Hosea 8 - An Bíobla Naoṁṫa 1817 (Bedell)

Caibidil VIII. Bagra arson ċráḃaiḋ eattrom, agus aneólas an dliġe.

¹ Cuir an stoc ċum dó ḃéil. Tiucfuiḋ sé aṁuil iolar a naġaiḋ ṫiġe an TIĠEARNA, do ḃríġ gur ṡáruiġeadar mo ċunnraḋ, agus gur ċiontuiġeadar a naġaiḋ mo ḋliġe.

² Goirfiḋ Israel ċugam, Mo Ḋía, aiṫniġmid ṫú.

³ Do ṫeilg Israel uáḋ an ní is maiṫ: inġreamoċuiḋ an náṁuid eision.

⁴ Do ċuireadar ríġṫe súas, aċt ní maille ríomsa: do rinneadar prionnsaḋa, agus ní raiḃ a ḟios agamsa: do rinneadar ioḋal dóiḃ féin dá nairgiod agus dá nór, ċor go ngeárrfuiḋe amaċ íad.

⁵ Do ṫeilg do láoġ úaḋ ṫusa, a Ṡamária; atá mfearg ar lasaḋ na naġaiḋ: gá fad ḃías suil roiṫeoċuid go neiṁċiontaċus?

⁶ Oír is ó Israel do ḃí mar an cceadna: do rinne an fear oibre é; uimesin ní Día é: aċt brisfiġear láoġ Ṡamária a mbloḋuiḃ.

⁷ Oír do ṡíoladar an ġáoṫ, agus beanfúid an ġáoṫ ġuáirdeain: ní ḃiáiḋ connlaċ aige: ní ṫiuḃra an coinlín min uaḋa: má ḃeir, isé an coiṁṫiġeaċ ṡluigfios súas í.

⁸ Do sluigeaḋ Israel súas: anois béid siad a measg na Ngeinteaḋ mar ṡoiġṫeaċ gan dúil ar bioṫ ann.

⁹ Oír do ċúadar súas do Nassíria, assal fíaḋta na áonar leis féin: dfostoiġ Eṗraim áosgráḋ.

¹⁰ A seaḋ, bíoḋ gur ḟostadar a measc na ccineaḋaċ, a nois cruinneoċa misi íad, agus do ḋéanuid beagán doilġis ar son úaluiġ ríġ na bprionnsaḋ.

¹¹ Do ḃríġ go ndeárna Eṗraim mórán altóraċ do ṗeacuġaḋ, béid altora aige ċum peacaiḋ.

¹² Do scrioḃ misi ċuige neiṫe móra mo ḋliġe, aċt do measaḋ mar ní coiṁṫiġeaċ íad.

¹³ Ofráluid síad feóil ar son íoḋḃarṫaċ mofrálaċsa, agus iṫid í; aċt ní ġlacann an TIĠEARNA íad; anois cuiṁneoċa sé a néigceart, agus fiosroċuiḋ sé a bpeacaḋ: fillfid síad don Négipt.

¹⁴ Oir do ḋearmuid Israel a Ċruṫaiġṫeóir, agus cuiriḋ sé teampuill súas; agus dfoirlíon Iúdah caiṫreaċa dáingne: aċt cuirfiḋ misi teine air a ċaiṫreaċaiḃ, agus loisgfe sí a bpáláis sin.