Psailm 52 - An Bíobla Naoṁṫa 1817 (Bedell)

Psalm LII. Tairrgir ar ḋeireaḋ an droċ ċúirteóir.

Don ṗríṁḟear ceóil, Psalm teagaisg Ḋáiḃi: a nuáir ṫáinic Doeg an Tedomíteaċ, agus dinnis do Ṡaul, agus a duḃairt ris, ṫáinig Dáiḃi go tiġ Ahimeleċ.

¹ Cred fá ndéan tú uáill a nolc, a ḋuine ċuṁaċduiġ? mairiġ maiṫeas Dé ar feaḋ an laói.

² Tionnsgnuiḋ do ṫeanga urċóid; aṁuil gérscían ḃéarrṫa, ag oibriuġaḋ go cealgaċ.

³ Gráḋuiġ tú olc tair an maiṫ; bréaga ós cionn laḃairt go fíréunta. Selah.

⁴ Is ionṁuin leaċd gaċ uile ḃríaṫra urċóideaċa, O a ṫeangaiḋ ṁillteaċ.

⁵ Mar an ccéadna scriosfuiḋ Día ṫú go braṫ, agus béaruiḋ seaċad ṫú, agus tarrongfuiḋ ṫú as do ṗáilliún, agus beanfaiḋ do ḟréuṁa as talaṁ na mbéo. Selah.

⁶ Do ċífiḋ an fíréun mar an ccéadna, agus biaiḋ eagla air, agus do ḋéana gáire fáoi:

⁷ Dearc, an nduine naċ déarna a neart do Ḋía; aċt do ċuir a ḋóiġ iona iomad saiḋḃris, agus do neartuiġ é féin iona ċionntaiḃ.

⁸ Aċt misi mar ċrann ġlas oiliḃ a ttiġ Dé: atá mo ḋóiġ a ttrócaire Dé go sáoġal na sáoġal.

⁹ Molfad ṫú go síorruiḋe, do ḃríġ go ndéarna tú sin: agus feiṫṁe mé ar hainm; óir is maiṫ é ós coinne do náoṁ.