirnéul, as amaċ ṫáinic an tairnge, as amaċ an boġa caṫa, as amaċ a nuile ḟear sáruiġṫe a naóinḟeaċd.

⁵ Agus béid síad mar ḋaóiniḃ cuṁaċtaċa, noċ ṡaltras siós a naiṁde a laṫuiġ na sráideann annsa ċaṫ: agus troidfid síad, do ḃríġ go ḃfuil an TIĠEARNA maille ríu, agus náireoċṫar an drong do ní marcuiġeaċd air eaċaiḃ.

⁶ Agus nearteoċa misi tiġ Iúdah, agus sáorfa mé tiġ Ióseṗ, agus do ḃéara mé liom íad da suiġiuḋ; óir atá truáiġe agam ḋóiḃ: agus béid aṁuil naċ tteilgfinn uáim íad: óir is misi an TIĠEARNA a Ndía, agus éistfiḋ mé íad.

⁷ Agus biáiḋ Eṗraim aṁuil duine cumasaċ, agus gáirdeaċuiḋ a ccroiḋe aṁuil buḋ tré ḟíon: fós, do ċífid a cclann é, agus béid lúaṫġaireaċ; agus gáirdeoċuiḋ a ccroiḋe annsa TIĠEARNA.

⁸ Do ḋéana mé sméideaḋ orra, agus cruinneoċa mé íad; óir dtúascail mé íad: agus méideoċuid mar do ṁéaduiġeadar.

⁹ Agus síolċuirfe mé íad a measc an ṗóbail: agus cuiṁneoċuíd orum a ttiorṫaiḃ imċíana; agus mairfid gun a ccloinn, agus fillfid a rís.

¹⁰ Do ḃéara mé a rís íad as críċ na Hégipte, agus cruinneaċa mé as a Nassíria íad; agus do ḃéara mé íad go fearann Gílead agus Lebanon; agus ní ḃfuiġṫear ionad dóiḃ.

¹¹ Agus raċa sé ṫríd an ḃfairge le haindeisi, agus búailfiḋ sé na tonna ann sa ḃfairge, agus tiormoċuid uile aigéin na sroṫann súas: agus béarṫar úaḃar na Hassíria síos, agus raċaiḋ an tslat ríoġa ó Négipt.

¹² Agus nerteoċa misi íad annsa TIĠEARNA; agus siuḃoluid síos agus súas iona ainm, a deir an TIĠEARNA.