Neaḃruiḋeaċ 11 - An Bíobla Naoṁṫa 1817 (Bedell)

Caibidil XI Nádur an ċreidiṁ; 7 agus a neart, ar na ḋearḃaḋ ré iniomad sompla.

¹ Agus a sé an creideaṁ as bun do na neiṫiḃ ré ḃfuil dóiġ, agus as foillsiuġaḋ dearḃṫa air na neiṫiḃ naċ ḃfaicṫear.

² Oír as tríd fúaradar na sinnsir deaġṫeisd.

³ As tré ċreideaṁ ṫuigmíd gur crúṫuiġeaḋ an doṁan tré ḃréiṫir Dé, ionnas go ndearnaḋ neiṫe sóḟaicsiġ do na neiṫiḃ dóḟaícsiġ.

⁴ As tré ċreideaṁ do ḟoráil Abel do Ḋía ioḋbairt ní as féarr ná Cáin, tré a ndéarnaḋ fíaḋnuise ḋó go raiḃ sé na ḟíréun, ar mbeiṫ do Ḋía ag déunaṁ fíaḋnuise ḋá ṫioḋlaiciḃ: agus trés an gcreideaṁsin ar ḃfaġáil ḃáis dó láḃruiḋ sé fós.

⁵ As tré ċreideaṁ do háṫruiġeaḋ Enóċ ċum naċ ḃfaicfeaḋ sé an bás; agus ní friṫ é, do ḃríġ gur aṫruíġ Día é: oír súil do haṫruiġeaḋ é do rinneaḋ fíaḋnuise ris, gur ṫaitin sé re Día.

⁶ Aċd a ḃféugṁuís ċreideiṁ ní féidir taitneaṁ ris: oír an tí ṫig ċum Dé is éigean dó a ċreideaṁ go ḃfuil sé ann, agus go dtaḃairt sé lúaċ sáoṫar don druing íarras é.

⁷ As tré ċreideaṁ, ar ḃfaġáil fógarṫa ó Ḋía do Naói a dtimċioll na neiṫeann naċ raiḃ fós ré na ḃfaicsin, ar ngaḃáil ḟaitċis do, dullṁuiġ sé a náirc do ṡáḃáil a ṫiġe féin; tré ḋamnuiġ sé an doṁan, agus do rinneaḋ óiġre na fíréuntaċda atá tré ċreidiṁ ḋé.

⁸ As tré ċreideaṁ, dúṁlaiġ Abraham, ar na ġairm ag imṫeaċd go hionad noċ do ġeubaḋ sé na ḋiáiġ sin doiġreaċd; agus do ṫríall sé roiṁe, gan a ḟios aige cá háit ann a raiḃ sé ag dul.

⁹ As tré ċreideaṁ do ċóṁnuiġ sé a dtír na geallaṁna, aṁuil a dtir ċoiṁiġṫe, ar ndéunaṁ coṁnuiġe ḋó a mboṫuíḃ maille ré Hísaac agus ré Iácob, coṁóiġreaḋa na geallaṁna céudna:

¹⁰ Oír do ḃí a ṡúil ris an gcaṫruiġ úd agá ḃfuil fonndameint, agár ab é Día a sáor agus a cruṫaiġṫeóir.

¹¹ As tré ċreideaṁ mar an gcéudna fuáir Sára féin neart ċum síl do ġaḃáil di, agus rug sí mac tar éis í ḋul tar aóis cloinne ḃreiṫ, do ḃríġ gur ṁeas sí gur ḃfírinneaċ an tí ṫug an geallaḋ.

¹² Uime sin do gineaḋ slioċd ó áon aṁáin, agus é fós a rioċd ṁairḃ, coiṁlíonṁar ré realtuiḃ neiṁe, agus ré gaineaṁ ṫráġa na fairrge naċ féidir áireaṁ.

¹³ As do réir ċreidiṁ fuaradar so uile bás, bíoḋ naċ ḃfúaradar na neiṫe do ġeallaḋ ḋóiḃ, aċd go ḃfacadar íad a ḃfad úaṫa, agus tug ċreideaṁ agus do ṫeannadar riu íad, agus do adṁuiġeadar go raḃadar féin na ndéoraḋuiḃ agus na noilírṫeaċuiḃ ar an dtalaṁ.

¹⁴ Oír an dream a deir na neiṫese cuirid síad a gcéill go follas go ḃfuilid síad ag íarruiḋ dúiṫċe.

¹⁵ Agus dá mbeiṫ an dúiṫċe úd as a dtangadar amaċ, ar coiṁne aca, do ḃí ám aca ré filleaḋ air a nais.

¹⁶ Aċd a nois atá a ndúil a ndúiṫċe as féarr, eaḋon, sa dúiṫċe neaṁġa: úime sin ní nár lé Día ḋá dtáoḃsan, a Ndía do ġairm ḋe: oír do ullṁuiġ sé caṫair ḋóiḃ.

¹⁷ As tré ċreideaṁ, do ḟoráil Abraham Isaac, an tan do ḋearḃaḋ é: agus an tí fuáir na geallaṁnaċa do ḟoráil sé a néinġin,

¹⁸ Lé a nduḃraḋ, Is a Nísáac ġoirfiġṫear do ṡíol:

¹⁹ Ar mbreiṫnuġaḋ ḋó gur cúṁaċdaċ Día air a ṫógḃáil súas, éaḋon ó ṁarḃuiḃ; as ar ġlac sé é fós a gcosaṁlaċd.

²⁰ As tré ċreideaṁ do ḃeannuiġ Isáac Iácob agus Esáu a dtáoḃ na neiṫeann do ḃí ċum teaċda.

²¹ As tré ċreideaṁ, do ḃeannuiġ Iácob ag faġáil ḃáis dó, días mac Ioseṗ; agus do rinne sé aḋra, ós ceann a ḃata.

²² As tré ċreideaṁ, do ċuir Ióseṗ a gcoiṁne, ag faġáil ḃáis dó imṫeaċd ċloinne Isráel as a Néigipt; agus tug sé áiṫne a dtimċioll a ċnáṁ.

²³ As tré ċreideaṁ do cuireaḋ Máoise a ḃfolaċ, ré na aṫair agus ré na ṁáṫair feaḋ ṫrí míos an tan rugaḋ é, do ḃríġ go ḃfacadar gur leanaḃ áluinn é; agus ní raiḃ faitċeas roiṁ áiṫne an ríġ orrṫa.

²⁴ As tré ċreideaṁ do ḋíult Maóise, ar mbeiṫ ḋó mór, mac inġine Ṗárao do ġairm ḋe;

²⁵ Ar mbreiṫ ḋó do roġain ḃeiṫ ag fulang buáiḋearṫa a ḃfoċair ṗubail Dé, tar ḃeiṫ a sáiṁe neaṁmbúan an ṗeacuiḋ;

²⁶ Ar na ṁeas dó gur ṁó an saiḋḃreas masla Ċríosd ná ionnṁas ná Héigipte: óir do ḃí súil aige ris an lúaċ sáoṫair.

²⁷ As tré ċreideaṁ do ṫréig sé an Néigipt, gan ḟaitċeas air roiṁ ḟeirg an ríġ: óir do ḃí sé coṁláidir sin ná inntinn, ionann agus do ċífeaḋ sé an tí naċ féidir dfaicsin.

²⁸ As tré ċreideaṁ dórduiġ sé an túan casg, agus an dórtaḋ fola, deagla go mbeanfaḋ an tí do sgríos gaċ céidġin riusan.

²⁹ As tré ċreideaṁ do ċúadar trés an muir Ruáiḋ aṁuil tré ṫiormaċ: an ṁuir léur sluigeaḋ na Héigiptiġ ar dteaċd dá teasduġaḋ ḋóiḃ.

³⁰ As tré ċreideaṁ do ṫuiteadar balluiḋe Ierico, tar éis gaḃála na dtimċiol seaċd lá.

³¹ As tré ċreideaṁ nár sgriosaḋ an ṁeirrdreaċ Rahab a naóinḟeaċd ris an druing do ḃí easúṁal, ar dtaḃairt aóiḋeaċda uáiṫe don luċd braṫa go síoṫċánta.

³² Agus créd a déuruinn ní sa ṁó? óir do ḃíaḋ a naimsir ro ġearr agum ré ḃeiṫ ag cráoḃsgaóileaḋ ar Ġedéon, agus ar Ḃárac, agus ar Ṡampson, agus ar Ieṗtaé; agus ar Ḋáiḃi, agus Ṡamuel, agus ar na fáiḋiḃ:

³³ Noċ tré ċreideaṁ da ḃúaḋuiġ ríoġaċda, do oibriġ fíréuntaċd, do ġnoḋuiġ na geallaṁnaċa, do sdop beóil na leoṁan,

³⁴ Do ṁúċ neart na teineaḋ, do ċuáiḋ as ó ḟáoḃar an ċloiḋiṁ, tugaḋ ó laige go láidireaċd, do rinneaḋ neartṁar a gcaṫ, do ċuir a dteiṫeaṁ sluáiġe na neaċdrannaċ.

³⁵ Do ġlacadar na mná a mairḃ ó eiséirġe: do céusaḋ drung eile mar an gcéudna, gan suim ann a sáoraḋ aca; ċum eiséirġe buḋ féarr dfaġáil ḋóiḃ:

³⁶ Agus do dearḃaḋ drung eile ré sgige agus ré sgíursuiġiḃ, agus fós, ré géiḃeannuiḃ agus ré príosún:

³⁷ Do cloċaḋ íad, do gearraḋ ó ċéile íad, do cuireaḋ caṫuġaḋ orrṫa, do marḃaḋ ré cloiḋeaṁ íad: do ḃádar ar seaċrán a nunn sa nall a gcroicniḃ cáoraċ agus gaḃar, ar mbeiṫ ḋóiḃ a ríaċdanus, dá mbuáiḋreaḋ, agus dá gcráḋ;

³⁸ Dream nár ḃfiu an sáoġal: ag dul amúġa a ḃfásuiġiḃ, agus a sléiḃṫiḃ, agus a dtuiniġṫiḃ agus a núaṁuiḃ talṁan.

³⁹ Agus ar mbeiṫ ḋóiḃ so uile, ar na ndearḃaḋ tré ċreideaṁ, ni rugadar air an geallaṁuin:

⁴⁰ Ar mbeiṫ do Ḋía ag soláṫar ḋuinne an neiṫe as féarr, ċum gan íadsan do ḃeiṫ iomlán ar ḃféugṁuisne.