Gníoṁarṫa 4 - An Bíobla Naoṁṫa 1817 (Bedell)

Caibidil IV Adṁail ḋán Ṗeadair, 23 urnuiġe, 32 agus ionnannus na gcreidṁeaċ.

¹ Agus an feaḋ do ḃádar ag laḃairt ris an bpobal, tangadar na sagairt, agus úaċdarán an teampoill, agus na Saducíni orṫa,

² Ag doilġeas go raḃadarsan ag teagasg an ṗobail, agus ag seanmóruġaḋ a Níosa eiséirġe ó ṁarḃuiḃ.

³ Agus do ċuireadar láṁa ionnta, agus do ċuireadar a bpríosún íad go dtáinic ar na ṁáraċ: oír do ḃí sé fá a namsin déiġeanaċ.

⁴ Giḋeaḋ mórán da ccúaluiḋ an ḃríaṫar do ċreideadar; agus do ḃí úiḃir na ndáoine a dtimċeall ċúig míle.

⁵ Agus tárla ar na ṁáraċ, gur ċruinniḋeadar a núaċdaráin, agus a sinnsir, agus a sgríobuiḋe,

⁶ Agus Annas an tárdsagurt, agus Cáiaṗas, agus Eóin, agus Ailecsandar, agus gaċ a raiḃ do ċineul na nárdsagart, a ḃfoċair a ċéile a Níarusalém.

⁷ Agus an tan do ċuireadar a lár íad, dfíafruiġeadar, Créud é an túġdarrás, nó an tainm, as a ndearna siḃse a ní so?

⁸ Ann sin ar mbeiṫ do Ṗeadar, ar na líonaḋ don Spiorad Náoṁ, a duḃairt sé ríu, A úaċdaráin an ṗobuil, agus a ṡinnseara-Israél,

⁹ O atámáoidne a niuġ air ar dtaḃairt ċum ceasda a dtimċeall na máiṫeasa do rinneaḋ don duine éagcrúaiḋ, cionnas do slánnuiġeaḋ é;

¹⁰ Bíoḋ a ḟios aguiḃse uile, agus ag pobal Israél uile, gur tré ainm Iósa Críosd Nasárrḋa, noċ do ċroċaḃairse, noċ do ḋúisiġ Día ó ṁarḃuiḃ, as trídsean ṡeasus an fearso slán an ḃur ḃfiaḋnuísesi.

¹¹ A sí so an ċloċ úd do ḃí fá neiṁċion aguiḃse a ṡáora, dá ndearnaḋ ceann an ċuáinne.

¹² Agus ní ḃfuil slánuġaḋ a neaċ air biṫ eile: oír ní ḃfuil ainm ar biṫ eile fáoi neaṁ ar na ṫaḃairt do ḋáoiniḃ, lér ab éidir sinne ṡlánuġaḋ.

¹³ Agus an tan ṫugadar ḋá paire dánaċd Ṗeadair, agus Eóin, agus gur ṫuigeadar a mbeiṫ na ndáoiniḃ gan ḟogluim gan éolus, do ġaḃ iongantus íad; agus daiṫneadar, go raḃadar a ḃfoċair Iósa.

¹⁴ Agus ar ḃfaicsin a nfir do ḃí ar na ṡlánuġaḋ na ṡeasaṁ na ḃfoċair, ní raiḃ éainní aca ré ráḋ na uaġuiḋ.

¹⁵ Aċd ar na ḟógra ḋóiḃ dul amaċ as an gcoṁairle, diomraiḋeadar eatorra féin,

¹⁶ Ag ráḋ, Créud do ḋéunam ris an muinntirse? Óir go deiṁin atá coṁarṫa foillsiġṫeaċ aca ar na ḋeanaṁ agus is follus do gaċ áon áitiġeas á Niárusalem é; agus ní féidir linne a ṡéuna.

¹⁷ Aċd deagla leaṫnuiġṫe ḋó ní as faide a measg an ṗóbail, toirmisgeam íad go bagraċ, fá laḃairt feasda sa náinmse ré duinne ar biṫ.

¹⁸ Agus ar na ngairm ḋóiḃ, dáiṫneadar ḋíoḃ gan laḃairt air éanċor agus gan teagusg do ḋéunaṁ a nainm Iósa.

¹⁹ Aċd ar ḃfreagra do Ṗeadar agus Deóin, a duḃradar ríu, Measuiġ féin an córa a ḃfíaḋnuise Dé, siḃsi deisdeaċd ná Día.

²⁰ Oír ní héidir linne gan na neiṫe do ċúalamar agus do ċunncamar do laḃairt.

²¹ Agus ar ndéanaṁ bagair ḋoiḃsean, do léigeadar úaṫa íad, mar naċ ḃfúaradar sliġe ar biṫ ċum pionúis do ṫaḃairt dóiḃ, ar son an ṗobail: oír ṫugadar uile glóir do Ḋía ar son a neiṫe do rinneaḋ ann.

²² Oír do ḃí an té air a ndearnaḋ an coṁarṫa slainte úd, ós cionn dá ḟiċead ḃliaḋan dáois.

²³ Agus ar na léigean amaċ, tangadar ċum a gcompánáċ, agus dfoillsiġeádar gaċ a nduḃradar na hárdsaguirt agus ná sinnsir ríu.

²⁴ Agus ar na ċlós so ḋóiḃsean, do ṫógḃadar súas a ngúṫ déantoil ċum Dé, agus a duḃradar, a Tiġearna, is tusa an Día do rinne neaṁ, agus talaṁ, agus an ḟáirge, agus gaċ a ḃfuil ionnta:

²⁵ Noċ a duḃairt tré béul Dáiḃi do ṡearḃḟoġantuiġe féin, Créud fár lionadar na cineaḋaċa dfeirg, agus fár smuáineadar na puibleaċa neiṫe díoṁáoineaċa?

²⁶ Do ṡeasadar ríġṫe na talṁan, agus do ċruinniġeadar na húaċdaráin a ḃfoċair a ċéile, a naġaiḋ an Tiġearna, agus a naġaiḋ a Ċríosd.

²⁷ Oír do ċruinniġeadar gan ċonntaḃairt a ḃfoċair a ċéile, sa ċaṫraiġse, Ioruaiḋ, agus Poinnsius Píoláid, maille ris na Cineaḋaċuiḃ, agus ré puibleaċaiḃ Israél, a naġaiḋ do Ṁic náomṫa Iósa, noċ do óng tú,

²⁸ Do ḋéanaṁ gaċ neiṫe dár réuṁórdaiġ do láṁsa agus do ċoṁairle a ḋéanaṁ.

²⁹ Agus a nois, a Ṫiġearna, taḃair aire dá mbagur: agus taḃair dod ṡearḃḟoġantuiḋiḃ féin, do ḃríaṫar a láḃairt maille ré gaċ uile ḋánaċd,

³⁰ Ag sineaḋ do láiṁe amaċ ċum leiġis; agus coṁarṫaḋ agus miorḃuileaḋ do ḋéanaṁ tré ainm do ṁic náomṫa fein Iósa.

³¹ Agus ar ndéunaṁ úrnuiġe ḋóiḃ, do ċríoṫnuiġe a náit a raḃadar a ḃfoċair a ċéile; agus do líonaḋ íad uile don Spiorad Náoṁ, agus do láḃradar bríaṫar Dé maille ré dánaċd.

³² Agus do ḃí áon ċróiḋe agus áon anam aṁáin ag an druing do ċreid: agus ní dúḃairt éainneaċ aca go maḋ leis féin áon ní ḋá raiḃ na ṡeilḃ; aċd do ḃádar na huile neiṫe coṁċoitċeann aca.

³³ Agus tugadar na habsduil maille ré cúṁaċdaiḃ móra fíaḋnuise eiséirġe an Tiġearna Iósa úaṫa: agus do ḃádar grásá móra orrṫa uile.

³⁴ Oír ní raiḃ éainneaċ eatorra ar a raiḃ riaċdanus: oír an ṁéid do ḃí na sealḃaiġeóiriḃ fearuinn nó tiġṫe, ar na réic, do ḃeirdís lúaċ na neiṫe do ḃí ar na reac leó,

³⁵ Agus do ċuirdís ag cósaiḃ na nabsdal é: agus do roinntí é ar gaċ áon do réir a ríaċdanuis.

³⁶ Agus ag Ióses, dar ġoireadar na habsdail Barnabas, (sé sin, ar na eidirṁíniuġaḋ, Mac na coṁḟurṫaċda,) ar mbeiṫ ḋó na Leḃíte, agus do ḟreiṁ na Sioprus,

³⁷ Ar mbeiṫ go raiḃ fearann aige, do reac se é, agus tug sé ris an tairgead, agus do ċuir sé ag cosaiḃ na nabsdal é.