II Rioġ 13 - An Bíobla Naoṁṫa 1817 (Bedell)

Caibidil XIII. Do ḃuaġaiḋ Iehoas mac Iehoahas ri Israel, ar na Sirianċuiḃ go minic.

¹ Annsa treas blíaḋain fiṫċiod do Ioas mac Ahasiah ríġ Iúdah do ṫosuiġ Iehoahas mac Iehu a ríġe ós cionn Israel a Samária, agus do ḃí na ríġ seaċd mblíaḋna déug.

² Agus do rinne sé an ní buḋ olc a raḋarc an TIĠEARNA, agus do lean sé peacaḋ Ieroboam ṁic Nébat, noċ ṫug ar Israel peacuġaḋ; níor ḋealuiġ sé ris sin.

³ ¶ Agus do las fearg an TIĠEARNA a naġaiḋ Israel, agus do ṫoirḃir iad a láiṁ. Hasael ríġ na Síria, agus a láiṁ Ḃen hadad ṁic Hasael, ar feaḋ a láeṫeaḋ uile.

⁴ Agus do ġuiḋ Iehoahas an TIĠEARNA, agus déist an TIĠEARNA ris: oír do ċonnairc sé coṁmbuáiḋreaḋ Israel, do ḃríġ gur ṡáruiġ ríġ na Síria íad.

⁵ Agus ṫug an TIĠEARNA fear tárṫála do Israel, ionnus go ndeaċadar amaċ ó ḃeiṫ fáoi láiṁ na Sírianaċ: agus do aítreaḃadar clann Israel iona ttiġṫiḃ, mar do ḃádar roiṁe.

⁶ Giḋeaḋ níor ḋealuiġeadar re peacaḋ ṫiġe Ieroboam, noċ ṫug ar Israel peacuġaḋ, aċd do ṡiuḃluiġeadar ann: agus do ḃí an garrán fós a Samária.

⁷ Agus níor ḟág sé don ṗobal ag Iehoahas aċd cáogad marcaċ, agus deiċ ccarbuid, agus deiċ míle coisiġe; óir do ṁarḃ ríġ na Síria íad, agus do rinne íad aṁuil luaiṫreaḋ re búalaḋ.

⁸ ¶ Anois an ċuid oile do ġnióṁuiḃ Iehoahas, agus a ndéarna sé uile, agus a neart, naċ ḃfuilid scríoḃṫa a leaḃar croinice ríoġ Israel?

⁹ Agus do ċoduil Iehoahas a ḃfoċair a aiṫreaḋ; agus do aḋlaiceadar é a Samária; agus do ríoġaiḋ Ioas a ṁac iona áit.

¹⁰ ¶ Annsa seaċdṁaḋ blíaḋuin déug ar ḟiṫċid do Ioas ríġ Iúdah do ṫosuiġ Iehoas mac Iehoahas a ríġe ós cionn Israel a Samaria, agus do ríoġaiḋ sé blíaḋna déug.

¹¹ Agus do rinne sé olc a raḋarc an TIĠEARNA; níor léig sé ḋe peacuiḋ Ieroboam ṁic Nebat uile, noċ ṫug ar Israel peacuġaḋ: aċd do ṡiuḃail sé ionnta.

¹² Agus an ċuid oile do ġníoṁuiḃ Ioas, agus a ndéarna sé uile, agus a neart ler ṫroid se a naġaiḋ Amasiah ríġ Iúdah, naċ ḃfuilid scríoḃṫa a leaḃar croinice ríoġ Israel?

¹³ Agus do ċoduil Ioas a ḃfoċair a aiṫreaḋ; agus do ṡuiġ Ieroboam iona ċaṫaoir ríoġa: agus do haḋlaiceaḋ Ioas a Samária a ḃfoċair ríoġ Israel.

¹⁴ ¶ Anois do ġlac tinneas Elisa don tinneas dá bfuáir sé bás. Agus ṫáinic Ioas ríġ Israel síos ċuige, agus do ġuil ós a ċionn, agus a duḃairt, O maṫair, maṫair, carbad Israel, agus a ṁarcṡlúaġ.

¹⁵ Agus a duḃairt Elisa ris, Glac boġa agus soiġde. Agus do ġlac sé boġa agus soiġde.

¹⁶ Agus a duḃaírt sé ré ríġ Israel, Cuir do laṁ ar do ḃoġa. Agus do ċuir se á láṁ air: agus do ċuir Elisa a láṁ ar láiṁ an ríġ.

¹⁷ Agus a duḃairt sé, Foscuil an nfuinnéog don leaṫ ṡoir. Agus dfoscuil sé í. Annsin a duḃairt Elisa, Caiṫ. Agus do ċaiṫ seision. Agus a duḃaírt sé, Soiġead ṡáorṫa an TIĠEARNA, agus soiġeaḋ na tárṫala ó Ṡiria: óir buailfiḋ tusa na Sírianuiġ ann Aṗec, no go scroiosfuiḋ tú íad.

¹⁸ Agus a duḃairt sé, Glac na soiġde. Agus do ġlac sé íad. Agus a duḃairt sé ré ríġ Israel, Buail ar an ttaluṁ. Agus do ḃuail sé trí huáire, agus do sdad sé.

¹⁹ Agus do ḃí óglaċ Dé feargaċ ris, agus a duḃairt sé, Buḋ ċóir ḋuit a ḃualaḋ a cúig no a sé huáiriḃ; annsin do ḃuáilfá Síria nó go scriostá í: a nait naċ mbuáilfiḋ tú anois Síria aċd trí huáire.

²⁰ ¶ Agus déug Elisa, agus do aḋlaiceadar é. Agus do ionnsuiġeadar buiḋne na Moabiteaċ an tír ar ṫeaċd a steaċ na blíaḋna.

²¹ Agus tárla, mar do ḃadar ag aḋlacaḋ duine, féuċ, go ḃfacadar buiḋean aca; agus do ṫeilgeadar an duine a ttuama Elisa: agus a nuáir do léigeaḋ an tóglaċ síos, agus do ḃean sé re cnáṁuiḃ Elisa, do aiṫḃéoġuiḋ sé, agus do ṡeas sé súas ar a ċosuiḃ.

²² ¶ Aċt do ḃrúiġ Hasael ríġ na Síria Israel ar feaḋ laeṫé Iehoahas.

²³ Agus do ḃí an TIĠEARNA grásaṁuil dóiḃ, agus do ġaḃ truáiġe ḋóiḃ é, agus do ḃí meas aige orra, do ḃríġ a ċunnarṫa ré Abraham, ré Isaac, agus ré Iácob, agus níor ḃáill leis a sgrios uile, ná a tteilgion úaḋ as a laṫair fós.

²⁴ Annsin fúair Hasael ríġ na Síria bás; agus do ríoġaiḋ Ben‐hadad a ṁac íona áit.

²⁵ Agus do ḃean Ioas mac Iehoahas a rís as láiṁ Ḃen‐hadad ṁic Hasael na caiṫreaċa, do ḃean seision as láiṁ Iehoahas a aṫair le cogaḋ. Do ḃuail Ioas é trí huáire, agus do ḃean sé caiṫreaċa Israel de.