Seanraite 29 - An Bíobla Naoṁṫa 1817 (Bedell)

Caibidil XXIX. Féar do-ċoṁairliġ. 24 Fear páirte an ġaduiġ. 25 An gealtaċ. 26 Spleaḋaċ na cúirte, &c.

¹ An té, ġeiḃ aċṁusan minic agus ċruáiḋiġios a ṁuinéal, milltear é go hobann, agus gan tárṫáil.

² Gáirdiġ an pobal, a nuáir ḃíd na fíréin a ccuṁaċt: aċt a nuáir ḃíos úaċtaránaċt ag an droċḋuine, osnaiġe an poball.

³ Giḋ bé ġráḋuiġios a neagna lúaṫġáiriġ sé a aṫair: aċt an té ċongṁas cuideaċta do ṁéirdreaċaiḃ anċaiṫiġ sé a ṁaóin.

⁴ Daingniġ an ríġ an dúṫaiġ lé breiṫeaṁnus: aċt an té ġaḃas tioḋlaicṫe scriosuiḋ sé í.

⁵ An té do ní spleaḋaċus ré na ċoṁarsuin sreaṫuiġ sé líon fa na ċosaiḃ.

⁶ Bí paintér a sáruġaḋ an droċḋuine: aċt canuiḋ an fíréun agus lúaṫġáiriḋ sé.

⁷ Measuiḋ an fíréun cúis an ḃoiċt: aċt ní ċuirionn an droċḋuine áird air a ḟios do ḃeiṫ aige.

⁸ Do ḃeirid na daóine tarcuisneaċa caiṫreaċa a bpaintear: aċt fillid na daóine glioca dioġaltas tar ais.

⁹ Má ní duine críonna imreasan ré hamadán, má ḃionn sé ar buile nó ag gaire, ní ḃí suáiṁnios ann.

¹⁰ Fúaṫuiġid na daóine fuilteaċa an tionnruic: aċt íarruiḋ an duine ceart a anam.

¹¹ Foillsiġ an tamadán a intinn uile: aċt congṁuiḋ an duine críonna a stiġ é nó go ttíg na ḋiáiġ sin.

¹² Má éistionn úaċtarán ré bréagaiḃ, bíd a ṡeirḃísiġ uile go holc.

¹³ Teagṁuiḋ an boċt agus an clúanaire re ċéile: soillsiġiḋ an TIĠEARNA a súile araon.

¹⁴ An ríġ ḃreaṫnuiġios an boċt go fírínneaċ, daingneoċṫar a ċaṫaóir go bráṫ.

¹⁵ Do ḃeir an tslat agus an smaċt gliocas uaṫa: aċt do ḃeir an leanaḃ fágṫar taoḃ ris féin náire ḋá ṁaṫair.

¹⁶ A nuáir lionuid na droċḋaoine, méaduiġ an millteaċus: aċt do ċífiḋ an tionnruic a leagaḋ.

¹⁷ Smaċtuiġ do ṁac, agus do ḃéara sé suáiṁnios duit; do ḃéara sé fós, sólas dot anam.

¹⁸ A náit naċ bí fis, sgriostar an pobal: aċt is beannuiġe, an té ċoiṁéadas an dliġeaḋ.

¹⁹ Ní smaiċteoċṫar seirḃíseaċ le bríaṫruiḃ: óir má tá go ttuigionn sé ní ḟreigeora sé.

²⁰ An ḃfaicionn tú duine ḃíos deiṫniosaċ iona ḃríaṫruiḃ? is mó an dóiġ ḃías as amadán ná asan.

²¹ An té do ḃeir a ṡeirḃiseaċ súas go muirneaċ ó ḃeiṫ na leanaṁ biáiḋ se na ṁac aige fa ḋeóiġ.

²² Corruiġ an duine feargaċ ceannairg súas, agus lionuiḋ fear na buile lé millteaċus.

²³ Do ḃéaruiḋ úaḃar duine ísiol é: aċt coinneoċuiḋ onóir súas an duine úṁal a spioraid.

²⁴ Giḋ bé ḃías na ṗáirtiġ ag gaduiġ fúaṫuiġiḋ sé a anam féin: do ċluin sé malluġaḋ, agus ní ḟoillsiġionn é.

²⁵ Do ḃeir eagla an duine paintéur lé: aċt an té ċuirios dóṫċus annsa TIĠEARNA, biáiḋ sé daingion.

²⁶ Iarruid mórán muinntearḋus a núaċdaráin; aċt is ón TTIĠEARNA ṫig bréiṫeaṁnus gaċ nduine.

²⁷ Bí an duine éaigceart na aḋḟúaṫṁaireaċt ag an duine ċeart: agus an té ḃíos fíréanta iona ṡliġṫiḃ bí sé na aḋḟúaṫṁaireaċt don ċiontaċ.