Psailm 7 - An Bíobla Naoṁṫa 1817 (Bedell)

Psalm VII. Do ṫeiṫ Daiḃi rí ó naṁdiḃ a anma, go Día.

Siggaion Ḋáiḃi, noċ do ṡeinn sé don TIĠEARNA , a ttaóḃ ḃríaṫar Ċus an Beniamíteaċ.

¹ O a ṪIĠEARNA Día, ionnadsa ċuirim mo ḋóiġ: tárṫuiġ mé ó nuile noċ ġérleanas mé, agus sáor mé:

² Deagla go réubfeaḋ se manam aṁuil leoṁan, ḋá strócaḋ a ccodċuiḃ, a nuáir naċ ḃfuil éinneaċ ann do ainicfeaḋ.

³ O a ṪIĠEARNA mo Ḋía, má rinne mé so; má atá éacceart ann mo láṁuiḃ;

⁴ Má ċuitiġ mé olc ris an té do ḃí a síoṫċáin riom; (fós, do ainic mé an té noċ atá na náṁuid ḋaṁ gan ċúis:)

⁵ Déanaḋ mo náṁaid gérleanṁuin air manam, agus gaḃaḋ sé é; fós, saltraḋ sé síos mo ḃeaṫa air an ttalaṁ, agus léigeaḋ sé monóir san luáiṫreaḋ. Selah.

⁶ Eíriġ, a ṪIĠEARNA, an ṫfeirg, tóg súas ṫú féin tre anḃuirbe mo naiṁdesi: agus múscuil ar mo ṡonsa ċum an ḃreiṫeaṁnuis noċ do ḟúagruis.

⁷ Mar sin cruinneoċuid coiṁṫionól na ndaoine ad ṫimċioll: air a sonsan uimesin fillsi air árd.

⁸ Béaruiḋ an TIĠEARNA breiṫeaṁnus air an bpobal: breaṫnuiġ misi, ó a ṪIĠEARNA, do reir mfiréantaċda, agus do réir mo ḋíoġruisi noċ atá ionnam.

⁹ O críoċnuiġeaḋ olc na cciontaċ; aċt daingniġ an duine ceart: óir dearḃuiḋ an Día fíréanta na croiḋṫe agus na duḃáin.

¹⁰ Is o Ḋía atá mo ċosnaṁ, noċ ṡáoras an díreaċ a ccroiḋe.

¹¹ Do ní Día breiṫeaṁnus air an ḃfíréun, agus bí Día feargaċ ris an cciontaċ gaċ éanlá.

¹² Muna ḃfilliḋ sé, cuirfe sé fáoḃair air a ċloiḋeaṁ; do lúb sé a ḃoḋa, agus do rinne sé ullaṁ é.

¹³ Do ġléus sé ḋó mar an ccéadna oirnéis an ḃáis; dórduiġ sé a ṡaiġeada a naġaiḋ na ninġreamaċ.

¹⁴ Féuċ, bíḋ sé torraċ le héicceart, agus do ġaḃ sé urċóid, agus do rug sé neiṁḟírinne.

¹⁵ Do rinne sé clais, agus do ṫoċuil sé í, agus atá ar ttuitim annsa ṗoll noċ do rinne sé féin.

¹⁶ Fillfiḋ a urċóid air a ċeann féin, agus tiocfuiḋ a ḟoiréigion náṁadaċ a núas air a ḃaiṫis féin.

¹⁷ Molfad an TIĠEARNA do réir a ḟíréantaċda: agus cánfad molaḋ dainm an TIĠEARNA is ro áirde.