Psailm 53 - An Bíobla Naoṁṫa 1817 (Bedell)Psalm LIII. An Duine do ċuir cúl re Día ṫríd amaċ, ní ḃfuil sé saor ó eagla. Don ṗríṁḟear ceóil ar Mahalat, Psalm teagaisg Ḋáiḃi. 1 A duḃairt an tamadán iona ċroiḋe, Ní ḃfuil Día ann. Truáilliġ atáid síad, do níd éaigceart aḋuaṫṁar: ní ḃfuil áonduine do ní maiṫ. 2 Dféuċ Día ó neaṁ ar ċloinn Aḋaiṁ, dféaċuin an raiḃ aon do ṫuicfeaḋ, nó díarrfaḋ Día. 3 Do ċuáiḋ gaċ áon ar ccúl: atáid a néinḟeaċd truáilliġ; ní ḃfuil áonduine do ní maiṫ, ní ḃfuil, fós áonduine. 4 A ḃfuil luċd oibriġṫe urċóide gan éolus? noċ iṫeas mo ḋaóine mar iṫid aran: agus ní ġoirid air an Ndía. 5 Ann sin do ḃí eagla orra le húaṁan, mar naċ raiḃ eagla: óir do spréiḋ Día a ċnáṁasan noċ do rinne campa ad aġaiḋsi: do náiriġ tú íad, do ḃríġ gur ḋíult Día íad. 6 O dá ttugṫaói slánuġaḋ Israel amaċ as Sion! A nuáir iompoċus Día braiġdeanas a ḋaóine, do ḋéana Iácob lúaṫġáir, agus Israel gáirdeaċus. |
First published by the British and Foreign Bible Society in 1817.
British & Foreign Bible Society