II Rioġ 16 - An Bíobla Naoṁṫa 1817 (Bedell)

Caibidil XVI. De ḟóir rí na Hassiria ar Ahas rí Iudah, anaḋaiḋ riġ na Siria.

¹ Annsa seaċdṁaḋ blíaḋuin déug do Ṗecah mac Remaliah do ṫosuiġ Ahas mac Iótam ríġ Iúdah a ríġe.

² Fiṫċe blíaḋna daóis do ḃí Ahas a nuáir do ṫosuiġ a ríġe, agus do ríoġaiḋ sé bliáḋna déug ann Ierusalem, agus ní ḋearnuiḋ sé an ní fa ċeart a raḋarc an ṪIĠEARNA Dé, mar do rinne a aṫair Dáiḃi.

³ Aċt do ṡiuḃail sé a sliġe ríoġ Israel, ṫug fós, ar a ṁac dul ṫríd an tteiniḋ, do réir aḋúaṫṁaireaċd na ngeinteaḋ, noċ do ṫeilg an TIĠEARNA amaċ roiṁe ċloinn Israel.

⁴ Agus do rinne sé ióḋbairt agus do loisg sé túis air na hárduiḃ, agus air na cnocaiḃ, agus fáoi gaċ éanċrann glas.

⁵ ¶ Annsin ṫáinic Resin ríġ na Síria agus Pecah mac Remaliah ríġ Israel súas go Hierusalem ċum cogaiḋ: agus do ċuireadar slúaġ na suiḋe air Ahas, aċd ní ḋeaċaiḋ aca air.

⁶ A nuairsin do ġnoḋuiġ Résin ríġ na Siria Elat ar ais don Tsiria, agus do ḋíbir na Iúduiġe ó Elat: agus ṫangadar na Sírianuiġ go Helat, agus do áitiġeadar ann sin gus a niuġ.

⁷ ¶ Annsin do ċuir Ahas teaċda go Tiglat‐pileser ríġ na Hassíria, ġá ráḋ, Is misi do ṡerḃíseaċ agus do ṁac: tárr anṡíos, agus cuṁdaiġ mé as láiṁ ríġ na Síria, agus as láiṁ ríġ Israel, noċ déiriġ súas am aġaiḋ.

⁸ Agus do ġlac Ahas an tór agus an tairgiod do fríṫ a ttiġ an TIĠEARNA, agus a nionnṁus ṫiġe an ríġ, agus do ċuir tioḋlacaḋ go ríġ na Hassíria.

⁹ Agus dáontuiġ ríġ na Hassíria leis: óir do ċuáiḋ ríġ na Hassíria súas a naġaiḋ Ḋamascus, agus do ġaḃ sé í, agus rug na daóine do ḃí innte a láiṁ go Cir, agus do ṁarḃ sé Résin.

¹⁰ ¶ Agus do ċúaiḋ Ahas go Damascus a ccoinne Ṫiglat‐pileser ríġ na Hassíria, agus do ċonnairc sé altóir do ḃí ann Damascus: agus do ċuir an ríġ Ahas ċum Uriiah an sagart cuma na haltóra, agus a saṁlaċus, dó réir á hoibriġṫe uile.

¹¹ Agus do rinne Uriiah an sagart altóir do réir gaċ éinneiṫe dar ċuir Ahas an ríġ ó Ḋamascus ċuige: már sin do rinne Uriiah an sagart í fá a nam a ttáinic an ríġ Ahas ó Ḋamascus.

¹² Agus a núair ṫáinic an ríġ ó Ḋamascus, do ċonnairc an ríġ an altóir: agus ṫáinic an ríġ gus a naltóir, agus do ofráil sé uirre.

¹³ Agus do loisg sé ofráil loisge agus ofráil ḃíḋ, agus do ḋóirt a ofráil diġe, agus do ċroiṫ sé fuil a ofrála síoṫċána, air an naltóir.

¹⁴ Agus do rug sé leis mar an gcéadna an naltóir ṗráis, do ḃí a laṫair an TIĠEARNA, ó éadan an tiġe, ó eidir an naltóir agus tiġ an TIĠEARNA, agus do ċuir sé air an ttáoiḃ ṫuáiġ do naltóir í.

¹⁵ Agus do aiṫin Ahas do Uriiah an sagart, ġá ráḋ, Ar an naltóir ṁóir loisg ofráil loisge na ṁaidne, agus ofráil ḃíḋ an traṫnóna, agus ioḋbuirt loisge an ríġ, agus a ofráil ḃíḋ, agus ofráil loisge ḋáoine na tíre uile, agus a nofral ḃiḋ agus a nofrála diġe; agus croiṫ uirre fuil na hofrála loisge uile, agus fuil híoḋbarta uile: agus biáḋ an naltóir ṗraís agumsa do ċeasnuġaḋ maille lé.

¹⁶ Marso do rinne Uriiah an sagart, do réir a nuile ní dar aiṫin an ríġ Ahas de.

¹⁷ ¶ Agus do ġeárr an ríġ Ahas imiol na mbásaḋ, agus do áṫarruiġ an láiḃer ḋíoḃ amaċ; agus do leag an nfairge do na daṁuiḃ práis do ḃí fúiṫe, agus do ċuir ar ṗáḃáil ċloċ í.

¹⁸ Agus an folaċ don tsabbóid do rinneadar annsa tiġ, agus dul a steaċ an ríġ amuiċ, do iompóiġ sé ó ṫiġ an TIĠEARNA deagla ríġ na Hassíria.

¹⁹ ¶ Auois an ċuid oile do ġníoṁuiḃ Ahas noċ do rinne sé, naċ ḃfuilid scríoḃṫa a leaḃar croinice ríoġ Iúdah?

²⁰ Agus do ċoduil Ahas a ḃfoċair a aiṫreaḋ, agus do haḋlaiceaḋ agá aiṫriḃ é a ccaṫruiġ Ḋáiḃi: agus do ríoġaiḋ Heseciah a ṁac na áit.