Psailm 96 - An Bíobla Naoṁṫa 1817 (Bedell)

Psalm XCVI. Atá Día ionġlóruġaḋ, do ċionn gur Hé ḃeir breaṫ ar ntsaoġail.

¹ Canuiġ don TIĠEARNA caintic núaḋ: canuiġ don TIĠEARNA, a ṫalaṁ uile.

² Canuiḋ don TIĠEARNA, beannuiġiḋ a ainm; foillsiġiḋ a ṡlánuġaḋ ó ló go ló.

³ Innsiġiḋ a measg na ngeinteaḋ a ġlóir, a ionganta a measg na nuile ṗoibleaċ.

⁴ Oír is mór an TIĠEARNA, agus is íonṁolta go hiomarcaċ: is ineagla é tair na huile ḋée.

⁵ Oír is ioḋail uile ḋée na ndaóine: aċt isé an TIĠEARNA do rinne na neaṁḋa.

⁶ Atá glóir agus daṫaṁlaċd ós a ċoinne: atá neart agus scéiṁ iona ṡanctóir.

⁷ Tuguiḋ don TIĠEARNA, a ċinéul na bpoibleaċ, tugaiḋ don TIĠEARNA glóir agus neart.

⁸ Tugaiḋ don TIĠEARNA glóir ḋá ainm: tugaiḋ ofráil, agus tagaiḋ a steaċ iona ċúirtiḃ.

⁹ Aḋraiḋ an TIĠEARNA a scéiṁ a náoṁṫaċda: bíoḋ eagla oruiḃ roiṁe, a ṫalaṁ uile.

¹⁰ Abraiḋe a measg na ngeinteaḋ, Atá an TIĠEARNA a rioġaċt: daingneoċar fós an doṁan go naċ ccorróċar é: do ḋéana sé breiṫeaṁnus air na poibleaċaiḃ a ḃfíréuntaċd.

¹¹ Déindís na flaiṫeaṁnuis gáirdeaċus, agus bíoḋ lúaṫġáire air an ttalaṁ; déanaḋ an ṁuir búireaḋ, agus gaċ a ḃfuil inte.

¹² Lingioḋ an maġ le lúaṫġáire, agus a ḃfuil ann: annsin lúaṫġáirfid croinn na coilleaḋ

¹³ Os coinne an TIĠEARNA: oír atá sé ag teaċt, ag teaċt do ḋéanaṁ breiṫeaṁnuis air an ttalaṁ: do ḃéara sé breiṫ air a tsaoġal a ḃfíréuntaċd, agus air na daóiniḃ iona ḟírinne féin.