Psailm 98 - An Bíobla Naoṁṫa 1817 (Bedell)

Psalm XCVIII. Caismiorta na sduice roiṁe ṫeaċd Dé go breiṫeaṁnus.

¹ Canuiḋ don TIĠEARNA caintic nuaḋ; óir do rinne sé neiṫe iongantaċa: do ṫárṫaiḋ a láiṁ ḋeas, agus a ríġ náoṁṫa féin.

² Do ċuir an TIĠEARNA a ṡlánuġaḋ a nuṁail: a raḋarc an ccineaḋaċ dfoillsiġ sé a ḟíréuntaċd.

³ Do ċuiṁniġ sé a ṫrócaire agus a ḟírinne do ṫiġ Israel: do ċoncadar teoranna na talṁan uile slánuġaḋ ar Ndéne.

⁴ Déan fuáim lúaṫġáireaċ ċum an TIĠEARNA, a ṫaluiṁ uile: deán fuáim ṫaiġiúir, déan gáirdeaċus, agus cán salm.

⁵ Canuiġ ċum an TIĠEARNA ris an ccláirsiġ; ris an gcláirsiġ, agus re guṫ salm.

⁶ Re trumpaḋuiḃ agus re guṫ an ċornet déanaiḋ fuaim lúaṫġáireaċ ós ċoinne an TIĠEARNA, an Ríġ.

⁷ Déanaḋ an ṁuir mongair, agus a hiomláine; an sáoġal agus an dream ċoṁnuiġios ann.

⁸ Buáilidís na haiḃne a mbasa fa ċéile: déaindís na sléiḃte lúaṫġáire

⁹ Os coinne an TIĠEARNA; óir atá sé ag teaċd do ḃreiṫe air an ttalaṁ: do ḋéana sé breiṫeaṁnus air an ttalaṁ ré fíréuntaċd, agus air na poibleaċaiḃ ré ceart.