I Rioġ 15 - An Bíobla Naoṁṫa 1817 (Bedell)

Caibidil XV. Olcas Abiiam. 9 Feaḃas Asa rí Iúdah. 27 Do scríos Baasa rí Israel tiġ Ieroboam.

¹ Anois ann sa noċdṁaḋ blíaḋain déug do ríġ Ieroboam ṁac Nébat do ríoġaiḋ Abiiam ós cionn Iúdah.

² Trí blíaḋna do ḃí sé na ríġ ann Ierusalem. Agus do bé ainm a ṁaṫar Maaċa, inġean Abisalom.

³ Agus do ṡiuḃail sé a bpeacaḋuiḃ a aṫar uile, noċ do rinne roiṁe: agus ní raiḃ a ċroiḋe iomlan le na ṪIĠEARNA Día, már ċroiḋe a aṫar Dáiḃi.

⁴ Giḋeaḋ do ṫug a ṪIĠEARNA Día lóċrann dó ann Ierusalem ar son Dáiḃi, do ċur a ṁic súas na ḋíaiġ, agus do ḋaingniuġaḋ Ierusalem:

⁵ Do ċionn go ndéarna Dáiḃi an ní fa ċeart a raḋarc an TIĠEARNA, agus nar ḟill do leaṫṫaóiḃ ó ní ar biṫ dár aiṫin de ar feaḋ laéṫeaḋ a ḃeaṫa, aċt aṁáin a ccúis Uriah an Hititeaċ.

⁶ Agus do ḃí cogaḋ eidir Rehoboam, agus Ieroboam ar feaḋ laéṫe a ḃeaṫa.

⁷ Anoís an ċuid oíle do ġníoṁraḋ Abiiam, agus a nuile ní dá ndearná sé, naċ ḃfuilid síad scríoḃṫa a leaḃar croinice ríoġ Iúdah? Agus do ḃí cogaḋ eidir Abiiam agus Ieroboam.

⁸ Agus do ċoduil Abiiam agá aiṫriḃ; agus do aḋlaiceadar é a ccaṫruiġ Ḋáiḃi: agus do ḃí Asa á ṁac na ríġ na áit.

⁹ ¶ Agus annsa ḃfiṫċeaṁad blíaḋain do Iéroboam ríġ Israel do ríoġuiḋ Asa ós cionn Iúdah.

¹⁰ Agus do ḃí sé na ríġ an Ierusalem blíaḋuin agus dá ḟiṫċíod. Agus do bé ainm a ṡeanṁaṫar Maaċah, inġean Abiseolam.

¹¹ Agus do rinne Asa gaċ éainni fa maiṫ a raḋarc an TIĠEARNA, mar do rinne Dáiḃi a aṫair.

¹² Agus do scrios sé ná sodomitíġ amaċ as an ḃfearann, agus do áṫruiġ sé na hioḋuil uile noċ do rinneadar a aiṫreaḋ.

¹³ Agus mar an gcéadna Máaċah a a ṡeanṁaṫair, do aṫruiġ sé ise fós ó ḃeiṫ na bainríoġain, do ċionn go ndéarna sí íoṁaiġe a ngarrán; agus do scrios Asa a hioḋal agus do loisg sé é, láiṁ ré haḃuinn Cidron.

¹⁴ Aċd níor háṫruiġeaḋ na háite árda: giḋeaḋ do ḃí croiḋe Asa iomlán leis an TTIĠEARNA an fad do ṁair sé.

¹⁵ Agus ṫug sé a steaċ go tiġ an TIĠEARNA na neiṫe dó ṫíoḋlaic a aṫair, agus na neiṫe do ṫioḋluic sé féin, airgiod, agus ór, agus soiṫiġe.

¹⁶ ¶ Agus do ḃí cogaḋ eidir Asa agus Baasa ríġ Israel ar feaḋ a sáoġail.

¹⁷ Agus do ċuáiḋ Baasa ríġ Israel súas a naġaiḋ Iúdah, agus do ċuir sé Rámah súas, ċor naċ ḃféadfaḋ áon dul amaċ nó teaċd a steaċ go Hása ríġ Iúdah.

¹⁸ Annsin do ġlac Asa ar fágḃaḋ dairgiod agus dór a nionnṁuisuiḃ ṫiġe an TIĠEARNA, agus ionnṁus ṫiġe an ríġ, agus ṫug sé a láiṁ a ṡerḃíseaċ íad: agus do ċuir an ríġ Asa íad go Ben‐hadad, ṁac Tabrimon, ṁic Hésion, ríġ na Síria, noċ do ḃí na ċoṁnuiġ an Damascus, ġa ráḋ,

¹⁹ Atá ceangal eadrumsa agus tusa, agus eidir maṫair agus haṫair: féuċ, do ċuir mé ċugad tioḋlacaḋ óir agus airgid; tárr agus bris hossaḋ re Baasa ríġ Israel, ċer go néireoċaḋ sé ḋíomsa.

²⁰ Marsin do áontuiġ Ben‐hadad lé ríġ Asa, agus do ċuir caiptíniġ a ṡluáiġ do ḃí aige a naġaiḋ caiṫreaċ Israel, agus do ṁill sé Iion, agus Dan, agus Abel‐bet‐maaċah, agus Cinnerot uile, maille re tír Napṫtali uile.

²¹ Agus tárla, a nuáir do ċúala Báasa sin, gur éiriġ ó ḃe ag toigḃail Rámah, agus go ndéarnaiḋ sé coṁnuiġ a Dtirsah.

²² Ansin do ċuir an ríġ Asa fúagra ar feaḋ Iúdah uile; (níor coigleaḋ éanduine:) agus rugadar cloċa Rámah léo, agus an taḋmad, ler ċuir Baasa súas í; agus do ċuir an ríġ Asa súas léo sin Géba Ḃeniamin, agus Mispah.

²³ An ċuid oile do ġníoṁraḋ Asa uile, agus a ċuṁaċd uile, agus gaċ a ndéarna sé, agus na caiṫreaċa do ċuir sé súas, naċ ḃfuilid síad scríoḃṫa a leaḃar croinice ríoġ Iúdah? Giḋeaḋ iona aóis ḟoirfe do ḃí teinnios cos air.

²⁴ Agus do ċoduil Asa agá aiṫriḃ, agus do haḋlaiceaḋ a ḃfoċair a aiṫreaḋ a ccaṫruiġ Ḋáiḃi a aṫair é: agus do ḃí a ṁac Iehosaṗat na ríġ ann a ionad.

²⁵ ¶ Agus do ṫosuiġ Nádab mac Ieroboam ar ríġe ós cionn Israel annsa dara bliaḋain do Asa ríġ Iúdah, agus do ḃí na ríġ ós cionn Israel ḋa ḃliaḋuin.

²⁶ Agus do rinne sé olc a raḋarc an TIĠEARNA, agus do ṡiuḃail sé a sliġe a aṫar, agus iona ṗeacaḋ lé ttug sé ar Israel peacuġaḋ.

²⁷ ¶ Agus do ċoṁċoguir Baasa mac Ahiiah, do ṫiġ Issaċar, ann a aġaiḋ; agus do ṁarḃ Baasa é ann Gibeton, noċ ḃeanus ris na Ṗilistiniḃ; (óir do ċuir Nádab agus Israel uile campa an gaċ táoḃ do Ġibeton).

²⁸ Eaḋon an treas blíaḋain do Asa ríġ Iúdah do ṁarḃ Baasa é, agus do ḃí na ríġ iona áit.

²⁹ Agus tárla, a nuáir do ḃí na ríġ, gur ḃuáil se tiġ Ieroboam uile; níor ḟág sé ag Ieroboam áon do léigfeaḋ anál amaċ, nó gur scrios sé é, do réir ráiḋ an TIĠEARNA, noċ do laḃair sé tre na ṡearḃḟoġantuiġ Ahiiah an Siloníteaċ:

³⁰ Do ċionn peacaḋa Ieroboam noċ do ṗeacaiḋ sé, agus le ttug sé ar Israel peacuġaḋ, tre na ḃrostuġaḋ ler ḃrostuiġ sé an TIĠEARNA Día Israel ċum feirge.

³¹ Anois an ċuid oile do ġníoṁuiḃ Nádab, agus a ndéarna sé uile, naċ ḃfuilid siad scríoḃṫa a leaḃar croinice rioġ Israel?

³² ¶ Agus do ḃí cogaḋ eidir Asa agus Báasa ríġ Israel ar feaḋ a laéṫe.

³³ Annsa treas blíaḋain do Asa ríġ Iúdah do ṫosuiġ Baasa mac Ahiiah ḃeiṫ na ríġ ós cionn Israel a Ttirsah, ceiṫre bliaḋna fiṫċiot.

³⁴ Agus do rinne sé olc a raḋarc an TIĠEARNA, agus do ṡiuḃail sé a sliġe Ieroboam, agus iona ṗeacaḋ le ttug sé ar Israel peacuġaḋ.