Seanraite 19 - An Bíobla Naoṁṫa 1817 (Bedell)

Caibidil XIX. Olcas na beaṫa gan ṁoṫuġaḋ dá gnoḋuiġṫiḃ go ceart, &c.

¹ Is féarr an boċt ṡiuḃluiġios iona iomláine, ná an té ḃíos urċóideaċ iona ṗuisiniḃ, agus na amadán.

² Fós ni maiṫ, an tanam do ḃeiṫ gan éolus; agus an té ḋeiṫfriġios le na ċosaiḃ peacuiḋe.

³ Malluiḋ amadánaċt an duine a ṡliġe: agus bí fearg air a ċroiḋe a naġaiḋ an TIĠEARNA.

⁴ Do ní an saiḋḃrios móran carad; agus scarṫar an boċt re na ċoṁarsain.

⁵ Ní raċuid fíaḋnuisiġ ḃréige gan dioġaltas, agus an té laḃras na breuga ní raċaiḋ sé as.

⁶ Is iomḋa duine íarras faḃar an ṗrionnsa: agus bí gaċ áonduine na ċarruid ag an té do ḃeir tioḋlaicṫe úaḋ.

⁷ Fúaṫuiġid uile ḋearḃráiṫre an ḃoiċt é: cá ṁéad nísa ṁó ná sin ṫíaġaid a ċáirde uile a ḃfad uáḋ? leanuiḋ sé íad lé briaṫraiḃ, giḋeaḋ bíd síad do ḋíṫ air.

⁸ Is ionṁuin leis an té do ġeiḃ eagna a anam féin: an té ċoiṁéadas tuigsi do ġeaḃa sé maiṫ.

⁹ Ní raċaiḋ fiaḋnuise ḃréige gan dioġaltas, agus meaṫaiḋ an té laḃrus bréaga.

¹⁰ Ní hiomċuḃaiḋ áoiḃneas damadán; is luġa ná sin do ṡeirḃíseaċ riaġlaḋ os cionn ṗrionnsaḋ.

¹¹ Cuiriḋ discréid duine a ḟearg air cáirde; agus isí a ġlóir míríaġuil do léigean ṫairis.

¹² Bí fearg an ríġ aṁuil búirfeaḋaċ leoṁuin; aċt bí a ḟaḃar aṁuil drúċt air an ḃféur.

¹³ Is aḋḃar boċduine ḋá aṫair an mac leaṁ: agus is silt ṡiorruiḋe imreasuin na mná.

¹⁴ Tiġ agus saiḋḃrios isé oiġreaċt a naṫar: agus is ón TTIĠEARNA atá an ḃean ġlic.

¹⁵ Cuiriḋ a nfallsaċt a ccodlaḋ ṫrom; agus fuileonga an tanam díoṁaoin, ocras.

¹⁶ An té ċoiṁéadas a naiṫne coiṁéaduiġ sé a anam féin: aċt an té ṫarcuisniġios a ṡliġe éugfuiḋ sé.

¹⁷ An té agá mbí truaiġe don ḃoċt airligiḋ sé don TIĠEARNA; agus an ní do ḃéara sé úaḋ íocfuiḋ sé ris é a rís.

¹⁸ Smaċtuiġ do ṁac an fad ḃías dóiġ as, agus ná coigleaḋ hanam é ċum a ṁillte.

¹⁹ Fuileonguiḋ fear na móirḟeirge pionús: óir má ṫártuiġionn tú é, caiṫfé tú a ḋéanaṁ a rís.

²⁰ Eísd re coṁairle, agus glac teagasg, ċor go mbía tu glic ad ċríċ ḋeiġíonuiġ.

²¹ Bíd mórán tionnsgantaḋ a gcroiḋe an duine; ṫairis sin a si coṁairle an TIĠEARNA, ṡeasfas.

²² Asé dúil an duine a ċinéul: agus is féarr án duine boċt ná an bréagaċ.

²³ Tríalluiḋ eagla an TIĠEARNA ċum beaṫa: agus an té agá mbí sin anfuiḋ sé sásta; ní ṫiocfuiġṫior ċuige le holc.

²⁴ Folċuiḋ an duine leasg a láṁ iona ḃrollaċ, agus ní ṫaḃair sé amaċ í ċum a ḃéil a rís.

²⁵ Buáil an tarcuisneaċ, agus do ḃéara an simpliḋeaċ aire: agus iomaiṫḃír an té agá mbí tuigsi, agus tuigfiḋ sé éolus.

²⁶ An té ṁillios a aṫair, agus ḋíbrios a ṁaṫair, is mac ṫuillios náire é, agus do ḃeir scannail.

²⁷ Scuir, a ṁic, déisteaċd an teagaisg ḃus cúis ṡeaċráin ó ḃríaṫruiḃ a neóluis.

²⁸ Tarcuisniġ fíaḋnuise neiṁḋiaḋa breiṫeaṁnus, agus sluigiḋ béul an ċiontuiġ éaigceart.

²⁹ Atá breiṫeaṁnus ullaṁ fá ċoṁair na dtarcuísneaċ, agus scíursaḋa do ḋruim na namadán.