I Rioġ 17 - An Bíobla Naoṁṫa 1817 (Bedell)

Caibidil XVII. Do ḋruid Eliiah na speúra súas trí bliaḋna. 8 Do íoc Día pailteas a néaraic longaḋ ríḋ.

¹ Agus a duḃairt Elias an Tisbiteaċ, noċ do ḃí dáitreaḃaiḋ Gílead, ré Hahab, Mar ṁairios an TIĠEARNA Día Israel, a laṫair a ṡeasuimse, ní ḃiáiḋ drúċd nó fearṫuinn annsna blíaḋnuiḃsi, aċd do reír mfocuilsi.

² Agus ṫáinic bríaṫar an TIĠEARNA ċuige, ġa ráḋ,

³ Imṫiġ roṁad as so, agus éiriġ don leaṫ ṡoir, agus foluiġ ṫú féin ag an naḃuinn Ċerit, atá as coinne Iordan.

⁴ Agus Iseaḋ ḃías, go nioḃa tú as an naḃuinn; agus do aiṫin misi do na fíaċaiḃ do ḃeaṫuġaḋ annsin.

⁵ Már sin dimṫiġ sé agus do rinne do réir ḃréiṫre an TIĠEARNA: óir dimṫiġ sé agus do rinne coṁnuiġ ag an naḃuinn Ċerit, atá as coinne Iordan.

⁶ Agus tugadar na fíaiċ arán agus feóil ċuige ar maidin, agus arán agus feóil tráṫnóna; agus do iḃ sé as an naḃuinn.

⁷ Agus tárla tar eís tamuill, gur ṫiormuiġ an naḃann uile, do ċionn naċ raiḃ fearṫuinn san tír.

⁸ ¶ Agus ṫáinic briaṫar an TIĠEARNA ċuige, ḋa ráḋ,

⁹ Eiriġ, imṫiġ roṁad go Sareṗat, noċ is le Sidon, agus déan coṁnuiġ annsin: féuċ, do aiṫin misi do ḃaintreaḃuiġ annsin do ċongṁáil súas.

¹⁰ Marsin déiriġ sé, agus do ċuáiḋ go Sareṗat. Agus a nuáir ṫaínic sé go geata na caiṫreaċ, féuċ, do ḃí an ḃaintreaḃaċ annsin ag cruinniuġaḋ maideaḋa: agus do ġoir seision í, agus a duḃairt ría, Guiḋim ṫú, taḃair ċugam, beagán uisge a soiṫeaċ, go niḃe mé.

¹¹ Agus mar do ḃí sí ag dul ar a ċionn, do ġoir sé uirre, agus a duḃairt, Ġuiḋim ṫú, taḃair leaċd, greim aráin ann do láiṁ.

¹² Agus a duḃairt sisi, Mar ṁairios do ṪIĠEARNA Día, ní ḃfuil éanḃairġin agum, aċd lán baise do ṁin a mbairille, agus beagán ola a gcrúisgín: agus, feúċ, atáim ag cruinniuġaḋ maide nó ḋó, le ndeiseoċuinn sin ḋaṁ féin agus dom ṁac, go niṫmis é, agus go ḃfaġamáois bás.

¹³ Agus a duḃairt Elias ría, Ná bíoḋ eagla ort; imṫiġ agus déana mar a duḃairt tú: aċd déana ḋaṁsa bairġin ḃeag ḋe sin ar ttús, agus taḃair ċugam í, agus na ḋiáiġ sin deasuiġ ḋuit féin agus dot ṁac.

¹⁴ Oír marso a deir an TIĠEARNA Día Israel, Ní caiṫfiġear bairille na mine, agus ní ṫeisdeoċuiḋ do ċrúisgín na hola, go ttí an lá fá ccuirfiḋ an TIĠEARNA fearṫuinn ar an ttaluṁ.

¹⁵ Agus dimṫiġ sisi agus do rinne sí do reír mar a duḃairt Elias: agus a duáiġ sí fein, agus eision, agus a tiġ ar feaḋ blíaḋna go hiomlán.

¹⁶ Agus níor caiṫeaṁ bairille na mine, agus ní mó do ṫeasduiġ do ċrúisgín na hola, do réir ḟocail an TIĠEARNA, noċ do laḃair sé tre Elias.

¹⁷ ¶ Agus tárla tar éis na neiṫeanso, gur ġlac teinnios mac ṁná an tiġe; agus do ḃí a ṫeinnios coṁborb agus sin, naċ ar fágḃaḋ anál ann.

¹⁸ Agus a duḃairt sisi ré Hélias, Cred é ḋaṁsa riotsa, a óglaiċ Dé? an ttáinic tú ċugam do ġairm mo ṗeacaḋ ċum mo ċuiṁne, agus do ṁarḃaḋ mo ṁic?

¹⁹ Agus a duḃairt seision ría, Taḃair ḋaṁsa do ṁac. Agus do ġlac sé as a brollaċ é, agus rug se súas ar lota é, mar a mbíoḋ sé féin, agus do ċuir na luiġe ar a leabaiḋ féin é.

²⁰ Agus do ġoir sé ar an TTIĠEARNA, agus a duḃairt, A ṪIĠEARNA mo Ḋía, an ttug tú olc fós ar an mbaintreaḃuiġ a ḃfoċair a ḃfuilim ar cúairt, ag marḃaḋ a mic?

²¹ Agus do ṡín sé é féin ar an leanaṁ trí huáire, agus do éiġ sé ċum an TIĠEARNA, agus a duḃairt, A ṪIĠEARNA mo Ḋía, guiḋim ṫú, filleaḋ anum an leiniṁ ann a rís.

²² Agus do ċúalaiḋ an TIĠEARNA guṫ Elias; agus ṫáinic anum an leiniṁ ann a rís, agus do aiṫḃéoġuiḋ sé.

²³ Agus do ṫóg Elias an leanaṁ, agus rug síos as a tséomra é don tiġ, agus ṫug ḋa ṁaṫair é: agus a dubairt Elias, Féuċ, atá do ṁac béo.

²⁴ Agus a duḃairt an ḃean re Helias, Anois aiṫniġim ar so gur tusa óglaċ Dé, agus gur fíor briaṫar Dé ann do ḃéul.