Psailm 30 - An Bíobla Naoṁṫa 1817 (Bedell)

Psalm XXX. Do iompoiġ Día brón go gáirdeaċus.

Psalm Ḋáiḃi, dán coisriġṫe a ṫiġe.

¹ Ardṁolfa mé ṫú a ṪIĠEARNA; óir do ṫóig tú súas mé, agus ní ṫug tú air measccáirdiḃ gáirdeaċas do ḋéanaṁ ós mo ċionn.

² O a ṪIĠEARNA mo Ḋía, do ċoṁairc mé ċugad, agus do leiġis tú mé.

³ O a ṪIĠEARNA, do ṫóig tú manam súas as ifrionn: do ċoiṁéad tú béo mé, go naċ raċfuinn síos don núaṁaiḋ.

⁴ Canuiḋ psalm don ṪIĠEARNA, ó siḃsi a naoṁa féin, agus tugaiḋ buiḋeaċus do ċuiṁne a naoṁṫaċda.

⁵ Oir íona ḟeirg ní ḃfuil aċt móiment; iona ḟaḃar atá beaṫa: annsa tráṫnóna bíoḋ go mbí gul, tig gáirdeaċus air maidin.

⁶ Aċt a duḃairt misi am ṡuáiṁnios, Ní háṫroċṫar mé ċoiḋċe.

⁷ A ṪIĠEARNA, maille red ġrásuiḃse do ċuir tú neart ann mo ṡlíaḃsa: dfoluiġ tú haġaiḋ, agus do ḃí mé buáiḋearṫa.

⁸ Ċugadsa a ṪIĠEARNA, do ċoṁairc mé; agus ċum an TIĠEARNA do rinne mé mo ġuiḋe;

⁹ Cred é an tarḃa atá an mfuil, a nuáir raċad síos san núaṁaiḋ? An molfuiḋ an luaiṫreaḋ ṫú? an ḃfoillseoċuiḋ sé ṫfírinne?

¹⁰ Cluin, a ṪIĠEARNA, agus déan trócaire orum: ó a ṪIĠEARNA, cuidiġ liom.

¹¹ Diompóiġ tú mó ḋóḃrón a daṁsa ḋaṁ: do ċuiris díom mo ṡaicéadaċ, agus do ċoiṁċeangluis mé lé lúaṫġáir;

¹² Ionnus go ccanfaḋ mo ġlóir molaḋ ḋuitsi, agus gan ḃeiṫ am ṫoċd. O a ṪIĠEARNA mo Ḋía, do ḃéarad buiḋeaċus riot go bráṫ.