Isaiah 32 - An Bíobla Naoṁṫa 1817 (Bedell)

Caibidil XXXII. Gurab riġeaċt na síṫċaiṁ, iġeaċt Ċriosd.

¹ Feuċ, ríġfiḋ ríġ a ḃfíreantaċd, agus ríaġloċuid prionnsaḋa a mbreiṫeaṁnus.

² Agus biáiḋ neaċ mar áit fasgaiḋ on ġaóiṫ, agus mar ḟolaċ ó nanfa; aṁuil aiḃne uisge a náit ṫirim, aṁail sgáil cairge móire a ḃfearann ṫartṁar.

³ Agus ní ḃéid súile na druinge do ċífeas céoḋaċ, agus éistfid clúasa na ndaóine ċluinfiós.

⁴ Tuigfiḋ fós croiḋe na ndaóine meargánta éolus, agus biáiḋ teanga na mbriotaċ réiḋ ċum laḃarṫa go soilléir.

⁵ Ní goirfiġear an tamadán ní sa ṁó dáonnaċdaċ, agus ní haibeorṫar an santaċ do ḃeiṫ saiḋḃir.

⁶ Oír laiḃeoruiḋ an tamadán amadánaċd, agus oibreoċuiḋ a ċroiḋe éaigceart, do ġnáṫuġaḋ fúarċráḃuiḋ, agus do laḃairt earráide a naḋuiġ an TIĠEARNA, do ḋéanaṁ anma a nocraiġ folaṁ, agus do ḃéara ar ḋiġ an tartṁair failliuġaḋ.

⁷ Is olc fós soiṫiġiḋ an tsantuiġ: tionscnuiḋ sé droiċṫionnscanta do scrios an ḃoiċd le bríaṫraiḃ bréagaċa, eaḋon a nuáir laḃras an teasḃuiḋeaċ go ceart.

⁸ Aċt tionnscnuiḋ an duine dáonnaċdaċ neiṫe dáonnaċdaċa; agus lé neiṫiḃ dáonnaċdaċa ṡeasfas sé.

⁹ ¶ Eirġiḋe súas, a ṁná súaiṁneaċa; cluiniḋ mo ġuṫ, a inġeana dóṫċusaċa; tugaiḋ éisteaċd dom ġlór.

¹⁰ Beiṫi mórán do láeṫiḃ agus do ḃlíaḋnuiḃ buáiḋearṫa, síḃsi a ṁná doṫċusaċa: óir fáilleoċuiḋ cruinniuġaḋ na ngrápuiġeaḋ, ní ṫiucfaiḋ an toraḋ.

¹¹ Crioṫnuiġiḋ, a ṁná suáiṁneaċa; bíṫí buáiḋearṫa, a ṁná dóṫċusaċa: noċdaiḋ siḃ, agus déanaiḋ siḃ féin lomnoċd, agus criosluiġiḋ saicéadaċ ar ḃur leasraiḃ.

¹² Guilfid síad ar son na ccíoċ, ar son na maġ mín, ar son na fíneaṁna tórṫuiġ.

¹³ Tiucfaid dosáin agus dreasa ar ḟearann mo ṗobail; fós, ar uile ṫiġṫiḃ an ġáirdeaċuis a ccaṫruiġ an tsóláis:

¹⁴ Do ḃríġ go ttréigfiġear na páláis; go ḃfúigfiġear iomad na ccaiṫreaċ; béid na puirt agus na tuir na núaṁuiḃ go bráṫ, gairdeaċus assal ḟíaḋta, inḃear na ttréud;

¹⁵ ¶ Nó go ndóirtear an spiorad oruinn ó náird ṡúas, agus go raiḃ an fásaċ na ṁaġ ṫóirṫeaċ, agus go meastar an maġ tóirṫeaċ na ḟoraóis.

¹⁶ Ann sin áitreoḃuiḋ breiṫeaṁnus ansa ḃfásaċ, agus biáiḋ ceart na ċoṁnuiḋe annsa ṁaġ ṫóirṫeaṁuil.

¹⁷ Agus buḋ síoṫċáin obair na fíréuntaċda; agus buḋ súaiṁneas éifeaċt a nionnracuis agus daingion go bráṫ.

¹⁸ Agus cóiṁneoċuiḋ mo ṗobalsa a náitreaḃ ṡíoṫċanta, agus a ttiġṫiḃ daingne, agus a socaṁul ṡuáiṁneaċ;

¹⁹ A nuáir ḟéarfas sé cloiċṡneaċda, ag teaċd a nuas air an ḃforaóis; agus ísleoċuiġ an ċaṫair í féin a nionad ísiol.

²⁰ Is beannuiġ siḃ a ḋrong ṡíolċuirios laíṁ ris na huile uisgeaḋuiḃ, ċuirios amaċ cos an daiṁ agus a nassail.