Leaḃar Rut 2 - An Bíobla Naoṁṫa 1817 (Bedell)

Caibidil II. Rút ag Dioġluim na ndéasa arḃa a maċaire Ḃóas, ata so ag inniseaḋ ge ṫaínig ḋe.

¹ Agus do ḃi fear gaóil ag Naomi a ttaoḃ a fir, duine cuṁaċdaċ a saiḋḃrios, do ṡlioċd Elimeleċ; agus a sé dob ainm ḋó Boas.

² Agus a duḃairt Rút an Moabíteaċ re Naomi, Léig ḋaṁsa a nois dul fan maċaire, ċum déasa arḃa do ḋioġluim a ndiáiġ an té a ḃfaġa mé grása iona raḋarc. Agus a duḃairt sisi ría, Imṫiġ a inġean.

³ Agus do imṫiġ sisi, agus ṫáinic sí, agus do ḃí ag díoġluim déus a ndiaiġ na mbuainaiġ annsa ṁaċaire: agus tárla a ndán di teagṁáil ar an gcuid dón ṁaċaire noċ fa le Boas, noċ do ḃí do ṡlioċd Elimeleċ.

⁴ ¶ Agus, féaċ, ṫáinig Boas ó Ḃetlehem, agus a duḃairt ris na buanuiġiḃ, Go raiḃ an TIĠEARNA maille riḃ. Agus do ḟreagradarsan é, go mbeanuiġ an TIĠEARNA ṫusa:

⁵ Ann sin a duḃairt Boas re na ṡearḃḟoġantuiġ do ḟuiriġ ós cionn na meiṫle. Cía ar leis an cailínsi?

⁶ Agus do ḟreagair an searḃḟoġantuiġ do cuireaḋ ós cionn na meiṫle, agus a duḃairt, Ag so an cailín Ṁóabiteaċ ṫáinic ar a haís as tír Ṁóab lé Naomi;

⁷ Agus a duḃairt sí, Guiḋim ṫú, léig ḋaṁ déasa do ḋioġluim agus do ṫionól a ndiaiġ na meiṫle a measc na bpunann: mar sin do ṫáinic sí, agus dfan ó ṁaidin gus a nois, aċd gur ḟan sí tamall beag annsa tiġ.

⁸ Ann sin a duḃairt Boas re Rút, Naċ ccluin tú, á inġean? Ná héiríġ do ḋioġluim aír áon ṁaċaire oile, agus ná fág so, aċd fan ann so go daingion a naice mo ċailíneaḋsa:

⁹ Bídis do ṡúile ar an ṁaċaire a mbéid síad ag buáin, agus lean íad: naċ ar ḟúagair misi do na hogánuiḃ gan buáin ríot? agus a nuáir ḃías tart ort, imṫiġ ċum na soiṫeaċ, agus iḃ deoċ as an ní do ṫairngiodar na hóganuiġ.

¹⁰ Ann sin do ṫuit sisi air a haġaiḋ agus do uṁluiġ sí í féin gus an ttalaṁ, agus a duḃairt ris, Cred fá ḃfuáir misi grása ann do raḋarc, as a mbéarṫá aiṫne orum, agus mé am ċoiṁiṫeaċ?

¹¹ Agus do ḟreagair Boas, agus a duḃairt ría, Do taisbeanaḋ ḋáṁsa go hiomlán, a nuile ní dá ndéarna tú dot ḃainċliaṁuin ó fuáir ṫfear bás: agus mar dfág tú haṫair agus do ṁaṫair, agus an tír ann ar rugaḋ ṫú, agus mar ṫáinic tú a ccionn daoine nar ḃaiṫniḋ ḋuit roiṁe so.

¹² Go ccúitiġ an TIĠEARNA do ṡaoṫar riot, agus go ḃaġa tú luaiḋeaċd iomlán ón TIĠEARNA Día Israel, a ttáinic tú fa na sciaṫánuiḃ, do ċur dóṫċuis ann.

¹³ Ann sin a duḃairt sí, Faġaim faḃar ad laṫair, á ṫiġearna; do ċionn go ttúg tú sólás daṁ, agus gur laḃair tú go muinntearḋa red ṡeirḃiseaċ, matá naċ ḃfuilim cosṁuil re haon dot ċailiniḃ féin.

¹⁴ Agus a duḃairt Boas ría, Tárr annso a naimsir bíḋ, agus iṫ don narán, agus tum do ġreim annsa ḃfinéagra. Agus do ṡuiġ sí láiṁ ris na buainaiġiḃ: agus do ṡeaċuid sesion grán doíte ḋi, agus duaiḋ sí, go raiḃ sí saiṫeaċ, agus gur ḟág sí fuiġioll.

¹⁵ Agus a nuáir do eíriġ sí suás do ḋioġluim, do áiṫin Boas dá óganaċuiḃ, ga raḋ, Ná bacaiḋ ḋi ḋioġluim do ḋéanaṁ a measc na bpunnann, agus ná cuiriḋ naíre uirre.

¹⁶ Agus léigiḋ tuitim do ċuid do na dórnanuiḃ ar lár déantoisg roimpe, agus fágḃuiḋ iad, go ndioġluimiḋsi iad, agus na haiṫisiġiḋ í.

¹⁷ Marsin do rinne sí dioġluim annsa ṁaċaire go tráṫnona, agus do lom sí ar ḋioġluim sí: agus do ḃí sé timċioll eṗah eórna.

¹⁸ ¶ Agus do ṫóg sí ar a muin é, agus do ċúaiḋ don ċaṫruiġ: agus ar ḃfaícsin dá maṫairċliaṁuin ar ḋioġluim sí: agus gur ṫarruing sí amaċ, agus go ttug ḋi ar ṫaisgiḋ sí déis ḃeiṫ sáiṫeaċ.

¹⁹ Agus a duḃairt a maṫairċlíaṁuin riá, Cáit a ndéarna tú dioġlum a niuġ? agus cáit ár ṡáorṫaiġ tú? go maḋ beannuiġ an té do ċuir aiṫne ort. Agus dinnis sisi dá maṫairċlíaṁuin cía a ḃfoċair ar ḋioġluim sí sin, agus a duḃairt sí, A sé ainm an té a ḃfoċair ar ṡáorṫuiġ mé a niuġ, Boas.

²⁰ Agus a duḃairt Naomi ré na bainċliaṁuin, Go maḋ beannuiġ eision ón TTIĠEARNA, noċ nar ḋearmuid a ċinéul don ḃeó agus don ṁarḃ. Agus a duḃairt Naomi ría, Atá an te sin fogus a ngáol dúinn, áon do na dáoiniḃ gáoil is foigsi ḋúinn.

²¹ Agus a duḃairt Rút an Moabíteaċ, A duḃairt sé fós riom, caiṫfiḋ tú ḃeiṫ go daingion láiṁ rem ógánaċaiḃ, nó go ccríoċnuiġid síad mfoġṁar uile.

²² Agus a duḃairt Naomi re na bainċliaṁuin Rút, Is maiṫ, do ḋéana tusa a inġion, dul amaċ lena ċailíniḃsion, ċor naċ tteagṁaid riot a néanṁaċaire oile.

²³ Marsin dfan sí go cinnte a ḃfoċair ċailíneaḋ Ḃoas do ḋioġlum go deireaḋ foġṁair na heórna agus ḟoġṁair na cruiṫneaċda; agus do rinne sí coṁnuiġe a ḃfoċair a maṫairċleaṁna.