Psailm 73 - An Bíobla Naoṁṫa 1817 (Bedell)

Psalm LXXIII. Fiafrúġaḋ um ḟás agus ċríonaḋ ḋroċḋaóine.

Psalm Asaṗ.

¹ Is maiṫ Día fós do Israel, do nfíorġlan a ccroiḋe.

² Aċt misi, is beag nar sciorr mo ċosa; is beag nar ṡleaṁnuiġ mo ċoiscéime uáim.

³ Oír do ṫnúṫaiġ mé rís na hamadanuiḃ, mar do ċonnairc mé síoṫċáin na gciontaċ.

⁴ Oír ní ḃfuil cuiḃriġṫe iona mbás: agus atá a neart cliste.

⁵ Ní ḃfuilid a sáoṫar na ndaóine; agus ní píantar íad mar ḋaóine oile.

⁶ Ar a naḋḃarsin timċiolluiġ an túaḃar íad mar slaḃraḋ: folċuiḋ an foiréiġon íad mar ċúlaiḋ.

⁷ Téid a súile amaċ le méuṫus: sáruiġid smuáintiġṫe a ccroiḋe.

⁸ Truáilliġid, agus laḃruid sáruġaḋ le hurċóid: laḃruid go hárd.

⁹ Cuirid a mbéul a naġaiḋ na neaṁ, agus siuḃluiġ a tteanga ṫríd an ttalaṁ.

¹⁰ Ar a náḋḃarsin fillid a ḋaoine annso: agus fáisgṫior ċuca amaċ uisgeaḋa ċupáin líonta.

¹¹ Agus a deirid, Cionnus is aiṫne do Ḋía? agus an ḃfuil éolus annsa té is ro áirde?

¹² Feuċ, is íadso na cionntuiġ, agus na daoine a suáiṁneas an tsáoġáil; tigid ċum saiḋḃris.

¹³ Go deiṁin is a ndíoṁaoineas do sgagas mo ċroiḋe, agus do niġios mo láṁa a neiṁċionntaiḃ.

¹⁴ Agus do ḃí mé air mo ṗíanaḋ air feaḋ an laói, agus air maidin do ḃí mo aċṁusan.

¹⁵ Má deirim, Laiḃeorad marso; féuċ, do ḋéana mé éagcóir air ġinealaċ do ċloinnesi.

¹⁶ Agus do ṁeas mé a ḟios so do ḃeiṫ agam, aċt bá sáoṫar ann mo ṡúiliḃ sin;

¹⁷ Nó go ndeaċaiḋ mé a sanctoruiḃ Dé; gur ṫuig mé a ndeireaḋsin.

¹⁸ Go deiṁin suiġe tú íad a náitiḃ sleaṁna, teilge tú síos íad a nuáigneasuiḃ.

¹⁹ Ciondus tugṫar ċum neiṁni mar buḋ a móiment íad! meaṫar íad ré húaṫḃásaiḃ ṫrid amaċ.

²⁰ Mar aisling tar éis duine do ṁúsclaḋ; mar sin, a ṪIĠEARNA, a nuáir ṁúisceolus tusa, do ḋéanair a níoṁáiġ do ṫarcuisniuġaḋ.

²¹ Marso do ḃí mo ċroiḋe ro ḃuáiḋearṫa, agus ann mo ḋuḃánuiḃ do gonaḋ mé.

²² Agus do ḃí mé brúideaṁuil, agus ní raiḃ a ḟios agam: mar na hainṁíntiḋ do ḃí mé agadsa.

²³ Giḋeaḋ do ḃí mé do ġnáṫ agadsa: do rug tú air mo láiṁ ḋeis.

²⁴ Tréoroċuiḋ tú mé réd ċoṁairle, agus na ḋiáiġsin géuḃa tú ċugad a nglóir mé.

²⁵ Cía atá ágam a ḃflaiṫeaṁnus? agus cosṁuil riotsa ní ḃfuil solus agam ar talaṁ.

²⁶ Do ċuáiḋ mfeóil agus mo ċroiḋe a laige: isé Día neart mo ċroiḋe, agus mo ċuid ronna go bráṫ.

²⁷ Oír, féuċ, an luċt ṫéid a ḃfad uáit meiṫfid síad: scriosfair gaċ áon dá ttéid ré stríopaċus uáit.

²⁸ Aċt ís maiṫ ḋaṁsa druidean ré Día: atá mo ḋóiġ annsa TTIĠEARNA Día, go ḃfoillsiġe mé hoibreaċa uile.