Psailm 41 - An Bíobla Naoṁṫa 1817 (Bedell)

Psalm XLI. Gur soċaraċ Día don ḟear ḃeir aire don ḃoċd, agus gur díon é ón ċaraid ċealgaċ.

Don ṗríṁḟear ceóil, Psalm Ḋáiḃi.

¹ Is beannuiġ an té do ḃeir aire don ḃoċd: sáorfuiḋ an TIĠEARNA é a ló a nuilc.

² Cuiṁdeoċuiḋ an TIĠEARNA é, agus coiṁéadfa béo é; biáiḋ sé beannuiġ air an ttalaṁ: agus ná táḃairsi é do ṫoil a náṁad.

³ Do ḋéana an TIĠEARNA a ċoṫuġuḋ air leabuiḋ a ḋoilġis: iompoċa tú a leabuiḋ uile iona ṫinneas.

⁴ A duḃairt mé, A ṪIĠEARNA, déana trócaire orum: slánuiġ manam; oír do ṗeacaiḋ mé ad aġaiḋ.

⁵ Laḃruiḋ mo naiṁde go holc orum, Cá huáir éugfas sé, agus ṁeiṫfeas a ainm?

⁶ Agus má ṫig dom ḟéuċuin, laḃruiḋ sé díoṁaóineas: cruinniġe a ċróiḋe urċóid ḋó féin; raċaiḋ amaċ annsa tsráid, agus laiḃeoruiḋ é.

⁷ Tiaġaid a ccogar ré ċéile am aġaiḋ an ṁéid ḟúaṫuiġios mé: smuáinid olc am aġaiḋ, ġá ráḋ,

⁸ Atá droċ easláinte ceangailte go daingion de: agus a nois ó atá na luiḋe ní éireoċuiḋ ní sa ṁó na ṡeasaṁ.

⁹ Fear mo ṡíoṫċána, fós, iona raiḃ mo ḋóiġ, noċ a duáiġ marán, do ṫog sé súas a ṡál am aġaiḋ.

¹⁰ Aċt tusa, a ṪIĠEARNA, déan trócaire orum, agus tóg súas mé, agus do ḃéur luáiġeaċd dóiḃ.

¹¹ Air so aiṫniġim go ḃfuil dúil agadsa ionnam, do ḃríġ naċ déanuid mo naiṁde caiṫréim ós mo ċionn.

¹² Aċt ar mo ṡonsa, congṁa tú súas mé ann mo iomláine, agus cuirfir mé ós coinne haiġṫe go bráṫ.

¹³ Go maḋ beannuiġ ḃías an TIĠEARNA Día Israel ó ṡíorruiḋeaċd, agus go síorruiḋe. Amen, Amen.