I Samuel 28 - An Bíobla Naoṁṫa 1817 (Bedell)

Caibidil XXVIII. Do ċuaiḋ Saul (anois a neudóċais) 5 a cceann ċoṁairle do ġaḃail ó ṁnáoi ag a raiḃ leannán síṫe.

¹ Agus tárla an sna láeṫiḃsin, gur ċruinuiġ na Ṗilistíniġ a slóiġṫe a gcionn a ċeile ċum cogaiḋ, agus do ṫroid re Hisrael. Agus a duḃairt Aċis re Dáiḃi, Bíoḋ a ḟíos agad go deiṁin, go raċa tú amaċ liomsa ċum caṫa, ṫú féin agus do ṁuinntir.

² Agus a duḃairt Dáiḃi re Aċis, Go deiṁin biáiḋ a ḟios agadsa cred ḟéadfas do ṡerḃíseaċ do ḋéanaṁ. Agus a duḃairt Aċis re Dáiḃi, Uime sin do ḋéana mé coiṁéaduiġe mo ċinn díot go bráṫ.

³ ¶ Anoís déug Samuel, agus do ċaóineadar Israel uile é, agus do aḋlaiceadar é a Rámah, eaḋon iona ċaṫruiġ féin. Agus do ċuír Saul ar síuḃal an drong agá mbídís leannáin síṫ, agus luċd na bpiséog as an ttír amaċ.

⁴ ¶ Agus do ċruinniġeadar na Ṗilistiniġ íad féin a néanáit, agus ṫangadar agus do ṡuiġeadar a Sunem: agus do ċruinniġ Saul Israel uile, agus do rinneadar foslungṗort a Ngilboa.

⁵ Agus a nuáir do ċonnairc Saul slúaġ na Ḃṗilistineaċ, do ḃí eagla air, agus do ċrioṫnuiġ a ċroiḋe go mór.

⁶ Agus a núair do ḟíafruiġ Saul scéula don TIĠEARNA, níor ḟreagair an TIĠEARNA é, a mbrionglóidiġ, nó le Urim, nó le fáiġiḃ.

⁷ ¶ Ann sin a duḃairt Saul re na ṁuinntir, Faġaiḋ ḋaṁ bean agá ḃfuil leannán síṫe, go ndeaċaḋ mé na ceann, dfaġáil coṁairle uaiṫe. Agus a duḃairt a ṡearḃḟoġantuiġe ris, Féuċ, atá bean agá ḃfuil leannán síṫe ann Endor.

⁸ Agus do ċuir Saul é féin a naiṁrioċd, agus do ċuir culaiḋ oile air, agus dimṫiġ, agus días fear leis, agus tangadar ċum na mná an sa noiḋċe: agus a duḃairt sé ría, Guiḋim ṫú, déana fáistine ḋaṁsa leis an leannán síṫe, agus tóg ḋaṁ súas an té, ainmneoċus mé ḋuit.

⁹ Agus a duḃairt an ḃean ris, Féuċ, is aiṫne ḋuit cred do rinne Saul, mar do scrios sé an luċd agá raḃadar leannáin síṫe, agus na draoiṫe, amaċ as an gcríċ: uimesin cred fá ḃfuil tusa ag cur lín ar manumsa, agus do ċur dfíaċaiḃ orum bás do ṫuillioṁ?

¹⁰ Agus do ṁionnuiġ Saul ḋi treas an TIĠEARNA, ag ráḋ, Mar ṁairios an TIĠEARNA, ní ṫeigeoṁuiḋ pionús ar biṫ ḋuit ar son na cúisise.

¹¹ Ann sin a duḃairt an ḃean, Cía ġoirfeas mé ċugad? Agus a duḃairt seision, Goír ċugam Samuel.

¹² Agus a núair do ċonnairc an ḃean Samuel, do ġoir sí na coṁairc go hárd: agus do laḃair an ḃean ré Saul, ḋa raḋ, Cred fár ṁeall tú mé? óir is tú Saul.

¹³ Agus a duḃairt an ríġ ría, Ná bíoḋ eagla ort: óir cred do ċonnairc tú? Agus a duḃairt an ḃean re Saul, Do ċonnairc mé dée ag éirġe a níos as an ttalaṁ.

¹⁴ Agus a duḃairt seision ría; Cred is foirm ḋó? Agus a duḃairt sisi, Atá seanduine ag teaċd a níos; agus falluing uime. Agus do aiṫin Saul gur bé Samuel é, agus do ċrom sé le na aġaiḋ ċum na talṁan, agus do ċláon é féin.

¹⁵ ¶ Agus a duḃairt Samuel re Saul, Cred far ḃúaiḋir tú mé, dom ġairm a níos? Agus do ḟreagair Saul, Atáim ro ḃuáiḋearṫa; óir atáid na Ṗilistiniġ ag déanaṁ cogaḋ am aġaiḋ, agus do ḋealuiġ Día riom, agus ní ḟreagrann sé mé níos mó, lé fáíġiḃ, nó le fisiḃ: uime sin do ġoir mé ortsa, go nínnéostá ḋaṁ cred ḋéanas mé.

¹⁶ Ann sin a duḃairt Samuel, Cred fá ḃfíafruiġeann tú ḋíomsa, ó ḋealuiġ an TIĠEARNA riot, agus go ḃfuil sé na naṁuid agad?

¹⁷ Agus do rinne an TIĠEARNA ḋó, mar do laḃair sé ṫríomsa: óir do ḟúaduiġ an TIĠEARNA an rioġaċd as do láiṁ sé, agus ṫug sé dot ċoṁarsainn do Ḋáiḃi í:

¹⁸ Do ḃríġ nar uṁluiġ tusa do ġuṫ an TIĠEARNA, agus naċ ar ḋioġail tú á ḟearg ḋíḃḟeirgeaċ ar Amalec, uimesin do rinne an TIĠEARNA an ní si riotsa a niuġ.

¹⁹ Os a ċionn sin do ḃéara an TIĠEARNA Israel maille leaċdsa a láṁuiḃ na Ḃṗilistineaċ: agus beiḋ tusa agus do ċlann mac amḟoċairse a maraċ: agus fós toirḃeriġ an TIĠEARNA sloġ Israel a laṁ na Ḃṗilistineaċ.

²⁰ Ann sin do ṫuit Saul ar báll sínnte ar fad na talṁan, agus do ġaḃ eaglá ro ṁór é, do ḃríġ ḃríaṫra Ṡamuel: agus ní raiḃ neart ar biṫ ann; óir níor iṫ sé arán ar feaḋ an laóí, nó ar feaḋ na hoiḋċe.

²¹ ¶ Agus ṫáinic an ḃean ċum Sauil, agus do ċonnairc go raiḃ sé lán do ḃuáiḋreaḋ, agus a duḃairt sí ris, Féuċ, do uṁluiġ do ḃanóglaċ dot ġlór, agus do ċuir mé manum am láiṁ, agus déist mé red ḃríaṫraiḃ noċ do laḃair tú riom.

²² Anois ar a naḋḃarsin, guiḋim ṫú, éistsí mar an gcéadna ré glór do ḃánógluiċ, agus léig ḋaṁsa greim aráin do ċur ad ḟiaḋnuisi; agus iṫ é, ċor go mbía neart ionnad, a núair ḃías tú ag imṫeaċd ann do ṡliġe.

²³ Aċt do ḋiúlt seision, agus a duḃairt, Ni íosad. Aċd do ṡáruiġeadar, a ṡearḃḟoġantuiġiḋ, maille ris an mnáoi é; iondus gur áontuiġ sé dá nglór. Annsin déiriġ sé don taluṁ, agus do ṡuiġ sé ar an leabuiḋ.

²⁴ Agus do ḃí láoġ raṁar ag an mnáoi san tiġ; agus do ḋeiṫfriġ sí, agus do ṁarḃ sí e, agus do ġlac plúr, agus dfuin, agus do rinne arán sleaṁuin de:

²⁵ Agus ṫug sí lé agus do ċuir a ḃfiaġnuisi Ṡauil é, agus a ḃfiaḋnuisi a ṁuinntire; agus duádar bíaḋ. Ann sin déirġeadar súas, agus dimṫiġeadar rompa a noiḋċe sin.