Leḃiticus 18 - An Bíobla Naoṁṫa 1817 (Bedell)

Caibidil 18 Céimeaḋ na ngáol-fogus, do ḃacfas pósaḋ. 19 Na mianġusa míċneasda.

¹ Agus do laḃair an TIĠEARNA ré Maóise, dá ráḋ,

² Laḃair re cloinn Israel, agus abair riú, Is misi an TIĠEARNA ḃur Ndía.

³ Ní ḋéantáoi do réir gníoṁarṫa ċriċe na Hégipte, mar ar áitiġeaḃair: agus do réir oibreaċ ṫíre Cánaain, iona ḃfuilim ḋá ḃur ttaḃairt, ní ḋéantáoisi: ní mó imeoċṫáoi lé na nórduiġṫiḃ.

⁴ Do ḋéantáoi mó ḃreiṫeaṁnuisi agus coiṁéadfuiḋe morduiġṫe, ag síuḃal ionta: is misi an TIĠEARNA ḃur Ndía.

⁵ Coiṁéadfuiḋe ar a naḋḃarsin mo statúidiġ, agus mo ḃreiṫeaṁnuis: noċ má ní duine, mairfiḋ sé ionnta: misi an TIĠEARNA.

⁶ ¶ Ní ṫiucfa éanduine aguiḃ a ngar áoin dá mbía ngáol ḟogus dáoiḃ, ċum a ttárnoċd dfoillsiuġaḋ: mísi an TIĠEARNA.

⁷ Tarrnoċd haṫar, nó tárrnoċd do ṁaṫar, ní léigfe tú leis: is í do ṁaṫair í; ní léigfe tú a tárrnoċd leis.

⁸ Ní léigfe tú tárrnoċd ṁná háṫar leis: is í sin tárrnoċd haṫar.

⁹ Tárrnoċd do ḋeirḃṡeaṫraċ, inġean haṫar, nó inġean do ṁaṫar, más annsa tiġ béarṫar í, nó a muiġ, ní léigfe tusa ċeana a ttárrnoċd ris.

¹⁰ Tárrnoċd inġine do ṁic, nó inġine hinġine, a ttárrnoċd sin umurro ní léigfe tú ris: oir is í do ṫárrnoċdsa a ttárrnoċdsan.

¹¹ Tárrnoċd inġine ṁná haṫar, do gineaḋ ód aṫair, is í do deirḃṡíur í, ní léigfe tu leis a tárrnoċd.

¹² Ní léigfe tú tárrnoċd ḋeirḃṡeaṫ raċ haṫar ris: is í bean ḟogus ġáoil haṫar.

¹³ Ní léigfe tú náire ḋeirḃṡeaṫraċ do ṁaṫair leis: óir is í bean ḟogus ġáoil do ṁaṫar í.

¹⁴ Ní léigfe tú tárrnoċd ḋearḃráṫar haṫar leis, ní raċa tú a ngar a ṁná: óir is í bean dearḃráṫar haṫar í.

¹⁵ Ní léigfe tú tárrnoċd do ḃainċleaṁna leis: is í bean do ṁic í; ní leigfe tú a tárrnoċd leis.

¹⁶ Ní léigfe tú tárrnoċd ṁná do ḋearḃraṫar leis: is í sin tárrnoċd do ḋéarḃraṫar.

¹⁷ Ní léigfe tú tárrnoċd mna agus a hinġine leis, agus ní ṫiuḃra tú inġean a mic, nó inġean a hinġine, ċum a ttárnoċd dfoílsíuġaḋ; óir is íad a mná foigse gáoil sin íad, is coir é.

¹⁸ Ni mó ḃéurus tú bean a gcionn a deirḃṡeaṫar, dá buáireaḋ, ċum a tárrnoċd dfoilsiuġaḋ, táoḃ a muiġ don ṁnáoi eile, ar feaḋ a beaṫa.

¹⁹ Mar an gcéadna ní raċa tú a ngar ṁná do ċoiṁríaċduin ría, an feaḋ ḃías ar na cur ar leiṫ ar son a neaṁġloinne.

²⁰ Tuilleaṁ eile, ní luiġfe tú go colluiḋe lé mnáoi do ċoṁarsan, dot ṫruáilleaḋ féin lé.

²¹ Agus ní léigfe tú déanduine dot ṡlioċd dul ṫríd an teiniḋ go Móleċ, ní mó ḋísbeagfas tú ainm don Ḋé: misi an TIĠEARNA.

²² Ní luiġfe tú le cinéul fearḋa, mar an gcinéul mbanda: is gráineaṁlaċd é.

²³ Ní mó luiġfeas tú le beaṫtaċ ar biṫ dot ṫruáilleaḋ féin leó: ni mó ḟanfas bean ag beaṫaċ ar biṫ do luiḋe lé: ís damnaḋ é.

²⁴ Ná truáilliḋ siḃ féin a neinní do na neiṫiḃsi óir is ionta so uile do truáilleaḋ ná dáoine do ṫeilg mé amaċ roṁuiḃ.

²⁵ Agus ata an talaṁ truáilliḋṫe: uime sin agruimsi a ċoir féin air, agus atá an talaṁ féin a sceiṫ a ḋúṫċusuiḋ ḋe.

²⁶ Coiṁeódtáoi ar a naḋḃarsin mo statúidiġ agus mó ḃreiṫeaṁnuis, agus ní ḋéantáoi éinní do an néiṫiḃ graineamlasa; ceaċtar duine dá ḃur ttír féin, nó an coiṁiḋṫeaċ ċoṁnuiġeas ḃur measc:

²⁷ (Oír do rinneadar muinntir na tíre an ġráineaṁlaċdsa uile, noċ do ḃí roṁuiḃsi, agus atá an talaṁ truáilliġṫe;)

²⁸ Cor naċ sceiṫfiḋ an talaṁ siḃsi amaċ mar an gcéadna, a nuair ṫruiaillfiḋ siḃ é, mar do sceiṫ na cineaḋaċa do ḃí roṁuiḃ ann.

²⁹ Oír giḋ bé ar biṫ ḋéanas éainní do naḋúaṫṁuireaċdso, eaḋon na hanmanna do ní íad gearrfuiġear amaċ ó na muinntir íad.

³⁰ Ar a naḋḃarsin coiṁéadfuiḋe morduiġese, cor naċ déantáoi éainní do na gnáṫuiġṫiḃ gráineaṁlasa, do rinneaḋ roṁuiḃ, agus naċ dtruáillṫí siḃ féin ionta: misi an TIĠEARNA ḃur Ndía.