II Rioġ 21 - An Bíobla Naoṁṫa 1817 (Bedell)

Caibidil XXI. Olcas Ṁanasseh an rí. 19 Agus Amon.

¹ Do ḃí Manasseh ḋá ḃlíaḋain déug dáois a núair do ṫosuiġ sé a ríġe, agus do ríoġaiḋ cúig ḃlíaḋna déug agus dá ḟiṫċiod ann Ierusalem. Agus do bé ainm a ṁaṫar Heṗsibah.

² Agus do rinne se an ní fa holc a raḋarc an TIĠEARNA, do réir aḋḟuaṫṁaireaċd ná ngeinteaḋ, noċ do ṫeilg an TIĠEARNA amaċ roiṁe ċloinn Israel.

³ Oir do ċuir sé súas a rís na háite árda noċ do ṁill Heseciah a aṫair; agus do ċuir sé altóra súas do Ḃaal, agus do rinne sé garrán, mar do rinne Ahab ríġ Israel; agus do aḋuir sé slúaġ neiṁe, agus do rinne serḃís dóiḃ.

⁴ Agus do rinne sé altóra a ttiġ an TIĠEARNA, dá nduḃairt an TIĠEARNA, Ann Ierusalem ċuirfios mé mainm.

⁵ Agus do ċuir sé altóra súas do ṡlúaġ neiṁe uile a ndá ċúirt ṫiġe an TIĠEARNA.

⁶ Agus ṫug ar a ṁac dul ṫríd an tteine, agus do aḋraḋ daimsearuiḃ, agus do níoḋ droiġeaċd, agus cumann ré leannánuiḃ síṫe agus re luċd fáistine: doibriġ sé mórán uilc a raḋarc an TIĠEARNA, ler ḃrostuiġ é ċum feirge.

⁷ Agus do ṡuiġiḋ sé íaṁáiġ ġráḃálta don ġarrán do rinne sé annsa tiġ, a ttaóiḃ a nduḃairt an TIĠEARNA ré Dáiḃi, agus re Solaṁ a ṁac, Annsa tiġsi, agus ann Ierusalem, noċ do ṫoġ mé as treaḃuiḃ Israel uile, ċuirfios mé mainm go bráṫ:

⁸ Agus ní ċorroċa mé cosa Israel nios mó amaċ as a ndúiṫċe féin noċ ṫug mé dá naiṫriḃ; aṁáin má ċoiṁéaduid síad a ḋéanaṁ do réir a nuile ḋliġe, do aiṫin mo ṡearḃḟoġantuiġ Maóise ḋíoḃ.

⁹ Aċt níor éisteadarsan: agus do ṫarruing Manasseh íad ċum niós mó dulc do ḋéanaṁ ná a ndéarnadar na cineaḋaċa do ḋíbuir an TIĠEARNA roiṁe ċloinn Israel.

¹⁰ ¶ Agus do laḃair an TIĠEARNA tre na ṡearḃḟoġantaiḃ na fáiġe, ḋa ráḋ,

¹¹ Do ḃríġ go ndéarnuiḋ Manasseh ríġ Iúdah na neiṫe aḋḟuaṫṁarsa, go ndéarna sé olc ós cionn a ndéarnadar na Hamorítiġ, noċ do ḃí roiṁe, agus go ttug air Iúdah mar an gcéadna peacuġaḋ le na ioḋaluiḃ:

¹² Ar a naḋḃarsin is marso a deir an TIĠEARNA Día Israel, Féuċ, atáim ag taḃairt a leiṫéid sin dulc ar Ierusalem agus ar Iúdah, giḋ bé ar biṫ ċluinfios é, go mbíaiḋ fuáim iona ḋá ċluáis.

¹³ Agus sínfiḋ mé tar Ierusalem dúruḃa Ṡamária, agus plumba ṫiġe Ahab: agus cuimeoluiḋ mé Ierusalem mar ċuimlios duine mias, dá ċumailt, agus da hiompóġ bun ós cionn.

¹⁴ ¶ Agus tréigfiḋ mé fuiġioll moiġreaċda, agus seaċoduiġ mé a láiṁ á náṁad íad; agus béid na ccreiċ agus na nédail agá naiṁde uile;

¹⁵ Do ḃríġ go ndéarnadar an ní dob olc ann mo raḋarc, agus gur ċorruiġeadar ċum feirge mé, on ló fá ttangadar a naiṫre amaċ as an Négipt, gus a niuġ.

¹⁶ Tuilleaṁ oile do ḋóirt Manasseh fuil neíṁċiontaċ go ro iomarcaċ, nó gur lion sé Ierusalem ón ċionn go ċéile; táoḃ amuiċ dá ṗeacaḋ lé ttug sé ar Iúdah peacuġaḋ, an déanaṁ an neiṫe fa holc a raḋarc an TIĠEARNA.

¹⁷ ¶ Anois an ċuid oile do ġníoṁaiḃ Ṁanasseh, agus a ndéarna sé uile, agus a ṗeacaiḋ noċ do ṗeacaiḋ sé, naċ ḃfuilid scríoḃṫa a leaḃar croinice ríoġ Iúdah?

¹⁸ Agus do ċoduil Manasseh a ḃfoċair a aiṫreaḋ, agus do haḋlaiceaḋ a ngáirdín a ṫiġe féin é, a ngáirdín Ussah: agus do ríoġaiḋ Amon a ṁac na áit.

¹⁹ ¶ Do ḃí Amon ḋá ḃlíaḋuin agus fiṫċe daóis an tan do ṫosuiġ sé a ríġe, agus do ríoġaiḋ ḋá ḃlíaḋuin ann Ierusalem. Agus do bé ainm a ṁaṫar Mesulemet, inġean Harus ó Iotbah.

²⁰ Agus do rinne sé an ní dob olc a raḋarc an TIĠEARNA, mar do rinne a aṫair Manasseh.

²¹ Agus do ṡiuḃail sé annsna huile ṡliġṫiḃ ann ar ṡiuḃail a aṫair, agus do rinne serḃís do na hioḋaluiḃ dá ndearnuiḋ a aṫair serḃís, agus do aḋair sé ḋóiḃ:

²² Agus do ṫréig sé an TIĠEARNA Día a aiṫreaḋ, agus níor ṡiuḃail sé a sliġe an TIĠEARNA.

²³ ¶ Agus do ċumadar searḃḟoġantuiġe Amon feall na aġaiḋ, agus do ṁarḃadar an ríġ iona ṫiġ féin.

²⁴ Agus do ṁarḃadar dáoine na tíre an luċd sin uile do rinne feall a naġaiḋ an ríġ Amon; agus do rinneadar dáoine na tíre ríġ do Iosiah a ṁac na aít.

²⁵ ¶ Anois an ċuid oile do ġnioṁuiḃ Amon noċ do rinne sé, naċ ḃfuilid síad scríoḃṫa a leaḃar croinice ríoġ Iúdah?

²⁶ Agus do haḋlaiceaḋ iona ṫúama é a ngáirdín Ussa: agus do ḃí Iosiah a ṁac na ríġ na áit.