Psailm 5 - An Bíobla Naoṁṫa 1817 (Bedell)

Psalm V. Guiḋe anaġaiḋ naiṁde na córa.

Don ṗríṁḟear ceóil air Nehilot, Psalm Ḋáiḃi.

¹ Taḃair clúas dom ḃríaṫruiḃ, ó a ṪIĠEARNA, meas mo smúaintiġe.

² Eíst ré guṫ mo éiġṁe, ó mo Ríġ, agus mo Ḋía: óir is ċugadsa ġuiḋfeas mé.

³ Cluinfir mo ġuṫ air maidin, ó a ṪIĠEARNA; air maidin díreoċaiḋ mé múrnaiġ ċugad, agus féuċfad súas.

⁴ Oir ní Día ṫú agá ḃfuil dúil a nurċoid: ní mó ċoiṁneoċus olc maílle riot.

⁵ Ní ṡeasfaid na hamadáin ann do raḋarc: súaṫuiġionn tú a nuile luċd déanta na héagcóra.

⁶ Scriosta tú an luċd do laḃrus bréug: biáiḋ fúaṫ ag an TTIĠEARNA air a nduine ḟuilteaċ agus ṁeaḃlaċ.

⁷ Aċt air mo ṡonsa, tiocfa mé a steaċ ann do ṫiġ a niomadaṁlaċd do ṫrócaire: agus ann heagla do ḋéaġ aḋraḋ go nuige do ṫeampall náoṁṫa.

⁸ Treoruiḋ mé, ó a ṪIĠEARNA, ann ṫfíréantaċd, do ḃríġ mo naiṁde; déan do ṡliġe díreaċ am ḟiaġnuisi.

⁹ Oír ní ḃfuil dísleaċd iona mbéul; is fíorurċóid an táoḃ a stiġ ḋíoḃ; is uáiṁ oscuilte a scornaċ, do níd bladar le na tteangaiḋ.

¹⁰ Scrios íad, a Ḋé; leagṫar íad le na ccoṁairliḃ féin; teilg amaċ íad a niomadaṁlaċd a míġníoṁ; óir do rinneadar easáonta ad aġaiḋ.

¹¹ Aċt gáirdiġeaḋ a nuile ḋuine do ċuir a ḋóiġ ionnadsa: gáiridís lé lúaṫgáir go bráṫ, do ḃríġ go ccuṁduiġ tusa íad: bidís mar an ccéadna an dream learab ionṁain ṫainm, lúaṫgáireaċ ionnad.

¹² Oír ṫusa, a ṪIĠEARNA, beannoċa tú an fíréun; le faḃar timċiollfar é aṁuil buḋ le scéiṫ.