Psailm 88 - An Bíobla Naoṁṫa 1817 (Bedell)

Psalm LXXXVIII. Urnaiġ ġearánaċ ṫruaġoín, ar tí éuga.

Caintic no Psalm do ċloinn Córah, don ṗríṁḟear ceóil air Mahalat-Leannot, Psalm teagaisg Heman an Tesrahíteaċ.

¹ A ṪIĠEARNA a Ḋé mo ṡlánuiġṫe, do ġoir mé do ló agus doiḋċe air haġaiḋ:

² Tigeaḋ múrnaiġ dot laṫair: claón a nuas do ċlúas ċum méiġṁe;

³ Oír atá manam lionta lé holcaiḃ: agas atá mo ḃeaṫa ag tarruing a ngar difrionn.

⁴ Aíriġṫear mé maráon ris an luċt ṫéid síos annsa log: atáim mar ḋuine ann naċ ḃfuil neart ar biṫ:

⁵ Sáor a méasc na marḃ, mar na mairḃ atá na luiġe annsa nuáiḋ, air naċ ccuiṁniġionn tusa nísa ṁó: noċ do gearraḋ amaċ le do láiṁse.

⁶ Do ċuiris mé annsa log íoċdaraċ, a ndorċadus, annsna háitiḃ doiṁne.

⁷ Is orumsa ċoṁnuiġeas do ḋíḃḟearg, agus do ḃuáiḋris mé red uile ṫonnuiḃ. Selah.

⁸ Do áṫraiḋ tú a ḃfad uáim mo luċd cumuinn; do rinnis am úaṫḃás dóiḃ mé: atáim ar míaḋaġ a stiġ, agus ní ḟéadam teaċd amaċ.

⁹ Do ní mo ṡúil doilġios cionnus ataim buáiḋearṫa: do ġoirios ortsa a ṪIĠEARNA, ar feaḋ an laói, do ṡíneas amaċ mo láṁa ċugad.

¹⁰ A ndéana tú do na marḃuiḃ iongnaḋ? a néireoċuiḋ an drong fuáir bás dot ṁolaḋ? Selah.

¹¹ An ḃfoillseoċṫar do ṫrócaire san nuáiḋ? ṫfírinne a ndíoṫláiṫriuġaḋ?

¹² A naiṫeontar hobair iongantaċ annsa dorċadas? ṫfíréantaċd a dtalaṁ an dearmaid?

¹³ Aċt ċuġadsa do ġoireas, a ṪIĠEARNA; tiucfa murnaiġ ar maidin ós do ċoinne.

¹⁴ A ṪIĠEARNA, cred fa tteilgir seaċad manam? cred fa ḃfolċann tú haġaiḋ orum?

¹⁵ Duine boċt troirṫliġe misi óm óige: fuilingim húaṫḃássa atáim air mo ḃuáiḋreaḋ.

¹⁶ Do ċuáiḋ ṫfearg aiḋṁéil ṫorum; do ġearradar húaṫḃáis amaċ mé.

¹⁷ Do ġaḃadar am ṫimċioll aṁuil uisge ar feaḋ an laói; ṫangadar go croinn a néinḟeaċd am ṫimċioll.

¹⁸ Do áṫruiġ tú a ḃfad uáim fear gráḋa, agus cara agus an luċt dar ḃaiṫne mé a ndorċadas.