Psailm 75 - An Bíobla Naoṁṫa 1817 (Bedell)

Psalm LXXV. O Ḋía atá breiṫeaṁnas ceart, noċ ṫógḃas fear, agus leagfas síos fear oile.

Don ṗríṁḟear ceóil, Ná mill, psalm agus caintic Asaṗ.

¹ Do ḃeirmíd buiḋeaċus duit, a Ḋé, do ḃeirmíd buiḋeaċus duit: óir foillsiġid do ṁíorḃuile go ḃfuil hainm a ḃfogus.

² A nuáir ġéaḃad an coṁṫionól ċugam do ḋéanad breiṫeaṁnus go díreaċ.

³ Atá an talaṁ agus a nuile áitreaḃas ann ar na scaoileaḋ: daingneoċadsa a ṗostaḋa. Selah.

⁴ A deirim ris ha hamadánuiḃ, Ná déanuiḋ leiṁe: agus leis na cionntaċaiḃ, Ná tógḃaiḋ súas a naḋarc:

⁵ Ná tógḃaiḋ súas a naḋarc go ro árd: ná laḃruiḋ re muinéul cruáiḋ.

⁶ Oír ní ó náird a noir, nó a níar, nó ó ḋeas atá árduġaḋ.

⁷ Aċt Día an breiṫeaṁ: uṁluiġ sé an fearso, agus árduiġ sé an fear oile.

⁸ Oír atá cupán a láiṁ an TIĠEARNA, agus atá an fíon dearg; lán do ċumasc; agus dóirtiġ sé as amaċ: a ḋeasgaiḋ sin aṁáin, ḟáisgfid uile ṗeacaiḋ na talṁan, agus iḃid.

⁹ Aċt foillseoċuiḋ misi a ṫrócaire go bráṫ; canfad sailm do Ḋía Iácob.

¹⁰ Agus brisfiod aḋarca na cciontaċ uile; áirdeoċṫar aḋarca an duine ḟíréunta.