Seanraite 26 - An Bíobla Naoṁṫa 1817 (Bedell)

Caibidil XXVI. Diomolaḋ an amadain, 13 an scráiste, 17 an ċeannairgeaċ, 20 agus an ċogarnuiġ.

¹ Mar ṡneaċta san tsaṁraḋ, agus mar ḟearṫuinn san ḃfoġṁar, marsin ní hiomċuḃuiḋ onóir damadan.

² Mar a néun ar iomlúaġail, mar a náinléog lé heitiolluiġ, marsin ní ṫiucfa an ṁallaċt gan aḋḃar.

³ Málóid do neaċ, srían do nassal, agus slat do ḋruim a namadain.

⁴ Ná freagair amadán do réir a amadánaċda, deagla go mbíaṫeása féin cosmuil ris.

⁵ Freagair amadán do réir a amadánaċda, deagla go mbíaṫ sé críonna iona ḃaraṁuil féin.

⁶ An té ċuirios teaċtaireaċt le láiṁ amadáin gearruiḋ sé amaċ na cosa, agus iḃiḋ sé doċar.

⁷ Ní ḃíd cosa a ḃacaiḋ ionann: marsin do ċosaṁlaċt a mbéul na namádan.

⁸ Aṁuil an té ċeanglas cloċ a ccrann táḃuill, marsin don tí do ḃeir onóir dóinṁid.

⁹ Mar ṫéid dealg súas a láiṁ a nfir meisce, marsin atá cosaṁlaċt a mbéul na namadán.

¹⁰ An Día mór do ċum a nuile ní cúitiġ sé aráon ris a namadán, agus ris an tsáruiġṫeaċ.

¹¹ Mar iompoiġios an madraḋ air a sceaṫruiġ, mairsin iompoiġios an tamadán air a leiṁe.

¹² An ḃfaicionn tú duine críonna iona ḃaraṁuil féin? is mó an dóiġ is cóir do ḃeiṫ an amadán ná as.

¹³ A deir an fallsán, Atá leoṁan san tsliġe; atá leoṁan annsa tsráid.

¹⁴ Mar iompoiġios an dorus air a ḃacánaiḃ, marsin do ní an fallsán air a leabuiḋ.

¹⁵ Folċuiḋ an fallsán a láṁ iona ḃrollaċ; is doiliġ leis a taḃairt a ris ċum a ḃéil.

¹⁶ Is críonna an scraiste iona ḃaraṁuil féin ná moírṡeisior do ḟéadfaḋ réusún do ṫaḃairt úaṫa.

¹⁷ An té ġaḃus ṫort, agus ċuimlios re ceannairg naċ bainionn ris, as cosṁuil é ré neaċ ḃeirios ar ṁadraḋ air ċlúasaiḃ.

¹⁸ Mar ḟear buile noċ ċaiṫios aiṫinniġ, saiġde, agus bás,

¹⁹ Marsin don tí ṁeallus a ċoṁarsa, agus a deir, Naċ a súgraḋ atáim?

²⁰ A náit naċ bí connaḋ ar biṫ, ṫéid an teine as: marsin a náit naċ bí an cogarnaċ, coisgiḋ an ċeannairg.

²¹ Mar ḃíos gúal do ġúal ar lasaḋ, agus connaḋ don teine; marsin don duine ċeannairgeaċ daġnaḋ imreasan.

²² Atáid bríaṫra an ċogarnuiġ aṁuil cneaḋa, agus tiaġuid síos don ċuid is fíríoċtaruiḋ don ḃolg.

²³ An béul ar lasaḋ agus an croiḋe urċoideaċ atáid mur ṗota críaḋ ar na ḟolaċ re sal airgid.

²⁴ An té ḟúaṫuiġios do ní sé blandar le na ṗuisíniḃ, agus taisgiḋ sé cealg a stiġ ann;

²⁵ A nuáir laḃras sé go breáġḋa, na creid é: óir atáid seaċd naṫḟúaṫṁaireaċta iona ċroiḋe.

²⁶ An té ḟolċas fúaṫ lé ceilg, foillseoċṫar a olc a ḃfiaḋnuise an ċoṁċruinniġ uile.

²⁷ Giḋ bé ṫoċlas poll tuitfe sé féin ann: agus an té iompoiġios cloċ, fillfiḋ sí air féin.

²⁸ Fúaṫuiġ an teanga ḃréagaċ an drong dá ndéin sí doċar; agus oibriġ an béul spleaḋaċ millteaċus.