II Samuel 15 - An Bíobla Naoṁṫa 1817 (Bedell)

Caibidil XV. Do ṫionnscain Absolon ar an ríġeaċd do ġaḃail ó a áṫár. 13 Do ṫeiċ Dáiḃí uaḋ.

¹ Agus tárla na ḋiáiġ so, gur ġléus Absolon carbuid ḋo féin agus eiċ, agus cáogad fear do rioṫ roiṁe.

² Agus déirġeaḋ Absolon súas go moċ, agus do ṡeasaḋ láiṁ ré sliġe an ġeata: agus is aṁluiḋ ḃí, gaċ duine agá mbíoḋ aḋḃar imreasuin a núair do ṫigeaḋ ċum an ríġ dfaġáil breiṫeaṁnuis, annsin do ġoireaḋ Absolon air, agus a deirioḋ sé, Cía an ċaṫair dar di ṫusa? agus a deirioḋ seision, Is do ṫreaḃaiḃ Israel do ṡerḃíseaċ.

³ Agus deireaḋ Absolon ris, Féuċ, atáid do ċúisionna go maiṫ ceart; aċd ní ḃfuil éanduine ar na órduġaḋ on ríġ dá ḃur néisdeaċd.

⁴ Deireaḋ Absolon ṫairis sin, Oh naċ déarnaḋ breiṫeaṁ ḋíomsa annsa tír, ċor go ḃféadfaḋ gaċ duine agá mbíaḋ cúis no aḋḃar teaċd ċugam, do ḋéanuinn ceart ḋó!

⁵ Agus is aṁluiḋ do ḃíoḋ, a nuáir do ṫigeaḋ éanduine na ġoire do ḋéanaṁ uṁla ḋó, go ccuireaḋ a laṁ amaċ, agus go mbeireaḋ air, agus go ttugaḋ póg ḋó.

⁶ Agus ar an moḋso do níoḋ Absolon ré Hisrael uile noċ ṫigeaḋ ċum an ríġ dfaġáil breiṫeaṁnuis: mar sin do ġoid Absolon croiḋṫe ḟear Israel.

⁷ ¶ Agus tárla a ndiaiġ ḋá ḟíṫċiod blíaḋan, go nduḃairt Absolon ris an ríġ, Guiḋim ṫú, taḃaír ḋaṁ cead dul do ḋíol mo ṁóide, ṫug mé don TIĠEARNA, ann Hébron.

⁸ Oír ṫug do ṡearḃḟoġantuiġ móid a nuáir do ḃí mé am ċoṁnuiġ a Ngésur a Síria, ġa ráḋ, Má ḃeirionn an TIĠEARNA mé go dearḃṫa a rís go Hierusalem, ann sin do ḋéana mé serḃís don TIĠEARNA.

⁹ Agus a duḃairt an ríġ ris, Imṫiġ a síoṫċáin. Annsin déiriġ sé, agus do ċuáiḋ sé go Hébron.

¹⁰ ¶ Aċ do ċuir Absolon luċd braṫa ar feaḋ ṫreaḃ Israel uile, ḋá ráḋ, Ar ball a ccluinfiḋe fuáim an stuic, annsin abruiḋ, Atá Absolon na ríġ ann Hébron.

¹¹ Agus do ċuádar ḋá ċéud fear le Habsolon as Ierusalem, air ar goireaḋ; agus dimṫiġeadar ann a simpliḋeaċd, agus ní raiḃ fios éinneiṫe aca.

¹² Agus do ċuir Absolom fios ar Aċitoṗel an Giloníteaċ, coṁairleaċ Ḋáiḃi, óna ċaṫrúiġ féin, ó Ġiloh, ann feaḋ do ḃí ag déanaṁ ioḋbarṫa. Agus do ḃí an ċealg láidir; óir do ḃí an pobal ag méaduiġaḋ a ccoṁnuiġ ag Absolon.

¹³ ¶ Agus ṫáinic teaċdaire ċum Dáiḃi, ġa ráḋ, Atáid croiḋṫe ḟear Israel le Habsolon.

¹⁴ Agus a duḃairt Dáiḃi ré na ṡearḃḟoġantuiḃ uile do ḃí na ḟoċair ann Ierusalem, Eirgiḋe, agus teiṫiom; nó ní raċam as ar éanċor ó Absolon: déanuiḋ deiṫfir re himṫeaċd, deagla go mbéaraḋ sé oruinn go hobann, agus go dtiuḃra olc oruinn, agus go millfiḋ an ċaṫair lé faoḃar an ċloiḋiṁ.

¹⁵ Agus a duḃradar muinntir an ríġ ris an ríġ, Feuċ, úlṁuiġ ag so do ṡerḃisíġ ċum gaċ uile ni déaras mo ṫiġearna an ríġ.

¹⁶ Agus do ċuáíḋ an ríġ amaċ, agus muinntir a ṫiġe uile na ḋiáiġ. Agus dfág an ríġ deiċneaṁar ban, fá leannáin dó féin, do ċoiṁéad an tiġe.

¹⁷ Agus do ċuáiḋ an ríġ amaċ, agus cáċ uile na ḋiáiġ, agus dfan a náit do ḃí a ḃfad as sin.

¹⁸ Agus do ġaḃadar a ṡeirḃísiġ uile ṫairis láiṁ ris; agus na Ċerititiġ uile, agus na Peletítiġ uile, agus na Gititiġ uile, sé céud fear ṫáinic na ḋiáiġ ó Ġát, do ġluáisiodar rompa roiṁe an ríġ.

¹⁹ ¶ Ann sin a duḃairt an ríġ ré Ittai an Gititeaċ, Cred fa a ḃfuil tusa ag teaċd linne mar an gcéadna? fill dot áit féin, agus fan a ḃfoċair an ríġ: óir is coiṁiṫeaċ, agus is duine díobarṫa fós ṫú.

²⁰ An tan naċ ttainic tú aċd a né, an ttiuḃruinnsi ort a niuġ gluasaċd linn síos agus súas? ó táimsi ag dul mar a ḃféaduím, fillse ar hais, agus béir do ḋearḃraiṫre ar a nais: go ráiḃ trócaire agus fírinne maille leaċd.

²¹ Agus do ḟreagair Ittai an ríġ, agus a duḃairt, Mar ṁairios an TIĠEARNA, agus mar ṁairios mo ṫiġearna an ríġ, giḋ bé áit a mbía mo ṫiġearna an ríġ, más a mbás nó a mbeaṫuiġ, is ann ḃias do ṡearḃḟoġantuiġ mar an gcéadna.

²² Agus a duḃairt Dáiḃi ré Ittai, Imṫiġ agus éiriġ ṫairis anonn. Agus do ċuáiḋ Ittai an Gititeaċ ṫairis anonn, agus a ṁuinntir uile, agus a ḋaóine beaga uile do ḃí na ḟoċair.

²³ Agus do ġuil an tír uile do ġuṫ árd, agus do ċúadar an pobal uile ṫairis anonn: agus do ċuáiḋ an ríġ féin ṫar a naḃuinn Cedron, agus do ċúadar cáċ uile ṫairis a nonn, leaṫ re sliġe an nfasuiġ.

²⁴ ¶ Agus féaċ do ḃí Sádoc fós, agus na Leḃítiġ uile na ḟoċair, ag iomċar airce ċunarṫa Dé: agus do léigeadar airc Dé ar lár; agus do ċuáiḋ Abiatar súas, nó go ttáinic lé cáċ uile dul amaċ as an gcaṫruiġ.

²⁵ Agus a duḃairt an ríġ re Sádoc, Beir ar a hais aírc Dé don ċaṫruiġ: má ġeiḃimsi grása a raḋarc an TIĠEARNA, do ḃéara sé leis a rís mé, agus taisbeanfuiḋe sé ḋaṁ í, agus a áit ċoṁnuiġ:

²⁶ Aċ ma deir sé mar so, Ní ḃfuil dúil ar biṫ agum ionnad; féuċ, atáimsi annso, déanaḋ sé liom mar is áill leis féin.

²⁷ A duḃairt an ríġ mar an gcéadna re Sádoc an sagart, Naċ fear fise ṫúsa? fill don ċaṫruiġ a sioṫċáin, agus do ḋías mac ad ḟoċair, Ahimaas do ṁac féin, agus Ionatan ṁac Abiatar.

²⁸ Féuċ, fanfa misi a réiteaċ an nfásaiġ, nó go mbeirid scéula dearḃṫa úaitsí orum.

²⁹ Rug Sádoc ar a naḋḃarsin agus Abiatar aírc Dé a rís go Hierusalem: agus dfanadar annsin.

³⁰ ¶ Agus do ċuáiḋ Dáiḃi suas lé hárd ṡleiḃe na nolaḋ, agus do ġuil sé ag dul súas, agus do ḃí a ċeann a ḃfolaċ, agus é ag imṫeaċd cosnoċd: agus a nuile ḋuine dá raiḃ na ḟoċair dfoluiġ gaċ áon aca a ċeann, agus do ċúadar suas, ag gul ag dul súas dóiḃ.

³¹ ¶ Agus dinnis duine do Ḋáiḃi, ḋa ráḋ, Atá Aċitoṗel a measg na ndróiċṫionnsgantaċ a ḃfoċair Absolon. Agus a duḃairt Dáiḃi, O a ṪIĠEARNA, guiḋim ṫú, iompóiġ coṁairle Aċitoṗel a namadánaċd.

³² ¶ Agus tárla, a núair ṫáinic Dáiḃi go mullaċ an tsléiḃe, mar a ndéarna se aḋra do Ḋía, féaċ, ṫáinic Ċúsai an Tarċíteaċ na ċoinne re na ċóta briste, agus cré ar a ċeann:

³³ Le a nduḃairt Dáiḃi, Má gluaisionn tú liomsa, annsin bu húalaċ ḋaṁ ṫú:

³⁴ Aċt má ḟilleann tú don ċaṫruiġ, agus a raḋ re Habsolon, Biáiḋ mé am ṡearḃḟoġantuiġ agadsa, a ríġ; mar do ḃí mé am ṡearḃḟoġantuiġ ag haṫair go ttí so, mar sin ḃías mé mar an gcéadna am ṡearḃḟoġantuiġ agadsa: annsin féadfuiḋ tú coṁairle Aċitoṗel do ċur ar neiṁní ar mo ṡonsa.

³⁵ Agus naċ ḃfuil annsin Sadoc ad ḟoċair agus Abiatar na sagairt? uimesin go maḋ haṁluiḋ ḃías, gaċ uile ní dá gccluinfe tú amaċ as tiġ an ríġ, inneosa tú é do Ṡádoc agus do Abiatar na sagairt.

³⁶ Féuċ atá na ḃfoċair annsin a ndias mac, Ahimaas mac Sadoc, agus Ionatan mac Abiatar; agus leó sin ċuirfe siḃ ċugamsa gaċ éinní dá ccluinfe siḃ.

³⁷ Mar sin ṫainic Ċusai caruid Ḋáiḃi don ċaṫruiġ, agus ṫáinic Absolon go Hierusalem.