II Samuel 11 - An Bíobla Naoṁṫa 1817 (Bedell)

Caibidil XI. Tuisleaḋ Ḋaiḃí a naḋaltrannas, 14 an ndunmarḃaḋ.

¹ Agus tárla, tar eis na blíaḋna do ċaiṫeaḋ, fa nam a ttéid ríġṫe amaċ ċum caṫa, gur ċuir Dáiḃi Ióab, agus a ṡerḃísiġ leis, agus Israel uile amaċ; agus do scriosadar clann Ammon, agus do ṡuiġeadar timċioll Rabbah. Aċ dfán Dáiḃi ann Ierusalem.

² ¶ Agus tárla a naimsir an traṫnoná, gur éiriġ Dáiḃi as a leabuiḋ, agus go raiḃ ag spaisdeóraċd an úaċdar ṫiġe an ríġ: agus ó ṁullaċ an tiġe do ċonairc sé bean ḋá niġe féin; agus do ḃí an ḃean roscíaṁaċ re féaċuinn uirre.

³ Agus do ċuir Dáiḃi fios, agus dfíasruiġ a ndiáiġ na mná. Agus a duḃairt neaċ áiriġ, Naċ í so Batséba, inġean Elam, bean Uriah an Hititeaċ?

⁴ Agus do ċuir Dáiḃi teaċda uaḋ, agus tugaḋ ċuige í; agus ṫaínic sí a steaċ ċuige, agus do luiḋ sé lé; oir do ḃí sí ar na glanaḋ ó na neaṁġlaine: agus dfill sí ḋá tiġ féin.

⁵ ¶ Agus do toirrċeaḋ an ḃean, agus do ċuir sí scéala uáiṫe agus dinnis do Ḋáiḃi, agus a duḃairt, Atáim torraċ.

⁶ Agus do ċuir Dáiḃi scéala uaḋ go Ióab, ġá raḋ, Cuir ċugam Uriah an Hititeaċ. Agus do ċuir Ióab Uriah go Dáiḃi.

⁷ Agus a núair ṫáinic Uriah ċuige, dfíafruiġ Dáiḃi ḋe cionnus do ḃí Ióab, agus cionnus do ḃí an pobal, agus cionnus do ċuáiḋ an cogaḋ ar aġaiḋ?

⁸ Agus a duḃairt Dáiḃi ré Huriah, Imṫiġ síos dot ṫiġ, agus ionnuil do ċosa. Agus dimṫiġ Uriah as tiġ an ríġ, agus do cuireaḋ coṁroinn ḃíḋ na ḋiáiġ ón ríġ.

⁹ Aċ do ċoduil Uriah ag dorus ṫiġe an ríġ maráon re serḃíseaċaiḃ a ṫiġearna uile, agus ní ḋeaċaíḋ sé síos ḋa ṫiġ.

¹⁰ Agus a nuáir dinnsiodar do Ḋáiḃi, ḋa ráḋ, Ní ḋeaċaiḋ Uriah síos ḋá ṫiġ, a duḃairt Dáiḃi re Huriah, Naċ dtáinic tú ód aistior? uime sin créd fa naċ deaċaiḋ tú síos dot ṫiġ?

¹¹ Agus a duḃairt Uriah re Dáiḃi, Atá a náirc, agus Israel, agus Iúdah, a bpáilliúnuiḃ; agus atá mo ṫiġearna Ióab, agus serḃísiġ mo ṫiġearna, a ccampa ann sna maċairiḃ réiḋe; an raċa misi maseaḋ dom ṫiġféin, diṫe agus dol, agus do luiġe lem ṁnáoi? mar ṁairios tusa, agus mar is beó hanum, ní ḋéana misi an ní sin.

¹² Agus a duḃairt Dáiḃi re Huriah, Fan annso a niuġ mar an gcéadna, agus leígfiḋ mé ḋuit imṫeaċd a máraċ. Mar sin dfan Uriah an Ierusalem an lá sin, agus ar na ṁáraċ.

¹³ Agus a nuáir do ġoír Dáiḃi air, duáiġ sé agus diḃ sé iona ḟíaḋnuise; agus do ċuir sé ar meisge é: agus tráṫnóna do ċuáiḋ amaċ do luiġ air a leabuiḋ a ḃfoċair ṡerḃiseaċ a ṫiġearna, agus ní ḋeaċaiḋ síos dá ṫiġ féin.

¹⁴ Agus tárla ar máidin, gur scríoḃ Dáiḃi litir ċum Ioab, agus do ċuir le láiṁ Uriah í.

¹⁵ Agus do scríoḃ sé annsa litir ġa ráḋ, Cuir Uriah a naġaiḋ an ċaṫa as láidre, agus filliḋ feín uaḋ, ċor go mbuáilfiġear, agus go muirfiġear é.

¹⁶ Agus tárla, a nuáir do ṁeas Ioab an ċaṫair, gur ḋíriġ sé Uriah ċum na háite ar ḃaiṫniḋ dó daóine gaisgeaṁla ḃeiṫ.

¹⁷ Agus do ċúadar muinntir na caiṫreaċ amaċ, agus do ṫroideadar re Ioab, agus do marḃaḋ cuid do ṁuinntir Ḋáiḃi; agus do ṫuit Uriah an Hitíteaċ mar an gcéadna.

¹⁸ ¶ An sin do ċuir Ióab scéula uáḋ, agus dinnis do Ḋáiḃi a ttáoḃ gaċ neiṫe don ċogaḋ;

¹⁹ Agus do aiṫin sé don teaċdaire, ḋa ráḋ, A nuáir ċríoċnoċus tú innisin scéul an ċogaiḋ don ríġ,

²⁰ Agus dá tteagṁaḋ go néireoċaḋ fearg an ríġ, agus go naibéoraḋ sé riot, Cred fa ndeaċaḃair coṁḟogus sin don ċaṫruiġ a nuáir do ṫroideaḃair? naċ raiḃ a ḟios aguiḃ go gcaiṫfidís ón ḃallá?

²¹ Cía ḃuáil Abimeleċ ṁac Ierubbesċet? né naċ ar ċaiṫ bean cuid do ċloiċ ṁuilinn air ó nḃalla, iondus go ḃfuair sé bás ann Tebes? cred fá ndeaċaḃairsi a ngoire an ḃalla? ann sin abairsi, Déug do ṡearḃḟoġantuiġ Uriah an Hitíteaċ mar an gcéadna.

²² ¶ Mar sin dimṫiġ an teaċdaire, agus dinnis do Ḋáiḃi gáċ éinní ler ċuir Ioab é.

²³ Agus a duḃairt an teaċdaire re Dáiḃi, Go deiṁin rugadar na daóine buáiḋ oruinn, agus ṫangadar amaċ oruinn san maċaire, agus do ḃámairne orrasan go nuige an geata.

²⁴ Agus do ċaiṫeadar an luċd láṁuiġ do ṡerḃísiġ ó nḃalla; agus do marḃaḋ cuid do ṁuinntir an ríġ, agus déug hóglaċ Uríah an Hititeaċ mar an gcéadna.

²⁵ Ann sin a duḃairt Dáiḃi ris an tteaċdaire, Mar so déara tú ré Ióab, Ná cuiréaḋ an ní si ort, óir marḃuiḋ an cloiḋeaṁ duine mar ḋuine oile: déana do ċaṫ nios láidre a naġaiḋ na caiṫreaċ, agus mill í: agus cuirse meisneaċ ann.

²⁶ ¶ Agus mar do ċúaluiḋ bean Uriah gur éug Uriah a fear, do ċáoin sí ar son a fir.

²⁷ Agus a nuair do scuir aimsir a cuṁa, do ċuir Dáiḃi fios uirre ċum a ṫiġe, agus do ḃí na mnaói aige, agus rug sí mac ḋó. Aċ do ṁíoṫaitín an ní do rinne Dáiḃi ris an TTIĠEARNA.