Leḃiticus 12 - An Bíobla Naoṁṫa 1817 (Bedell)

Caibidil 12 Glanta na mban tar eís tuismeaḋ.

¹ Agus do laḃair an TIĠEARNA re Maoise, ḋá ráḋ,

² Laḃair ré cloinn Israel, ga ráḋ, Má ġaḃ bean síol, agus go mbéara mac: ann sin biáiḋ sí neaṁġlan seaċd lá; do reír láéṫeaḋ dealuiġṫe a laige ria biáiḋ sí neaṁġlan.

³ Agus annsa noċṁaḋ lá timċillġearrfuiġear feóil a réaṁċroicinn.

⁴ Agus fanfa sí ann sin a ḃfuil a hannaicṫe trí lá agus trioċad; ní ḃeánfa sí re héainní naoṁṫa, agus ni ṫiucfa don tsanctóír, nó go ccoiṁlíontar láeṫe a hainnaicṫe.

⁵ Aċ mas leanḃ mná ḃéurus sí, biáiḋ sí neaṁġlan caoiciḋis, aṁuil iona dealuġaḋ: agus fanfuiḋ a ḃfuil a hannaicṫe sé lá agus trí fiṫċid.

⁶ Agus a nuáir ċoiṁlíontar láeṫe a glanta, ar son mic, nó inġine, do ḃéura sí úan don ċéidḃliaḋuin, agus colum óg no éun turtuir, mar ofráil ṗeacaiḋ, go dorus ṫabernacuil an ċoṁċruinniġ, ċum an tsagairt.

⁷ Noċ ofráilfios é a laṫair an TIĠEARNA, agus do ḋéana síṫ ar a sonsa; agus biáiḋ sí glan ó riṫ a fola. Sé so is dliġeaḋ do ṁnaói ḃéuras mac nó inġean.

⁸ Agus múna ḟéadfa sí úan do ṫaḃairt, ansin do ḃéara ḋá ṫurtuir, no ḋá ċolum óga; áon díoḃ mar ofráil loiscṫe, agus an dara mar ofráil ṗeacaiḋ: agus do ḋéana an sagart síṫ ar a son, agus biáiḋ sí glan.