Leḃiticus 15 - An Bíobla Naoṁṫa 1817 (Bedell)

Caibidil 15 Creaċd silt na mfear. 13 Agus an glanaḋ. 19 Silt na mban. 28 Agus a nglanaḋ.

¹ Agus do laḃair an TIĠEARNA re Maóise agus ré Haáron, gá ráḋ,

² Laḃair ré cloinn Israel, agus abair ríu, A nuáir ḃías creáċd ar silt ar aonduine as a ḟeóil, do ḃríġ créaċd a ṡilte atá se neaṁġlan.

³ Agus buḋ é so a neaṁġloine iona ċreaċd: má riṫionn a ḟeóil léis an ccréaċt, no má ḟanann a ḟeóil óna ċreaċd, is é a neaṁġloine é.

⁴ Agus gaċ uile leaba ar a luiġfiḋ sesion ar a ḃfuil an tsilt, atá neaṁġlan: agus gaċ ní ar a suiḋfe sé, biáiḋ neaṁġlan.

⁵ Agus gioḋ bé ar biṫ ḃeánfus ré na leabuiḋ niġfiḋ a éadaċ, agus fóṫruicfiḋ é feín a nuisce, agus biáiḋ neaṁġlan go nóin.

⁶ Agus gioḋ bé ar biṫ ṡuiḋfeas ar an áit ar ṡuiġ an té ar aḃfuil an ċréaċd niġfiḋ a éadaċ, agus foṫruicfiḋ é féin a nuisce, agus biáiḋ neaṁġlan go nóin.

⁷ Agus an té ḃeanas re feóil an té ar a ḃfuil an ċréaċt niġfiḋ a éadaċ, agus foṫruicfiḋ é féin a nuisce, agus biáiḋ neaṁġlan go nóin.

⁸ Agus ma ċuirionn an té ar a ḃfuíl an ċréaċt a ṡilt ar an tí ḃíos glan; annsin niġfiḋ an té sin a éadaċ, agus foṫruicfiḋ é féin a nuisce, agus biáiḋ neaṁġlan go nóin.

⁹ Agus gioḋ bé ar biṫ díalláoid iona suiḋfe sesion ar a mbía an ċréaċt biaiḋ neaṁġlan.

¹⁰ Agus gioḋ bé ar biṫ ḃeanas ré háoinní dá mbía faói biáiḋ neaṁġlan go nóin: agus gioḋ bé ar biṫ iomċras éinní ḋíoḃ sin niġfiḋ a éadaċ, agus foṫruicfiḋ é féin a nuisce, agus biáiḋ neaṁġlan go nóin.

¹¹ Agus gíoḋ bé ar biṫ re mbeanfa an té ar a mbía an ċréaċt, agus nar ṁeasc a láṁa a nuisce, niġfiḋ sé a éadaċ, agus foṫruicfiḋ sé é féin a nuisce, agus biaiḋ neaṁġlan go nóin.

¹² Agus an soiṫeaċ críaḋ, ré mbeanfa an té ar a ḃfuil an ċréaċd, brisfíġear é: agus meascfuiġear gaċ uile ṡoiṫeaċ croinn a nuisce.

¹³ Agus a nuáir ġlantar an tí ar a mbía an tsilt óna ċréaċt; ann sin áireoṁuiġ sé ḋó féin seaċt lá ċum a ġlanta, agus niġfiḋ a éadaċ, agus ḟoṫruicfiḋ a ḟeóil a nuisce riṫe, agus biáiḋ glan.

¹⁴ Agus ar a noċdṁaḋ lá glacfuiḋ ċuige ḋá éun turtuire, nó ḋá ċolum óga, agus tiucfa a laṫair an TIĠEARNA go dorus ṫabernacuil an ċoṁċruínniġṫe, agus do ḃéura don tsagart íad:

¹⁵ Agus ofráilfiḋ an sagart íad, áon aca ar son ofrála peacaiḋ, agus an dará héun ar son ofrála loiscṫe; agus do ḋéana an sagart síṫ ar son a ṡilte a laṫair an TIĠEARNA.

¹⁶ Agus ma imṫiġeana a ṡíol coiṁriaċtanuis ó éanduine, annsin niġfiḋ a ḟeóil uile a nuisce, agus biáiḋ neaṁġlan go nóin.

¹⁷ Agus gaċ uile éadaċ, agus gaċ uile ċroicionn ar a mbía síol an ċoiṁriaċdanuis, niġfiġear lé huisce é, agus biáiḋ neaṁġlán go nóin.

¹⁸ An ḃean mar an gcéadna lé luiḋfe fear maille re síol an ċoiṁríaċdanuis, foṫruicfiḋ íad a ráon a nuisce, agus béid neaṁġlan go nóin.

¹⁹ ¶ Agus má ḃíon silt ar ṁnáoi, agus go mbía a silt iona feóil na fuil, cuirfiġear ar leiṫ seaċt lá í: agus gioḋ bé ar bíṫ ḃeanas ría biáiḋ neaṁġlan go nóin.

²⁰ Agus gaċ uile ní iona luiḋfíḋ sí iona leiṫreaċus biáiḋ neaṁġlan: gaċ einni mar an gcéadna ar a suiḋfiḋ sí biáiḋ neaṁġlan.

²¹ Agus gioḋ bé ar biṫ ḃeanas ré na leabuiḋ niġfiḋ sé a éadaċ, agus foṫruicfiḋ é féin a nuisce, agus biáiḋ neaṁġlan go nóin.

²² Agus giḋ be ar biṫ ḃeanas ré héainni air ar ṡuíḋ sí, niġfiḋ sé a éadaċ, agus foṫruicfiḋ sé é féin a nuisce, agus biaiḋ neaṁġlan go nóin.

²³ Agus mas ar a leabuiḋ, nó ar éainni air ar ṡuiḋ sí, a nuáir ḃeanfas sé ris, biáiḋ neaṁġlan go nóin.

²⁴ Agus má luiġíonn duine ar biṫ aice ar éanċor, agus a fuíl ṁíos ḃeiṫ air, biáiḋ sé neaṁġlan seaċd lá; agus biáiḋ an leaba uile ar a luiḋfiḋ sé neaṁġlan.

²⁵ Agus má ḃíonn silt ḟola ar ṁnáoi mórán do láeṫiḃ ós aimsir a leiṫreaċuis, no má riṫionn tar aimsir a leaṫreaċuis; láeṫe silte a neaṁġlaine béid uile mar láeṫe a leiṫreaċuis: biáiḋ sí neaṁġlan.

²⁶ Gaċ uile leaba ar a luiḋfiḋ sí feaḋ láeṫeaḋ a silte biáiḋ sí mar leabuiġ a leiṫreaċus: giḋ bé ar biṫ ní ar a suiḋfiḋ sí fós biáiḋ neaṁġlan, mar neaṁġloine a leiṫreaċuis.

²⁷ Agus giḋ bé ar biṫ ḃeanas ris na neiṫiḃ sin biáiḋ neaṁġlan, agus niġfiḋ a éadaċ, agus foṫruicfiḋ é féin a nuisce, agus biáiḋ neaṁġlan go nóin.

²⁸ Agus má ġlantar í óna silt, annsin aireoṁuid ḋi fein seaċd lá, agus na ḋiaiġ sin biáiḋ si glan,

²⁹ Agus ar a noċdṁaḋ lá géaḃuiḋ sí ċuicṫe ḋá ṫurtuire, nó ḋá ċolum óga, agus béura ċum an tsagaírt íad, go dorus ṫabernacuil an ċoṁċruinniġṫe.

³⁰ Agus ofráilfiḋ an sagart áon aca mar ofráil ṗeacaiḋ, agus an dara mar ofráil loiscṫe; agus do ḋéana an sagart síṫ ar a son a láṫair an TIĠEARNA ar son silte a neaṁġloine.

³¹ Mar so ḋeileóċuid clann Israel ré na neaṁġloine; ionnus naċ ḃfaġaid bás iona neaṁġloine, a nuáir ṫruáillid mo ṫabernacuilsi atá na measc.

³² Is é so ḋġeaḋ an té ar a mbí silt, agus an té a raċuiḋ a ṡíol uaḋa, agus a saileoċṫar leis sin é;

³³ Agus an ḃean ḃías tinn ó na bláṫ, agus an tí ar a mbía créaċd ṡilteaċ, an ḟir, agus na mná, agus an té luiḋeas lé noċ atá neaṁġlan.